. ආධුනික ශූරයාට ලක්ෂයක් | කෙළිමඬල
2018 දෙසැම්බර් මස 12 වැනි බදාදා
ආධුනික ශූරයාට ලක්ෂයක්
2018-06-28 17:00:43 | නාමල් පතිරගේ

ශ්‍රී ලංකා කායවර්ධන හා ශාරීරික යෝග්‍යතා සම්මේලනය මෙහෙයවන ශ්‍රී ලංකා ආධුනික අයෝමය ශූරයා තේරීමේ තරගාවලිය ලබන සෙනසුරාදා (30 වැනිදා) පෙරවරු 8.30 සිට ගාල්ල හෝල් ඩි ගෝල් ශාලාවේදී පැවැත්වීමට නියමිතය. එදින උදෑසන 8.30 ට මූලික වටයේ තරග පැවැත්වෙන අතර අවසන් මහා තරග පස්වරු 4.30 සිට ආරම්භ කිරීමට කටයුතු යොදා තිබේ.

බර පංතීන් රැසකින් සමන්විත මෙවර ආධුනික කායවර්ධන තරගාවලියේ ශූරයාට රුපියල් ලක්ෂයක්ද දෙවැනි ස්ථානයට හා තෙවැනි ස්ථානයට පිළිවෙලින් රුපියල් 75,000ක් සහ 50,000 ක්ද ප්‍රදානය කෙරේ.

කිලෝග්‍රෑම් 70 ට වැඩි හා කිලෝග්‍රෑම් 70 ට අඩු පරිදි බර පංතීන් දෙකකින් සමන්විත ආධුනික වයස 21 න් පහළ කනිෂ්ඨ ඉසව්ද තරගාවලියට ඇතුළත් වේ.  

කිලෝග්‍රෑම් 55, 60, 65, 70, 75, 80, 85, 90, 95 හා 100 ට වැඩි පරිදි එහිදී ඉසව් පැවැත්වේ. බර පංතීන් ජයග්‍රාහකයන් අතරේ තරගාවලියේ අවසන් මහ තරගය පැවැත්වෙන අතර එහි ජයග්‍රාහකයා 2018 ජාතික ආධුනික අයෝමය ශූරයා ලෙස රුපියල් ලක්ෂයේ ත්‍යාගය සමග කුසලාන හිමිකර ගැනීමේ අවස්ථාව උදාකර ගනියි.

ජාතික ආධුනික තරගාවලියට සහභාගි විය හැක්කේ ජාතික මට්ටමේ වෙනත් කායවර්ධන තරගවලදී පළමු, දෙවැනි හා තෙවැනි ස්ථාන මීට පෙර දිනා නොගත් ක්‍රීඩකයන්ට පමණි. කෙසේ වුවත් පළාත් හෝ දිස්ත්‍රික් තරග ජයග්‍රාහකයන්ට මෙම තරගාවලියට සහභාගි වීමේ බාධාවක් නැතැයි ශ්‍රී ලංකා කායවර්ධන හා ශාරීරික යෝග්‍යතා සම්මේලනයේ සභාපති කිත්සිරි ප්‍රනාන්දු මහතා පැවැසීය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...