. ශෙහාන් ජයසූරියගෙන් ශතකයක් | කෙළිමඬල
2018 නොවැම්බර් මස 14 වැනි බදාදා
ශෙහාන් ජයසූරියගෙන් ශතකයක්
2018-07-11 19:01:10 | ...

ශෙහාන් ජයසූරියගේ (142) විශිෂ්ට පිතිහරඹය හමුවේ සංචාරක ශ්‍රී ලංකා ‘ඒ’ කණ්ඩායම සහ බංග්ලාදේශ ‘ඒ’ කණ්ඩායම අතර බංග්ලාදේශයේ ශිලාත් ජාත්‍යන්තර ක්‍රිකට් ක්‍රීඩාංගණයේදී පැවැත්වෙන තෙවැනි නිල නොවන ටෙස්ට් තරගයේදී ශ්‍රී ලංකා ‘ඒ’ කණ්ඩායම සිය පළමු ඉනිම සඳහා ලකුණු 312 ක් රැස්කිරීමට සමත්විය.

තරගයේ දෙවැනි දිනයවූ අද (11 වැනිදා) අයහපත් ආලෝක තත්වය හේතුවෙන් ක්‍රීඩාව අවසන් කරනවිට දෙවැනි ඉනිම සඳහා පන්දුවට පහරදෙමින් සිටි බංග්ලාදේශ ‘ඒ’ කණ්ඩායම කඩුල්ලක් දැවී ලකුණු 57 ක් රැස්කිරීමට සමත්විය. මේ වන විට කඩුලු 9 ක් අතැතිව සිටින බංග්ලාදේශ ‘ඒ’ පිල ශ්‍රී ලංකා ‘ඒ’ පිලට වඩා ලකුණු 88 ක් පසුපසින් සිටී.

සීමිත ඕවර තරගයකදී ක්‍රීඩාකරන ආකාරයට පිත්ත හැසිරවූ ශෙහාන් ජයසූරිය ලකුණු 142 ක් රැස්කර සිටියදී මුස්ටෆිසූර් රෙහ්මාන්ගේ පන්දුවක් හමුවේ ඛලීඞ් අහමඞ් අතට උඩපන්දුවක් දෙමින් දැවී ගියේය. දැවීයන විට පන්දු 155 කට මුහුණදී සිටි ශෙහාන් ජයසූරියගේ ඉනිම හයේ පහර 4 කින් සහ හතරේ පහර 15 කින් අලංකාර විය.

මුල්පෙළ පිතිකරුවන් අසාර්ථක වනවිට මැදපෙළ පිතිකරුවකුවූ සම්මු අශාන් සමගින් එක්ව පස්වැනි කඩුල්ල සඳහා ලකුණු 118 ක සම්බන්ධතාවයක් ගොඩනැගූ ශෙහාන් ජයසූරිය ශ්‍රී ලංකා ‘ඒ’ පිලේ ලකුණු පුවරුව ඉහළ නැංවීමට සමත්විය. සුන්සමුල් ඉස්ලාම්ගේ පන්දුවක් හමුවේ කඩුල්ල මුවා කිරීමේ වරදට හසුව දැවී ගිය සම්මු අශාන් අර්ධ ශතකයක් (60) ලබාගැනීමට සමත්විය. පන්දු 105 කට මුහුණදුන් සම්මු අශාන්ගේ ඉනිමට හයේ පහරක් සහ හතරේ පහර 8 ක් ඇතුළත් විය.

ශ්‍රී ලංකා ‘ඒ’ පිලේ අවසන් කඩුලු 5 ලකුණු 72 ක් තුළ දවාගැනීමට බංග්ලාදේශ ‘ඒ’ දඟපන්දු යවන්නෝ සමත්වූහ. දඟපන්දු පන්දුවෙන් දස්කම් දැක්වූ සුන්සමුල් ඉස්ලාම් (කඩුලු 4), මුස්ටෆිසූර් රෙහ්මාන් (කඩුලු 3) සහ නයීම් හසන් (කඩුලු 2) අතර කඩුලු 9 ක් බෙදී ගිය අතර දකුණතින් වේගපන්දු යවන සෞම්‍ය සර්කාර්ට කඩුල්ලක් හිමිවිය.

සෞම්‍ය සර්කාර් ලකුණු 24 ක් සහ මිසනූර් රෙහ්මාන් ලකුණු 13 ක් රැස්කරමින් නොදැවී කඩුල්ලේ රැඳී සිටිති. හෙට (12) තරගයේ තෙවැනි දිනයයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ක්‍රිකට් කළමණාකරු තනතුර දමා යන්න යයි...
2018-11-11 21:05:59
ශ්‍රී ලංකා ක්‍රිකට් කණ්ඩායමේ කළමනාකරු ලෙස කටයුතු කළ චරිත් සේනානායක මහතා එම තනතුරෙන් ඉල්ලා අස් වී තිබේ. වහාම ක්‍රියාත්මක වන පරි...
ශ්‍රී ලංකා පිල ලකුණු 447 ක් පසුපසින් ...
2018-11-08 13:07:21
එංගලන්තයට එරෙහිව ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන පළමු ටෙස්ට් තරගයේ ජයග්‍රහණය සඳහා ලකුණු 462 ක ඉලක්කයක් ...
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
එංගලන්තයට ලකුණු 211 ක ජයක්...
2018-11-09 17:13:36
ශ්‍රී ලංකාව  සහ එංගලන්තය අතර ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති පළමු ටෙස්ට් තරගය තවත් එක් දිනක් ඉතිරිව ත...