. කැරම් තේරීම් කමිටු සභාපති ඩඩ්ලි ගුණවර්ධන | කෙළිමඬල
2018 දෙසැම්බර් මස 12 වැනි බදාදා
කැරම් තේරීම් කමිටු සභාපති ඩඩ්ලි ගුණවර්ධන
2018-06-29 13:09:33 | .

ක්‍රීඩා අමාත්‍යාංශය විසින් පත්කරනු ලැබූ සාමාජිකයින් පස් දෙනකුගෙන් සමන්විත ශ්‍රී ලංකා කැරම් ජාතික තේරීම් කමිටුවේ සභාපතිවරයා ලෙස ඩඞ්ලි ගුණවර්ධන මහතා නම් කර තිබේ. ෂර්ලි ද සිල්වා, සුනන්ද කෝදාගොඩ, ජේ.එන්. අබේවර්ධන සහ වසන්ත වික්‍රමසිංහ යන මහත්වරු එම කමිටුවේ සෙසු සාමාජිකයෝ ලෙස කටයුතු කරති. 

 

මහජන බැංකුවේ හිටපු නියෝජ්‍ය කළමනාකාරවරයකු වන ඩඞ්ලි ගුණවර්ධන මහතා ඉතා දිගු කළක සිට කැරම් තේරීම් කමිටු සාමාජිකයෙකු ලෙස කටයුතු කර ඇති අතර, වසර කීපයක්ම ජාතික කනිෂ්ට කැරම් ශූරතාවද දිනාගෙන ඇති ප්‍රවීන කැරම් ක්‍රීඩකයකු සහ කැරම් විනිසුරුවරයකුද වේ.

ෂර්ලි ද සිල්වා මහතා සෙලාන් බැංකුවේ හිටපු නියෝජ්‍ය සාමාන්‍යාධිකාරීවරයෙකු වන අතර, මින් පෙර ඔහු තේරීම් කමිටු සභාපතිවරයෙකුද ලෙස කටයුතු කර ඇත. මහජන බැංකුවේ හිටපු නියෝජ්‍ය කළමනාකාරවරයෙකු වන සුනන්ද කෝදාගොඩ මහතා වසර අටකට අධික කාලයක් ජනසතු සේවා කැරම් සංගමයේ ප්‍රධාන ලේකම් ලෙසද, ශ්‍රී ලංකා කැරම් සම්මේලනයේ විධායක සභිකයෙකු ලෙසද කටයුතු කර ඇත. ප්‍රවීන කැරම් විනිසුරුවරයෙකු වන ඔහු කැරම් සම්මේලනයේ මාධ්‍ය නිළධාරියා ලෙසද කටයුතු කරයි.

ශ්‍රී ලංකා ගමනාගමන මණ්ඩලයේ ජ්‍යෙෂ්ඨ ගිණුම් ලිපිකරුවෙකු ලෙස සේවය කළ ජේ.එන්. අබේවර්ධන මහතා හිටපු ජාතික කැරම් ශූරයෙකු වන අතර ඔහු ශ්‍රී ලංකා කැරම් සම්මේලනයේ ජාතික පුහුණුකරු ලෙසද කටයුතු කර ඇත. රජයේ මිනින්දෝරු දෙපාර්තමේන්තුවේ සේවය කළ වසන්ත වික්‍රමසිංහ මහතා රාජ්‍ය සේවා කැරම් ශූරතා දිනාගත් ප්‍රවීණ කැරම් ක්‍රීඩකයෙකි.

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...