. තුන්කොන් වි:20 තරගාවලියේ ජය පාකිස්තානයට | කෙළිමඬල
2019 පෙබරවාරි මස 16 වැනි සෙනසුරාදා
තුන්කොන් වි:20 තරගාවලියේ ජය පාකිස්තානයට
2018-07-08 19:16:22 | .

ඕස්ට්‍රේලියාව, පාකිස්තානය සහ සිම්බාබ්වේ අතර පැවැති තුන්කොන් විස්සයි20 ක්‍රිකට් තරගාවලියේ ශූරතාව දිනාගැනීමට පාකිස්තාන කණ්ඩායම අද (8 වැනිදා) සමත් විය. හරාරේ ක්‍රීඩාගණයේදී ඕස්ට්‍රේලියාවට එරෙහිව පැවැති තරගයෙන් කඩුලු 6 ක ජයක් අත්කර ගනිමින් පාකිස්තානය එම ශූරතාවට හිමිකම් කීවේය.  

ජයග්‍රහණය සඳහා ලකුණු 184 ක ඉලක්කයක් හඹාගිය පාකිස්තාන ක්‍රීඩකයෝ පන්දු 4 ක් ඉතිරිව තිබියදී කඩුලු 4 ක් පමණක් දැවී එම ඉලක්කය පසුකර ගියහ. මාකස් ස්ටොයිනිස් යැවූ අවසන් ඕවරයේ දෙවැනි පන්දුවට හතරේ පහරකින් සංග්‍රහ කළ අසීෆ් අලී පාකිස්තාන කණ්ඩායමේ ජයග්‍රහණය තහවුරු කළේය.

ප්‍රවේගකාරී ඉනිමක් ක්‍රීඩා කළ ෆකාර් සමාන් පන්දු 46 කදී හයේ පහර 3 ක් සහ හතරේ පහර 12 ක් සමග ලකුණු 91 ක් රැස්කරමින් පාකිස්තාන කණ්ඩායමට සාර්ථක ආරම්භයක් ලබාදුන්නේය. ෂොයිබ් මලික් (43) සමග එක්ව තෙවැනි කඩුල්ල වෙනුවෙන් පන්දු 64 කදී ලකුණු 107 ක වේගවත් සම්බන්ධතාවක් ගොඩනගමින් පාකිස්තාන කණ්ඩායමේ ජයග්‍රහණය සඳහා මනා අඩිතාලමක් දැමීමටද ෆකාර් සමත් විය.

පන්දු 37 කට මුහුණදුන් ෂොයිබ් මලික් හයේ පහරකින් සහ හතරේ පහරකින් සිය ඉනිම සැරසූ අතර නායක සර්ෆරාස් අහමඞ්ද පන්දු 19 කදී හයේ පහරක් සහ හතරේ පහර 4 ක් සමග ලකුණු 28 ක් රැස්කරමින් පාකිස්තාන කණ්ඩායම් ජයග්‍රහණය සඳහා සිය දායකත්වය සැපයීය.

කාසියේ වාසිය දිනා පළමුවෙන් පන්දුවට පහරදුන් ඕස්ටේ්‍රලියානු කණ්ඩායමේ පළමු කඩුල්ල වෙනුවෙන් පන්දු 59 කදී ලකුණු 95 ක සම්බන්ධතාවක් ගොඩනැගීමට ඩි’ආසි ෂෝට් (76) සහ නායක ඒරන් ෆින්ච් (47) සමත් වූහ. පන්දු 53 කදී වාර්තා වූ ෂෝට්ගේ අර්ධ ශතකය හයේ පහර 4 කින් සහ හතරේ පහර 7 කින් සමන්විත වූ අතර පන්දු 27 කදී වාර්තා වූ ෆින්ච්ගේ ඉනිමට හයේ පහර 3 ක් සහ හතරේ පහර 2 ක් ඇතුළත් විය.

දක්ෂ පන්දු යැවීමක නිතර වූ මොහොමඞ් අමීර් සිය ඕවර 4 තුළදී කඩුලු 3 ක් බිඳහෙළුවේ ප්‍රතිවාදීන්ට ලකුණු 33 ක් ලබාදෙමිනි. ඕස්ටේ්‍රලියානු පිතිකරුවන් පීඩනයට පත්කිරීම සඳහා අමීර්ට අනගි සහයක් දුන් ශඩාබ් ඛාන් ලකුණු 38 කට කඩුලු 2 ක් දවාගත්තේය.


ඕස්ට්‍රේලියාව - ඕවර 20 කදී කඩුලු 8 ක් දැවී 183
(ඩි’ආසි ෂෝට් 76, ඒරන් ෆින්ච් 47, මාකස් ස්ටොයිනිස් 12, ට්‍රැවීස් හෙඞ් 19, මොහොමඞ් අමීර් 33/3, ශඩාබ් ඛාන් 38/2)

පාකිස්තානය - ඕවර 19.2 කදී කඩුලු 4 ක් දැවී 187
(ෆකාර් සමාන් 91, සර්ෆරාස් අහමඞ් 28, ෂොයිබ් මලික් නොදැවී 43, අසීෆ් අලී නොදැවී 17, ග්ලේන් මැක්ස්වෙල් 35/2)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ද්විත්ව ශතක 15 ක් - ශතක 114 ක්...
2019-02-12 18:52:14
අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ පැවැති තරගාවලිය අවසන් වනවිට පිතිකරුවන් සිව්දෙනෙකු ලකුණු 100...
දකුණු අප්‍රිකානු පළමු ඉනිම ලකුණු 235 කට සීමාවෙයි...
2019-02-13 14:59:14
ඩර්බන්හිදී අද (13 වැනිදා) ආරම්භවූ පළමු ටෙස්ට් තරගයේ පළමු දිනයේ වැඩි වාසී ශ්‍රී ලංකාවට ලබාදුන් වේග පන්දු යවන්නන් තරගයේ පාලනය සියතට ගනිම...
පාලනය බාරගන්න කියා ක්‍රීඩකයන් මට බලකරනවා...
2019-02-12 18:00:25
ශ්‍රී ලංකා ක්‍රිකට් ආයතනයේ පාලනය තමන්ට හැකි ඉක්මණින් ලබගන්නා ලෙස ක්‍රීඩකයන් ඇතුළු සියලුම පාර්ශවලින් තමන්ට බල කරන බව ශ්‍රී ...
විශාලතම මුදල ගෙනාවේ මමයි...
2019-02-11 21:03:55
ශ්‍රී ලංකා ක්‍රිකට් රූපවාහිනී අයිතිය සඳහා විශාලතම මුදල ගෙන ඒමට තම පාලන කාළයේ හැකියාව ලැබුණු බව ශ්‍රී ලංකා ක්‍රිකට් ආයතනයේ ...
ජනාධිපති විදුහල් පිහිනුම් තටාකය හෙට විවෘත කරයි ...
කොළඹ කොටිගනන් වියදම් කරලා පිහිනුම් තටාක හදනව මම දැක්කා පිංතූරයක් ගමෙ ඉස්කොලෙක දරවෙක් හෙල්ල විසිකරනව වැටහිරියා පොල්ලකින් පුදුම රටක් මෙක පිංතූරය ඔන්න...
දිමුත් කරුණාරත්න ටෙස්ට් නායකත්වයට...
ඔලුවේ කැක්කුමට කොට්ටා මාරු කරල හරියයිද? ...
දිමුත් කරුණාරත්න ටෙස්ට් නායකත්වයට...
මගෙනම් අදහස කුසල් මෙන්දිස්වත් ටිකකලකට නතර කල යුතුයි ...
නායකත්වය නැවතත් මැතිව්ස්ට යන හැඩ...
කණ්ඩායම තෝරන විදිහ හරිම ලජ්ජාසහගතයි. කුසල් මෙන්ඩිස් දිගටම අසාර්ථක වෙද්දී ඔහුව ඉවත් නොකරන්නේ ඇයි? කණ්ඩායමේ ඔහුගේ ස්ථානය ස්ථිරවම වෙන් කර දී අනිත් දහදෙනා...
ශ්‍රී ලංකා ‘ඒ’ ක්‍රීඩකයෝ 5-0 කින් අයර්ලන්ත ‘ඒ’ පි...
සුපිරියි... ජයවේවා !!!...