. ඉග්නැෂිවිච් පාපන්දු පිටියට සමුදෙයි | කෙළිමඬල
2018 නොවැම්බර් මස 20 වැනි අගහරුවාදා
ඉග්නැෂිවිච් පාපන්දු පිටියට සමුදෙයි
2018-07-08 16:08:56 | .

රුසියානු ජාතික පාපන්දු කණ්ඩායමේ වසර 16කට අධික කාලයක් සේවය කිරීමෙන් පසු පාපන්දු පිටියෙන් සමු ගැනීමට රුසියානු මැදපෙළ ක්‍රීඩක සර්ජි ඉග්නැෂිවිච් තීරණය කර ඇති බව රොයිටර් පුවත් සේවය සඳහන් කරයි. ඊයේ (7) ක්‍රෝඒෂියාව සමගින් අර්ධ අවසන් පූර්ය වටයේ පැවැති තරගයෙන් දඬුවම් පහර 4-3 කින් පරාජයට පත් වීමත් සමග ඉග්නැෂිවිච් මෙම තීරණය ගෙන ඇත.

ක්‍රීඩාවට සමුදෙන විට 38 වැනි වියේ පසුවූ ඉග්නැෂිවිච් රුසියාව වෙනුවෙන් වැඩිම තරග සංඛ්‍යාවකට සහභාගී වූ එකම ක්‍රීඩකයාද වේ. ඊයේ ක්‍රෝඒෂියාවට එරෙහිව පැවැති තරගයේදී නියමිත කාලය අවසානයේ කණ්ඩායම් දෙකම ගෝල 1-1 ලබා තීරණාත්මක සංධිස්ථානයක පසුවුවත් නැවතත් 101 වැනි මිනිත්තුවේදී ක්‍රෝඒෂියාව ගෝලයක් ලබා ගැනීමත් සමග තරගය නැවතත් ක්‍රෝඒෂියාව වෙත නතුවිය. එහෙත් ඉන් මිනිත්තු 4කට පසු නැවතත් ගෝලයක් වාර්තා කළ රුසියාව ගෝල 2-2කින් සම කරමින් දඬුවම් පහරින් ජයග්‍රාහකයා තේරීම දක්වා තරගය ඉදිරියට ගෙනයාමට රුසියාව සමත් විය. එහෙත් අවසානයේ දඬුවම් පහර 4-3 කින් ජයගත් ක්‍රෝඒෂියාව අවසන් පූර්වවටයේ ස්ථානය තහවුරු කර ගත්තේය.

“ මේ මගේ අවසන් ලෝක කුසලාන තරගාවලිය වගේම අවසන් තරගය රට වෙනුවෙන් ක්‍රීඩාකරපු. මෙවර ලෝක කුසලානය මාව විශාල ලෙස දිරිමත් කළා. මම මගේ ගමන නැවැත්තුවේ ඉහළ තැනකින් කියලා මට හිතෙනවා. ඒ ගැන මට ලොකු සතුටක් දැනෙනවා. මම අවසානයේ ලෝක කුසලානයකටත් ක්‍රීඩා කරන්න තරම් වාසනාවන්ත වුනා. ඒ වගේම මම අර්ධ අවසන් පූර්ව වටයේත් ක්‍රීඩා කළා. ඒ වගේම පාපන්දු ක්‍රීඩාවේ උසස්ම කණ්ඩායම් සමග ක්‍රීඩා කරන්න අවස්ථාව මට ලැබුණා. ඒ වගේම සාර්ථක පුහුණුකරුවෙකු යටතේ මට ක්‍රීඩා කරන්න ලැබීමට තරම් මම වාසනාවන්ත වුණා.’ යැයි සමාජ ජාලයට වීඩියොවක් නිකුත් කරමින් ඉග්නැෂිවිච් ප්‍රකාශ කර සිටියේය.

මෙවර තරගාවලියේ දීර්ඝ ගමනක් පැමිණි රුසියාව ඊයේ තරගයෙන් පසු ඉවත් වුවද, රුසියානු ජනතාවගේ නොමඳ ආදරය දිනීමට තරම් වාසනවන්ත විය. ප්‍රබලයන් රැසක්ම තරගාවලිය ආරම්භයේදීම මෙවර ලෝක කුසලානයට තිත තබද්දී, ලෝක පාපන්දු ශ්‍රේණිගත කිරීම්හි 70 වන ස්ථානයේ පසුවන රුසියාව මෙතරම් දුරක් පැමිණිමම විශාල ජයග්‍රහණයකි.

“ මම එළඹෙන දෙසැම්බර් මාසයේ පුහුණුකරුවෙකු ලෙස කටයුතු කරන්න අවශ්‍ය බලපත්‍රය ගන්න බලාපොරොත්තුවෙන් ඉන්නවා. මම කැමතියි මගේ මෙතැනින් එහා ජීවිතය සාර්ථක පුහුණුකරුවෙක් වශයෙන් කටයුතු කරන්න යැයි ඉග්නැෂිවිච් අවසන් වරට රුසියානු පාපන්දු රසිකයන්ට බලාපොරොත්තුවක් ලබාදෙමින් ප්‍රකාශ කර සිටියේය.

 

- 024

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...