. පාරමී ලෝකයේම මුල් තැනට | කෙළිමඬල
2018 නොවැම්බර් මස 18 වැනි ඉරිදා
පාරමී ලෝකයේම මුල් තැනට
2018-07-05 14:08:14 | නාමල් පතිරගේ

යොවුන් ඔලිම්පික් උළෙල සඳහා සුදුසුකම් ලබා ගැනීම සඳහා තායිලන්තයේදී පැවැත්වෙන (වයස 18න් පහළ තරගාවලියේදී මීටර 2000 බාධක දිවීම (කාන්තා) ඉසව්වේ රන් පදක්කම ඊයේ (4) දිනාගත් ශ්‍රී ලංකා ක්‍රීඩිකා පාරමී වසන්ති මාරිස්ටෙලා එම ඉසව්වේ ලෝක ශ්‍රේණිගත කිරීම් අනුව අංක එකේ ක්‍රීඩිකාව බවට පත්වීමට සමත් වූවාය. ඇයගේ තරග කාලය ලෙසින් සටහන් වන්නේ විනාඩි 6 තත්ත්පර 35.20 කි. 

ශ්‍රී ලංකා මලල ක්‍රීඩා ඉතිහාසයේ ශ්‍රී ලංකා ක්‍රීඩිකාවක් හෝ ක්‍රීඩකයෙක් ලෝක ශ්‍රේණිගත කිරීම් අනුව පළමු ස්ථානයට පැමිණි පළමු අවස්ථාව මෙය බව ශ්‍රී ලංකා මලල ක්‍රීඩා සංගමයේ නිල දත්ත සටහන්කරු සමන් කුමාර ගුණවර්ධන මහතා පවසයි. ඇය ඊයේ එහි රන් පදක්කම දිනා ගත් අතර ඒ වනවිට ලෝක ශ්‍රේණිගත කිරීම් අනුව අංක එකේ පසුවූයේ ප්‍රංශ ක්‍රීඩිකාවකි. ඒ විනාඩි 6 තත්ත්පර 35.80 කටය. මේ වනවිට එම ඉසව්වේ තෙවැනි ස්ථානය ලබා සිටින්නේ ඇමරිකානු ක්‍රීඩිකාවකි.

කුලියාපිටිය මැදි විදුහලේ සිසුවියක් වන පාරමී මාරිස්ටෙලා නොබෝදා ජපානයේ දී පැවැති ආසියානු කනිෂ්ඨ මලල ක්‍රීඩා තරගාවලියේදී මීටර් 3000 බාධක දිවීමේ කාන්තා ඉසව්වෙන්ද රන් පදක්කමක් දිනාගත් ක්‍රීඩිකාවයි. මෙම දස්කම හමුවේ ඇය ලබන ඔක්තෝබර් 6 සිට 18 වැනිදා දක්වා ආර්ජන්ටිනාවේ බුවනෝස් අයර්ස් හිදී පැවැත්වෙන තෙවැනි යොවුන් ඔලිම්පික් ක්‍රීඩා උළෙලටද සුදුසුකම් සපුරා ගත්තාය.

ඒ අතර තායිලන්ත තරගාවලියට සහභාගිවී සිටින කුලියාපිටිය මැදි විදුහලේම සිසුවියක් වන අස්තිකා හේරත් එහි ලෝකඩ පදක්කම (විනාඩි 7 තත්ත්පර 08.05) දිනා ගැනීමට සමත්වීම වූවාය. 

මෙම සුදුසුකම් ලබාගැනීමේ තරගාවලියට සහභාගිවී සිටින කුරුණෑගල ශ්‍රීමත් ජෝන් කොතලාවල විදුහලේ ඩී. එම්. බෝගොඩ මීටර් 400 (පිරිමි) ඉසව්ව තත්ත්පර 48.56 කට අවසන් කරමින් එහි රන් පදක්කම දිනා ආර්ජන්ටිනාවේදී පැවැත්වෙන යොවුන් ඔලිම්පික් උළෙලට සුදුසුකම් සපුරා ගත්තේය.

සුදුසුකම් ලබාගැනීමේ තරගාවලිය බැංකොක් නුවරදී අදත් (5) පැවැත්වෙන අතර ඒ සඳහා ශ්‍රී ලංකාවෙන් ක්‍රීඩක ක්‍රීඩිකාවන් හත් දෙනකුගෙන් සමන්විත කණ්ඩායමක් සහභාගිවී සිටියි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ක්‍රිකට් කළමණාකරු තනතුර දමා යන්න යයි...
2018-11-11 21:05:59
ශ්‍රී ලංකා ක්‍රිකට් කණ්ඩායමේ කළමනාකරු ලෙස කටයුතු කළ චරිත් සේනානායක මහතා එම තනතුරෙන් ඉල්ලා අස් වී තිබේ. වහාම ක්‍රියාත්මක වන පරි...
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...