. ශ්‍රී ලංකාව ලකුණු 272 ක් ඉදිරියෙන් | කෙළිමඬල
2019 අපේ‍්‍රල් මස 23 වැනි අගහරුවාදා
ශ්‍රී ලංකාව ලකුණු 272 ක් ඉදිරියෙන්
2018-07-13 13:09:47 | දමින්ද විජේසූරිය ගාල්ල අන්තර්ජාතික ක්‍රිකට් ක්‍රීඩාංගණයේ සිට..

ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ ශ්‍රී ලංකා පන්දු යවන්නෝ ගාල්ලේදී පැවැත්වෙන පළමු ටෙස්ට් තරගයේ දෙවැනි දිනය වූ අද (13 වැනිදා) සංචාරකයන්ගේ මුල් ඉනිම ලකුණු 126 කට සීමා කළහ. මුල් ඉනිමේදී ලකුණු 161 ක වාසියක් අත්කරගත් ශ්‍රී ලංකා කණ්ඩායම අද සවස ක්‍රීඩාව නතර කරන විට සිය දෙවැනි ඉනිමේදී කඩුලු 4 ක් දැවී ලකුණු 111 ක් ලබාගනිමින් දකුණු අප්‍රිකාවට වඩා ලකුණු 272 ක් ඉදිරියෙන් සිටියේය. 

මුල් ඉනිමේදී ශතකයක් ලබාගත් දිමුත් කරුණාරත්න දෙවැනි ඉනිමේදීත් අලංකාර පිතිහරඹයක යෙදෙමින් ලකුණු 60 ක් ලබාගත් අතර තරගයේ සම්පූර්ණ දින තුනක් ඉතිරිව තිබියදී ශ්‍රී ලංකා කණ්ඩායම අති විශාල වාසියක් අතැතිව සිටී. ශ්‍රී ලංකා පිලේ ඉදිරිපෙළ පිතිකරුවන්ගෙන් දෙදෙනකු වන ඇන්ජලෝ මැතිව්ස් සහ රොෂේන් සිල්වා තවමත් පිටියේ රැඳී සිටින අතර නිරෝෂන් දික්වැල්ල පිටියට පැමිණීමට සූදානමින් සිටී. 

පළපුරුදු ක්‍රීඩකයන් වන හසිම් අම්ලා සහ ඩිල්රුවන් පෙරේරා දෙදෙනාම අද සවස කියා සිටියේ තරගයේ ඉදිරි දින තුනේදී තණතීරුවෙන් දඟ පන්දු යවන්නන්ට වැඩි සහයෝගයක් අපේක්‍ෂා කළ හැකි බවයි. 

ශ්‍රී ලංකා දඟ පන්දු යවන්නන් තිදෙනා වූ රංගන හේරත් (34/2), ඩිල්රුවන් පෙරේරා (28/3) සහ ලක්ෂාන් සඳකැන් (18/1) එක්ව දිවා ආහාරයට පොරතුවම දකුණු අප්‍රිකානුවන්ගේ කොඳු නාරටිය කඩාබිඳ දැමූහ. දිවා ආහාරයෙන් පසුව පන්දුව අතට ගත් නායක සුරංග ලක්මාල් අති විශිෂ්ට පන්දු යැවීමක යෙදෙමින්, පන්දු 21 කදී ලකුණු 17 කට කඩුලු 3 ක් දවාලමින් දකුණු අප්‍රිකානුවන්ගේ මුල් ඉනිම ලකුණු 126 දී නවතාලීය. 

දකුණු අප්‍රිකානු නායක ෆෆ් ඩු ප්ලෙසි, කගීසෝ රබාඩා සහ ඬේල් ස්ටේන් දවාගැනීම සඳහා ලක්මාල් යැවූ පන්දු තුනම වේග පන්දු යවන්නකුගෙන් කලාතුරකින් දැකගතහැකි අති විශිෂ්ට ගණයේ පන්දු විය. 

මෙය දකුණු අප්‍රිකානු කණ්ඩායමක් ශ්‍රී ලංකාව හමුවේ ටෙස්ට් තරගයකදි දැවී ගිය අඩුම ලකුණු සංඛ්‍යාව ලෙසින්ද වාර්තා වේ. 

තරගයේ දෙවැනි දිනය වූ අද පෙරවරුවේදී දකුණු අප්‍රිකානුවන්ට සිතන්නටවත් කාලයක් නොතැබූ ශ්‍රී ලංකා දඟ පන්දු යවන්නෝ ඕවර 22 ක් තුළදී ලකුණු 51 කට කඩුලු 6 ක් බිඳ හෙ`ථෑහ. පසුව එක්වූ නායක ෆෆ් ඩු ප්ලෙසි (49) සහ වර්නන් ෆිලැන්ඩර් (18) හත්වැනි කඩුල්ල වෙනුවෙන් ලකුණු 64 ක සම්බන්ධතාවක් ගොඩනඟමින් කණ්ඩායම ඉදිරියට ගෙන යාමේ උත්සාහයක නිරත වූවද ඔවුන් දෙදෙනාගේ අරගලය පැවතුණේ පැය එක හමාරක් පමණි.

දිවා ආහාරයෙන් පසු පැයක කාලයක් ඇතුළත දකුණු අප්‍රිකානු ඉනිම නිමා විය. 

ෆිලැන්ඩර් ලකුණු 7 ක් ලබා සිටියදී රංගන හේරත්ගේ පන්දුවක් පා ආවරණයේ වැදීම නිසා දැවී ගිය ක්‍රීඩකයකු ලෙසින් නම්කරනු ලැබුවද විනිසුරු තීරණ විමසීමේ සහාය ඉල්ලා සිටි පිතිකරුවා තමන්ගේ ඉනිම තවදුරටත් දිගු කරගත්තේය. විනිසුරු තීරණ විමසීමේ අවස්ථාව නොතිබුණේ නම් ලකුණු 75 දී දකුණු අප්‍රිකානුවන්ගේ හත්වැනි කඩුල්ලත් ඇද වැටෙන්නට තිබිණ. 

තරගයේ පළමු දිනයේදී කාසියේ වාසිය අහිමි කරගත් නමුත් ශ්‍රී ලංකා කණ්ඩායම ලකුණු 287 කට දවාගැනීම දකුණු අප්‍රිකානුවන් ලද අනපේක්‍ෂිත වාසියක් විය. වරෙක කඩුලු 2 කට ලකුණු 115 ක් ලබා සිටි ශ්‍රී ලංකා පිලේ පස්වැනි කඩුල්ල ලකුණු 119 දී බිඳ වැටිණ. එහෙත් දිමුත් කරුණාරත්න කළ වික්‍රමාන්විත පිතිහරඹයට ස්තුති වන්නට ශ්‍රී ලංකා පිල ලකුණු 287 ක් ලබාගත්තේය. 

දකුණු අප්‍රිකානු ඉනිම ඊයේ ආරම්භ කළ අවස්ථාවේදී තණතීරුව පිතිකරුවන්ට යෝග්‍ය ස්වභාවයක තිබුණ නමුත් පළමු ඕවරය යැවීම සඳහා සිය හොඳම දඟ පන්දු යවන්නා කැඳවූ සුරංග ලක්මාල් දකුණු අප්‍රිකානු කඳවුර සසළ කළේය. රංගන හේරත් සිය දෙවැනි ඕවරයේදී යැවූ අලංකාර පන්දුවකින් ලැබුණු උඩපන්දුව ස්ලිප්හි සිටි ඇන්ජලෝ මැතිව්ස් රැකගත් හෙයින් දකුණු අප්‍රිකානු ආරම්භක පිතිකරු ඒඞ්න් මාක්රම් ලකුණු නොලබා දැවී ගියේය. 

අද පෙරවරුවේදී දක්නට ලැබුණේ ඊයේ සවස පැවැති තත්ත්වයම මිස අනෙකක් නොවේ. ශ්‍රී ලංකා දඟ පන්දු යවන්නෝ තිදෙනා එක්ව දකුණු අප්‍රිකානු පිතිකරුවන් අල්ලේ නටවමින් සිටියහ. ඊයේ සවස පිටියට පිවිසි මුරකරු පිතිකරු කේශව් මහාරාජ්ට අද පෙරවරුවේදී සිය කඩුල්ල රැකගත හැකිවූයේ විනාඩි 7 ක් පමණි. රංගන හේරත්ගේ පන්දුවක් හමුවේ කඩුල්ල මුවා කිරීමේ වරදට හසුව මහාරාජ් දැවී ගියේය. 

පළමු පැය තුළදී දකුණු අප්‍රිකානු පිලේ කඩුලු 5 ක් බිඳ වැටුණේ සංචාරයකයන්ගේ සියලු බලාපොරොත්තු සී සී කඩ යවමිනි. එම කාලය තුළදී රංගන හේරත්, ඩිල්රුවන් පෙරේරා සහ ලක්ෂාන් සඳකැන් එක්ව සිය ග්‍රහණය දැඩි කළද දකුණු අප්‍රිකානු නායක ෆෆ් ඩු ප්ලෙසී නොසැලී තම කණ්ඩායම වෙනුවෙන් පෙනී සිටියේය. එහෙත් ඒ පැය දෙකක කාලයක් තුළදී රැස්කෙරුණු ලකුණු 49 ක් වෙනුවෙන් පමණි. 

 

ජායාරූප - ළහිරු හර්ෂණ 

තරගයේ විශේෂ අවස්ථා 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...