. ලෝක කුසලානය වෙනුවට හදවත දිනාගැනීම | කෙළිමඬල
2019 අපේ‍්‍රල් මස 23 වැනි අගහරුවාදා
ලෝක කුසලානය වෙනුවට හදවත දිනාගැනීම
2018-07-04 20:52:32 | .

 

රුසියාවේ පැවැත්වෙන මෙවර පාපන්දු ලෝක කුසලාන තරගාවලියේ පෙරළිකාර කණ්ඩායම් අතළොස්ස අතරින් එකක් වූ ජපානය සඳුඳා (2) තියුණු තරගයකින් පසුව 16 දෙනාගෙන් වටයෙන් ඉවත් විය.

දහසය දෙනාගේ වටයට එක්වූ එකම ආසියානු කණ්ඩායම වූ ජපාන කණ්ඩායම තීරණාත්මක තරගයේදී බෙල්ජියමට ප්‍රබල අභියෝගයක් විය. තරගයේ දෙවැනි අර්ධයේදී ගෝල දෙකක් වාර්තා කරමින් වැඩි වාසි අත් කරගැනීමට ජපාන කණ්ඩායම සමත් වූවද එම වාසිය පැවැතියේ විනාඩි 20කටත් අඩු කාලයකි. තරගයේ 69 වැනි මිනිත්තුවේදී තම පළමු ගෝලයත් 74 වැනි මිනිත්තුවේදී දෙවැනි ගෝලයත් වාර්තා කරමින් ජපානය හා සම වන්නට බෙල්ජියානු කණ්ඩායම සමත්විය. ඉන් අනතුරුව කණ්ඩායම් දෙක අතර තියුණු සටනක් පැවැති අතර තරගයේ අතිරේක කාලයේදී එනම් 94 වැනි මිනිත්තුවේදී තවත් ගෝලයක් වාර්තා අර්ධ අවසන් පූර්ව වටයට පිවිසීමට බෙල්ජියානු කණ්ඩායම සමත්වූයේ තරගය 3-2ක් ලෙස ජයගනිමිනි. 

තියුණු තරගයකින් අනතුරුව 16 දෙනාගෙන් වටයෙන් ඉවත් වීමට සිදුවුවත් ජාත්‍යන්තර මාධ්‍යය බොහෝමයක අවධානය තමන් වෙත හරවා ගැනීමට සටන්කාමී හා විනයානුකූල ජාතියක් ලෙසින් හැඳින්වෙන ජපානයේ පාපන්දු කණ්ඩායම සමත්විය. 

වේදනාකාරී තරග පරාජයකට මුහුණ දුන් ජපාන පාපන්දු කණ්ඩායම තරගය පැවැති රොස්ටොව් ඇරීනා ක්‍රීඩාංගනයේ තමන්ගේ විවේකාගාරයෙන් නිකම ගොස් තිබුණේ ‘රුසියානු බසින්’ ‘ස්තූතියි’ යනුවෙන් සත්කාරක රුසියාවට කෘතඥ වෙමින් සහ ඔවුන්ගේ විවේකාගාරය සම්පූර්ණයෙන් පිරිසුදු කරමිනි. 

රුසියානු බසින් ‘ස්තූතියි’ යනුවෙන් කාඞ්බෝඞ් වැන්නක ලියා එය ජපාන කණ්ඩායමේ විවේකාගාරයේ තබා ගොස් තිබූ අතර එය සහ ඉතා පිළිවෙළකට තිබෙන ජපාන පාපන්දු කණ්ඩායමේ විවේකාගාරය දැක්වෙන ඡායාරූපයක් අන්තර්ජාතික පාපන්දු සම්මේලනයේ සාමාන්‍ය සම්බන්ධිකාරිකා ප්‍රිසිලා යැන්සන්ස් විසින් ප්‍රසිද්ධියට පත් කරනු ලැබ තිබිණි. ජපාන කණ්ඩායමේ මෙම ක්‍රියාව අනෙකුත් කණ්ඩායම් සියල්ලට ද ඉතාමත් හොඳ පූර්වාදර්ශයක් යැයිද එම ඡායාරූපය පළ කරමින් ඇය සඳහන් කර තිබිණි.

 තරග පරායෙන් පසු කඳුළු පිරි දෙනෙත්වලින් පිටියෙන් ඉවත් වූ ජපාන කණ්ඩායමේ මෙම ක්‍රියා කලාපය ලොව පුරා පාපන්දු ලෝලීන්ගේ හදවත් දිනාගැනීමට සමත්ව තිබේ. ජපාන පාපන්දු කණ්ඩායමේ ක්‍රීඩකයන් පමණක් නොව තරගය නැරඹීමට පැමිණි ජපාන පාපන්දු ලෝලීන් ද තරගයෙන් අනතුරුව ක්‍රීඩාංගනයේ ඔවුන් රැඳී සිටින ස්ථාන පිරිසුදු කරන අයුරු ජාත්‍යන්තර මාධ්‍යවේදීන්ගේ කැමරා කාචවලට හසුව තිබිණි. 

“ජපාන පාපන්දු ක්‍රීඩකයන්ගේ ඔවුන්ට සහාය පැතීමට පැමිණි සියලු දෙනාට ස්තූති කළා. ඒ වගේම ඔවුන් මාධ්‍යයට අදහස් දැක්වූවා. ඒ වගේම ඔවුන් ඔවුන්ගේ විවේකාගාරය සම්පූර්ණයෙන් පිරිසුදු කරලා. ඒ වගේම රුසියානු බසින් ‘ස්තූතියි’ කියා සටහනක් ද තබලා. අනෙකුත් කණ්ඩායම්වලට එය කොතරම් ආදර්ශයක් ද ? ජපාන කණ්ඩායම සමඟ කටයුතු කිරීමත් ගෞරවයක්” යැයි ප්‍රිසිලා යැන්සන්ස් සඳහන් කර තිබිණි.
 
 
 
 
ඩේලිමේල් ඇසුරිනි
 
-055 
ඔබේ ප්‍රතිචාර
sensa2018-07-05 03:00:48
රටක දියුණුව යනු මෙයයි.

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...