. පීතරයෝ හඹාගොස් කුසලානය ඩැහැගනිති | කෙළිමඬල
2019 අපේ‍්‍රල් මස 23 වැනි අගහරුවාදා
පීතරයෝ හඹාගොස් කුසලානය ඩැහැගනිති
2018-06-30 23:01:11 | සමීර ගොඩපිටිය

අසීරු ඉලක්කයක් හඹාගිය කොළඹ ශාන්ත පීතර විද්‍යාලය ශාන්ත ජෝශප් විද්‍යාලය ලකුණු 22-20 කින් පරාජයට පත්කරමින් මයිලෝ ජනාධිපති කුසලානය 6 වන වරටත් තමන් සතු කරගැනීමට අද (30) සමත් විය. මෙම තරගය කොළඹ තුරඟ තරග පිටියේදී විදුලි ආලෝක මධ්‍යයේ පැවැත්විණ.

ගියවර ශූරයන් වූ ශාන්ත ජෝශප් විද්‍යාලය ජයග්‍රාහී ආරම්භයක් ලබා ගත්තද, දෙවන භාගයේ සම්පූර්ණයෙන්ම තරගය කනපිට හැරවනු ලැබූ පීතර විද්‍යාලය මෙවර ජනාධිපති කුසලානය නැවතත් සිය විදු මාතාව වෙත රැගෙන ගියේ වසර 8කට පසුවවීම විශේෂත්වයකි.

ජෝශප් විද්‍යාලයේ අංක 12 දරන ක්‍රීඩක ආර්.මධුෂංකගේ පා පහරින් ඇරඹණු තරගයෙන් විනාඩි 3ක් යාමට මත්තෙන් ජෝශප් විද්‍යාලයට දඬුවම් පහරක් ප්‍රදානය කිරීමට තරග විනිසුරුවරයා තීරණය කළේය. දඬුවම් පහරෙන් උපරිම ප්‍රයෝජන ලබාගත් ජෝශප් විද්‍යාලයේ සන්තුෂ් අල්ගම ලකුණු ලබා ගැනීම ඇරඹුවේය.  

නැවතත් ලකුණු ලබා ගැනීම ආරම්භ කළ ජෝශප් විද්‍යාලයේ තරිඳු ද අල්විස් ලබාගත් උත්සාහක දිනුම සන්තුෂ් අල්ගම විසින් ගෝලයක් බවට ප්‍රවර්තනය කිරීම නිසා ලකුණු 10-0 කින් පෙරමුණ ලබා ගැනීමට ජෝශප් විද්‍යාලයට හැකි විය.

පීතර විද්‍යාලයේ ජේ.ජී. චාල්ස් ලකුණු ලබා ගැනීම ආරම්භ කරමින් පළමු උත්සාහක දිනුම ලබා ගැනීමට සමත් වුවත් ලකුණු වැඩිකර ගැනීමට තිබූ ප්‍රවර්තන අවස්ථාව ඔවුන්ට මඟහැරී ගියේය. ඒ වනවිටත් ලකුණු 10-5 ක් ලෙස පෙරමුණ ලබා ගැනීමට ජෝශප් විද්‍යාලයට හැකියාව ලැබිණ.

තරගයේ 19 වැනි මිනිත්තුවේදී නැවතත් ජෝශප් විද්‍යාලය වෙනුවෙන් ලකුණු ලබා ගැනීම ඇරඹු ගැමුණු චේතිය වේගවත් ධාවනයකින් පසු උත්සාහක දිනුම පසුකර යාමට සමත් විය. එහි ප්‍රවර්තනය සාර්ථක කරගත් සන්තුෂ් අල්ගම පළමු භාගය අවසානයේ ලකුණු 17-5 කින් ජොශප් විද්‍යාලය පෙරමුණේ තැබීය.

තරගයේ දෙවන භාගය ආරම්භ වී ආරම්භ වී ස්වල්ප මොහොතක් යාමට මත්තෙන් නැවතත් ජෝශප් විද්‍යාලයට දඬුවම් පහරක් පිරි නැමීම නිසා එය සාර්ථක කරගත් සන්තුෂ් අල්ගම ලකුණු 20-5 කින් ජෝශප් විද්‍යාලයේ ජයග්‍රහණයට පාරකපා දුන්නේය. එහෙත් සියලුම ප්‍රේක්ෂකයන් විමතියට පත්කළ ශාන්ත පීතරයන් සම්පූර්ණයෙන්ම තරගය කනපිට හරවමින් දෙවන භාගයේ ජෝශප්වරු මෙල්ල කරමින් තරගයට අවතීර්ණ විය.

තරගයේ අවසන් මිනිත්තු 30 සම්පූර්ණයෙන්ම පන්දුව පීතර විද්‍යාලය තුළ නතුකර ගනිමින් අංක 22 දරන ක්‍රීඩක ඊ.එස්.එන් සිල්වා ලබාගත් උත්සාහක දිනුමත් සමගින් පීතර විද්‍යාලයේ ලකුණු සංඛ්‍යාව ලකුණු 10 දක්වා ඉහළ නැගීය.


ජෝශප්වරුන්ගේ සියලු බලාපොරොත්තු සුන්වී යද්දී, පැමිණ සිටි අති විශාල පිරිසකගේ උද්යෝගය මැද නැවතත් උත්සාහක දිනුමක් තැබූ පීතර විද්‍යාලය ක්‍රමයෙන් සිය ඉලක්කයට ලගාවිය.

තරගය පුරාවටම ලබාගත් ප්‍රවර්තන අවස්ථා ත්‍රිත්වයම අසාර්ථක කරගත් පීතර විද්‍යාලයේ කෙනෙත් විමලදාස තරගය නිමාවීමට මිනිත්තු කිහිපයක් තිබියදී ලබාගත් උත්සාහක දිනුම හේතුවෙන් තරගය ලකුණු 20-20 ක් ලෙස සම විය. මෙතෙක් ලබාදුන් ප්‍රවර්තන අවස්ථා සියල්ල අසාර්ථක වුවත් දක්ෂ අයුරින් පන්දුව ගෝල කණු අතරින් පතිත කළ කෙනෙත් විමලදාස පීතර විද්‍යාලයට ජයග්‍රාහී සීමාව පසුකර යාමට අවස්ථාව උදාකර දුන්නේය. ඒ අනුව ලකුණු 22-20 කින් පෙරමුණ ලබා ජයග්‍රහණය පෙනිපෙනීත් තිබියදී කණ්ඩායම් දෙකටම තවත් ඉතිරිව තිබුනේ මිනිත්තු දෙකක පමණ කාලයකි. ඒ අනුව තරගාවලිය දක්ෂතම ක්‍රීඩකයාට හිමි සම්මානය දිනා ගැනීමට ශාන්ත පීතර විද්‍යාලයේ කෙනෙත් විමලදාස සමත් විය.

තරගාවලියේ ත්‍යාග ප්‍රදානෝත්සවය සඳහා ශ්‍රී ලංකා නාවික හමුදාවේ ප්‍රධානි වයිස් අද්මිරාල් සිරිමෙවන් රණසිංහ මහතා සහභාගි විය.

3V2A0034 3V2A9783 3V2A9788 3V2A9893

තරගයේ විශේෂ අවස්ථා 

ඡායාරූප - ළහිරු හර්ෂණ

 
ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...