. රංගන හේරත් සමුගැනීමට සැරසෙයි | කෙළිමඬල
2018 නොවැම්බර් මස 14 වැනි බදාදා
රංගන හේරත් සමුගැනීමට සැරසෙයි
2018-07-11 15:42:57 | .

මුත්තයියා මුරලිදරන්ගෙන් පසුව ශ්‍රී ලංකාවේ බිහිවූ සාර්ථකම දඟ පන්දු යවන්නා ලෙස අවිවාදයෙන් හැඳින්විය හැකි රංගන හේරත් ලබන නොවැම්බර් මාසයේදී ටෙස්ට් පිටියෙන් සමුගැනීමට සූදානම් වන බවට ඉඟි කර තිබේ. 

“මේ වසර අවසානයේදී එංගලන්තයට එරෙහිව පැවැත්වෙන ටෙස්ට් තරගාවලිය මගේ අවසන් ටෙස්ට් තරගාවලිය වෙන්න පුළුවන්” යයි රංගන හේරත් එංගලන්තයේ බී.බී.සී. සිංහල සේවයට පවසා තිබේ. 

වැඩිම ටෙස්ට් කඩුලු සංඛ්‍යාවක් දවාගත් පන්දු යවන්නා වශයෙන් ලෝක වාර්තාව තවමත් හිමිකරගෙන සිටින මුත්තයියා මුරලිදරන් (කඩුලු 800) පසුව ශ්‍රී ලංකාව වෙනුවෙන් වැඩිම ටෙස්ට් කඩුලු සංඛ්‍යාවක් දවාගත් පන්දු යවන්නා වන රංගන හේරත් මේ දක්වා ටෙස්ට් තරග 90 කදී දවාගෙන ඇති කඩුලු සංඛ්‍යාව 418 කි.  

“සෑම ක්‍රීඩකයකුටම සමුගන්න කාලයක් එනවා. මා හිතන්නේ දැන් මම ඒ කාලයට ඇවිදින් තියෙනවා” යයි 40 හැවිරිදි හේරත් බී.බී.සී. සිංහල සේවයට පවසා තිබිණ. 

වසර දෙකකට ඉහතදී එක්දින අන්තර්ජාතික සහ විස්සයි-20 තරග වලින් සමුගත් රංගන හේරත් 2014 දී පැවැති විස්සයි-20 ලෝක කුසලාන තරගාවලිය ජයගැනීම සඳහා ශ්‍රී ලංකාව වෙනුවෙන් මහඟු මෙහෙවරක් කළ ක්‍රීඩකයෙකි. සීමිත ඕවර ක්‍රිකට් පිටියෙන් සමුගැනීමෙන් පසුව ටෙස්ට් ක්‍රීඩකයකු වශයෙන් සුවිශේෂී දස්කම් දැක්වූ රංගන හේරත් දකුණු අප්‍රිකානු කණ්ඩායමට එරෙහිව ගාල්ල ක්‍රීඩාංගණයේදී හෙට ආරම්භ වන ටෙස්ට් තරගාවලියේ සංචිතය සඳහාත් ඇතුළත් කර තිබේ. 

ශ්‍රී ලංකා කණ්ඩායමේ අවසන් ටෙස්ට් තරගාවලිය වූ බටහිර ඉන්දීය සංචාරයේදී රංගන හේරත් සහභාගි වූයේ එකම ටෙස්ට් තරගයකට පමණි. 

- 1376

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ක්‍රිකට් කළමණාකරු තනතුර දමා යන්න යයි...
2018-11-11 21:05:59
ශ්‍රී ලංකා ක්‍රිකට් කණ්ඩායමේ කළමනාකරු ලෙස කටයුතු කළ චරිත් සේනානායක මහතා එම තනතුරෙන් ඉල්ලා අස් වී තිබේ. වහාම ක්‍රියාත්මක වන පරි...
ශ්‍රී ලංකා පිල ලකුණු 447 ක් පසුපසින් ...
2018-11-08 13:07:21
එංගලන්තයට එරෙහිව ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන පළමු ටෙස්ට් තරගයේ ජයග්‍රහණය සඳහා ලකුණු 462 ක ඉලක්කයක් ...
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
එංගලන්තයට ලකුණු 211 ක ජයක්...
2018-11-09 17:13:36
ශ්‍රී ලංකාව  සහ එංගලන්තය අතර ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති පළමු ටෙස්ට් තරගය තවත් එක් දිනක් ඉතිරිව ත...