. මාලිංගගේ දස්කම් අපතේ යයි | කෙළිමඬල
2019 අපේ‍්‍රල් මස 24 වැනි බදාදා
මාලිංගගේ දස්කම් අපතේ යයි
2018-07-09 18:38:07 | .

කැනඩාවේදී පැවැත්වෙන ග්ලෝබල් විස්සයි20 ක්‍රිකට් තරගාවලියේ 15 වැනි තරගය ලෙස ලසිත් මාලිංග නායකත්වය දරන මොන්ට්‍රේල් ටයිගර්ස් කණ්ඩායමට එරෙහිව ඊයේ (8 වැනිදා) පැවැති තරගයෙන් කඩුල්ලක තියුණු ජයක් අත්කර ගැනීමට ටොරොන්ටෝ නැෂනල් කණ්ඩායම සමත් විය.

ජයග්‍රහණය සඳහා ලකුණු 177 ක ඉලක්කයක් හඹාගිය ටොරොන්ටෝ ක්‍රීඩකයෝ ඉනිමේ අවසන් පන්දුවේදී එම ඉලක්කය පසුකර ගියහ. පීටර් සිඞ්ල් යැවූ අවසන් ඕවරයේ අවසන් පන්දුවට හතරේ පහරකින් සංග්‍රහ කළ කෙස්රික් විලියම්ස් ටොරොන්ටෝ කණ්ඩායමේ ජයග්‍රහණය තහවුරු කළේය.

සිවුවැනි කඩුල්ල වෙනුවෙන් පන්දු 52 කදී ලකුණු 93 ක සම්බන්ධතාවක් ගොඩනැගූ ඇන්ටන් ඩොරිච් (43) සහ නිතිෂ් කුමාර් (46) ටොරොන්ටෝ කණ්ඩායමේ ජයග්‍රහණය සඳහා මනා අඩිතාලමක් දැමූහ. පන්දු 31 කට මුහුණ දුන් කිරන් පොලාඞ් සිය කණ්ඩායමේ ජයග්‍රහණයට දායකත්වය සැපයූවේ හයේ පහර 3 ක් සහ හතරේ පහර 3 ක් සමග ලකුණු 37 ක් රැස්කරමිනි.

මෙතෙක් පැවැති තරගවලදී වැඩිම කඩුලු ලාභින්ගේ ලැයිස්තුවේ පෙරමුණ ගෙන සිටින ලසිත් මාලිංග, මෙම තරගයේදීද ලකුණු 11 කට කඩුලු 3 ක් දවාගනිමින් පන්දුවෙන් දස්කම් දැක්වීය. එහෙත් සිය කණ්ඩායම පරාජයෙන් ගළවා ගැනීමට තරම් ඔහුගේ දස්කම් ප්‍රමාණවත් නොවීය. මෙම තරගාවලියේ මෙතෙක් ක්‍රීඩා කළ තරග 5 දී මාලිංග බිඳහෙළා ඇති කඩුලු සංඛ්‍යාව 12 කි.

පළමුවෙන් පන්දුවට පහරදුන් ටයිගර්ස් කණ්ඩායම ඕවර 20 අවසානයේ කඩුලු 4 ක් දැවී ලකුණු 176 ක් ලබාගත් අතර අර්ධ ශතක ලබාගැනීමට ජෝජ් වෝකර් (62) සහ මොයිසස් හෙන්රික්ස් (50) සමත් වූහ. පන්දු 52 කදී වාර්තා වූ වෝකර්ගේ අර්ධ ශතකය හතරේ පහර 8 කින් සමන්විත වූ අතර පන්දු 39 කදී වාර්තා වූ හෙන්රික්ස්ගේ අර්ධ ශතකට හයේ පහර 3 ක් සහ හතරේ පහර 4 ක් ඇතුළත් විය.


මොන්ට්‍රේල් ටයිගර්ස් පිල - ඕවර 20 කදී කඩුලු 4 ක් දැවී 176
(ඞ්වේන් ස්මිත් 18, ජෝජ් වෝකර් 62, මොයිසස් හෙන්රිකස් 50, මොහොමඞ් සාමි 34/3)

ටොරොන්ටෝ නැෂනල් පිල - ඕවර 20 කදී කඩුලු 9 ක් දැවී 179  
(කම්රන් අක්මාල් 19, ඇන්ටන් ඩොව්රිච් 43, නිතිෂ් කුමාර් 46, කිරන් පොලාඞ් 37, ලසිත් මාලිංග 11/3, පීටර් සීඞ්ල් 45/3, සන්දීප් ලමිච්හානේ 34/2)


- 036  

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...