. එංගලන්තයත් 16 දෙනාගේ කඩුල්ල පැනගනී | කෙළිමඬල
2019 අපේ‍්‍රල් මස 26 වැනි සිකුරාදා
එංගලන්තයත් 16 දෙනාගේ කඩුල්ල පැනගනී
2018-07-04 12:59:05 | .

පාපන්දු ලෝක කුසලාන තරගාවලියේ 16 දෙනාගේ වටය අවසන් කරමින් කොලොම්බියාවට එරෙහිව පැවැති තරගයේදී දඬුවම් පහර 4-3 ක ජයක් අත්කරගත් එංගලන්තය අර්ධ අවසන් පූර්ව වටයට සුදුසුකම් ලබාගත්තේය. මොස්කව් නුවර ස්පාර්ටැක් ක්‍රීඩාංගණයේදී ඊයේ (3 වැනිදා) රාත්‍රියේ පැවැති මෙම තරගය දඬුවම් පහරින් ජයග්‍රාහකයා තේරීම දක්වා දුර දිග ගියේ නියමිත කාලය තුළ දෙපිලම ගෝල 1-1ක් ලෙස සම තත්ත්වයේ පසුවූ බැවිනි. 

කාලෝස් බැකා ගැසූ කොලොම්බියාවේ අවසන් දඬුවම් පහර විශිෂ්ට අයුරින් වැළැක්වීමට එංගලන්තයේ ගෝල රකින්නා වන ජෝර්ඞ්න් පික්ෆර්ඞ් සමත්වීමෙන් පසු එරික් ඩයර් එංගලන්තයේ අවසන් දඬුවම් පහර සාර්ථකව දැළ තුළට යවමින් පාපන්දු ක්‍රීඩාවේ නිර්මාතෘවරයාට මෙම ජයග්‍රහණය ගෙන දුන්නේය.

බෙල්ජියම සමග පැවැති මූලික වටයේ අවසන් තරගයෙන් විවේක ගැන්වූ නායක හැරී කේන් ඊයේ තරගයේදී තවත් ගෝල් 2 ක් වාර්තා කරමින් මෙවර තරගාවලියේ රන් සපත්තුව කරා යන ගමන තවත් හැඩ වැඩ කරගත්තේය. 

මූලික වටයේ දී ටියුනීසියාව සමග පැවැති තරගයේදී ගෝල ද්විත්වයකුත්, අනතුරුව පැනමා කණ්ඩායම සමග පැවැති තරගයේදි ගෝල ත්‍රිත්වයකුත් ලැබූ මේ පෙරළිකාරයා ගැන ලෝක කුසලාන තරගාවලියට පෙර කතාබහ කළ අයකු සිටියේ නම් ඒ එංගලන්ත කළමණාකරු ගැරත් සවුත්ගේට් මහතා පමණක් විය හැකිය.

තීරණාත්මක අර්ධ අවසන් පූර්ව තරගයට පෙර ගෝල 5 ක් සිය නමට ඉදිරියෙන් සටහන් කරගෙන තිබූ හැරී කේන් ඊයේ තරගයේ නියමිත කාලයේ වාර්තා වූ එංගලන්ත ගෝලයටද හිමිකම් කී අතර සමස්ත තරගාවලියේදී ගෝල 6 ක් ලබා සිටී. එපමණක් නොව ඔහු 1939දී  ටොමී ලෝටොන්ගෙන් පසුව ලෝක කුසලාන තරගාවලියක එක දිගට ගෝල 6 ක් වාර්තා කළ පළමු එංගලන්ත ක්‍රීඩකයා බවටද පත්විය.

2006 තරගාවලියට පසුව පළමු වතාවට පිළිමළුන් පිටුදැකීමේ තරග වටයේ පරීක්ෂණයෙන් සමත්වූ එංගලන්තය පික්ෆර්ඞ් සහ ඩයර් වීරයන් බවට පත් කරද්දී කළමනාකරු ගැරත් සවුත්ගේට් සහ ඔහුගේ කාර්ය මණ්ඩලය උඩ පනිමින් ජයග්‍රහණය සැමැරුවේය. 

තරගයේ පළමු භාගය ගෝල රහිතව නිමාවට පත්වූ අතර දෙවැනි භාගයේ 57 වැනි මිනිත්තුවේදී ලැබුණු දඬුවම් පහර සාර්ථකව ගැසූ නායක කේන් එංගලන්තය ගෝල 1-0 කින් ඉදිරියට ගෙන ගියේය. ඊළඟට කොලොම්බියාව දැඩි පීඩනයකට හසු කරමින් අවසන් මිනිත්තුව දක්වාම එංගලන්තය සිටියේ ජයග්‍රහණයේ එළිපත්තේය. එහෙත් ආබාධවලට ලක්වීමෙන් මඟ හැරුණු කාලය අල්ලා ගැනීමේ අතිරේක මිනිත්තු කිහිපයේදී යෙරී මිනා ගෝලයක් ලබාගත් හෙයින් තරගය 1-1 කින් සමකරගත්තේ එංගලන්තයට ලෙහෙසියෙන්ම දිනන්නට තිබූ තරගය ක්‍රීඩකයන් බියට පත් කරවන දඬුවම් පහරින් ජයග්‍රාහකයා තේරීම දක්වා තල්ලු කර දමමිනි.

දඬුවම් පහර එල්ල කෙරෙන එක් අවස්ථාවකදී ගෝල 3-2 කින් කොලොම්බියාව ඉදිරියෙන් පසුවිය. එසේ වුයේ කොලාම්බියානු ක්‍රීඩකයන් තිදෙනකු වන ෆැල්කාඕ, ජූ කුවඩ්‍රාඩෝ සහ මුරීල් එක දිගට දඬුවම් පහර සාර්ථක කරද්දී එංගලන්ත පිලෙන් සාර්ථක වූයේ පළමු දඬුවම් පහර 2 පමණක් වූ බැවිනි. නායක කේන් පළමු දඬුවම් පහරත්, රැෂ්ෆෝර්ඞ් දෙවැනි දඬුවම් පහරත් සාර්ථක කරගත්තත් හෙන්ඩර්සන් එල්ල කළ තුන්වැනි දඬුවම් පහර කොලොම්බියාවේ ගෝල් රකින ඬේවිඞ් ඔස්පිනා විස්මිත අයුරින් වළක්වා ගැනීමත් සමග එංගලන්ත පිල පීඩනයකට හසුවිය. 

එවන් තත්ත්වයක් තිබියදී කොලොම්බියාවේ මතායස් උරිබි එල්ල කළ දඬුවම් පහර ගෝල් කණුවේ වැදී ඉවතට විසිවීමත් සමග එංගලන්ත ක්‍රීඩකයෝ සැනසුම් සුසුම් හෙලූහ. එංගලන්ත පිලේ සිවුවැනි දඬුවම් පහර  ට්‍රිපිර් නිවැරැදිව ගැසීම හේතුවෙන් දඬුවම් පහර 3-3 කින් යළිත් තරගය සමවිය. අනතුරුව එංගලන්තය ගැසූ පහර සාර්ථක වූයෙන් අලංකාර ක්‍රීඩාව හෙවත් පාපන්දු ක්‍රීඩාවේ නිර්මාතෘවරයෝ කඩුල්ල පැනගත්හ. 

එංගලන්තය සහ  ස්විඩනය අතර අර්ධ අවසන් පුර්ව තරගය 7 වැනිදා කොස්මොස් ක්‍රීඩාංගණයේදී පැවැත්වෙයි. එම තරගය ජයගතහොත් අවසන් මහා තරගයට යනතුරුම බ්‍රසීලය, උරුගුවේ, ප්‍රංශය හෝ බෙල්ජියම මුණ නොගැසෙන නිසා එංගලන්තය පසුවන්නේ මෙවර තරගාවලියේ අවසන් තරගය පෙනෙන මායිමේය.

main-fofof uib-nf
- 077

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
පාන්ට්ගේ ප්‍රවේගකාරී ඉනිම දිල්ලි පිල දිනවයි ...
2019-04-22 23:55:04
රිෂාබ් පාන්ට්ගේ ප්‍රවේගකාරී පිතිහරඹය හමුවේ ඉන්දීය ප්‍රිමියර් ලීග් තරගාවලියේ 40 තරගය ලෙස රාජස්ථාන් රෝයල්ස් කණ්ඩායම සහ දිල්ලි කැපිටල...
බැංගලෝර් පිල සිවුවැනි ජය ලබයි...
2019-04-24 19:48:48
ඉන්දීය ප්‍රිමියර් ලීග් (අයි.පී.එල්.) විස්සයි20 ක්‍රිකට් තරගාවලියේ (2019) 42 වැනි තරගය ලෙස බැංගලෝර්හිදී අද (24) රාත්‍රී පැවැති ...
වොට්සන් චෙන්නායි පිලට ජය ගෙනෙයි...
2019-04-23 19:51:10
ෂේන් වොට්සන්ගේ (96) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 41 වැනි තරගය ලෙස චෙන්නායි සුපර් කිංග්ස් සහ සන...
විදූෂා තුන් පිම්ම ලෝකඩ පදක්කම දිනයි...
නියමයි සහෝදරිය.... ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...