. යෙරී මිනාගේ ගෝලයෙන් කොලොම්බියාව අවසන් 16ට | කෙළිමඬල
2019 අපේ‍්‍රල් මස 23 වැනි අගහරුවාදා
යෙරී මිනාගේ ගෝලයෙන් කොලොම්බියාව අවසන් 16ට
2018-06-28 23:32:45 | ...

කොළොම්බියාවේ යෙරී මිනා 79 වැනි මිනිත්තුවේදී ලබාගත් ගෝලයත් සමගින් අවසන් මොහොතේ සෙනගල් කණ්ඩායම තරගාවලියෙන් එළියට ඇද දමමින් අවසන් 16 දෙනාගේ වටයට සුදුසුකම් ලබා ගැනීමට කොළොම්බියාව අද (28) සමත් විය. ‘එච්’ කාණ්ඩයේ තරගයක් වූ මෙය රුසියාවේ සමාරා ක්‍රීඩාංගණයේදී පැවැත්විණ.  

මෙම තරගය ආරම්භ වීමට පෙර සිටම දෙපිළටම අවසන් 16 දෙනාගේ වටයට සුදුසුකම් ලබා ගැනීමේ හැකියාව පැවති අතර ප්‍රසාද ලකුණු 4ක් සමගින් සෙනගලය දෙවන ස්ථානයේත්, ප්‍රසාද ලකුණු 3ක් සමගින් කොළොම්බියාව තෙවන ස්ථානයේ පසුවිය. ප්‍රසාද ලකුණු සටහනේ පෙරමුනේ පසුවූ ජපානයද පෝලන්තයට එරෙහිව අද තරගය පරාජය වීමත් සමග ඔවුන්ද පහළට ඇද දමමින් කොළොම්බියාව ‘එච්’ කාණ්ඩයේ පෙරමුණ ලබා ගැනීමට සමත් විය. 

මෙම ජයග්‍රහණයත් සමග ලෝක කුසලාන තරගයකදී කොළොම්බියාව අවසන් 16 දෙනාගේ වටයට තේරිපත් වූ තෙවන අවස්ථාව බවටද පත්විය. ‘එච්’ කාණ්ඩයේ වැඩි ගෞරවය ලබා සිටි ජපානය සහ සෙනගලය පළමු වටයේ අවසන් තරගය පරාජයට පත්වීම නිසා අවසන් මොහොතේ කවුරුත්  නොසිතූ කොළොම්බියාව සියල්ල පසු කරමින් කොලොම්බියාවට නව බලාපොරොත්තුවක් ගෙන දුන්නේය. 

මෙවර තරගාවලියේ ‘එච්’ කාණ්ඩයේ ආරම්භක තරගයම ජපානය හමුවේ ගෝල 2-1 කින් පරාජයට පත්වීමට කොළොම්බියාවට සිදුවිය. එහෙත් පෝලන්තයට එරෙහිව පැවති තරගය ගෝල 3-0 කින් ජය ගැනීම නිසා නැවතත් තරගාවලියේ රැදී සිටීමට කොළොම්බියාවට වාසනාව ලැබිණ. අද පැවති තරගය කණ්ඩායම් ද්විත්වයටම තීරණාත්මක තරගය බවට පත් වුවද, වැඩි දෙනාගේ අදහස වූයේ මුල් තරග දෙකම දක්ෂ අයුරින් ක්‍රීඩා කළ සෙනගලය අවසන් 16 දෙනාගේ වටයට සුදුසුකම් ලබාගනු ඇති බවය. 

ජපානයද අවසන් මොහොතේ පෝලන්තය හමුවේ පරාජයට පත්වීම නිසා සෙනගලය සහ ජපානය ප්‍රසාද ලකුණු සටහනේ සම ලකුණු ලබා අවසන් 16 දෙනාගේ වටයට තේරීපත් වන්නේ කවුරුන්ද යන්න බලා සිටීමට සිදුවිය. ඒ අනුව සහභාගී වූ තරග තුනේදීම කණ්ඩායම් දෙකම ලැබූ ජයග්‍රහණ, ලැබූ පරාජ, ලැබූ ගෝල සහ දුන් ගෝල යන සියල්ල සමවීම නිසා අවම කහ කාඞ්පත් ප්‍රමාණයක් ලබාගත් කන්ඩායමට 16 දෙනාගේ වටයට ප්‍රවිශ්ට වීමට අවස්ථාව උදා කර දුන්නේය. එහිදී සෙනගලය කහ කාඞ්පත් 6ක් ලබා සිටි අතර ජපානය ලබා තිබුණේ කහ කාඞ්පත් 4ක් වීම නිසා සෙනගලයේ සියලුම බලාපොරොත්තු බිඳ දමමින් ජපානයට 16 දෙනාගේ වටයට සේන්දු වීමට අවස්ථාව හිමි විය. 

සෙනගල් කණ්ඩායමේ සියලුම බලාපොරොත්තු සැනින් අවසන් කරමින් අවසන් 16 දෙනාගේ වටයට සේන්දු වීමට අවස්ථාව උදාකරදුන් කොළොම්බියාවේ යෙරී මිනා තරගයේ වීරයා ලෙස නම් කෙරිණ. 

- 024

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...