. එංගලන්තය තුන්වැනි තැන සොයයි | කෙළිමඬල
2019 අපේ‍්‍රල් මස 24 වැනි බදාදා
එංගලන්තය තුන්වැනි තැන සොයයි
2018-07-14 11:04:42 | සැකසුම : මොහාන් ප්‍රනාන්දු

ලෝක කුසලාන පාපන්දු තරගාවලියේ තුන්වැනි ස්ථානය සඳහා බෙල්ජියමට එරෙහිව සාන්ත පීටර්ස්බර්ග් නුවරදී අද (14 වැනිදා) පැවැත්වෙන තරගය තම කණ්ඩායම බලාපොරොත්තු වූ තරගය නොවූවත් රට වෙනුවෙන් හැකි ඉහළම ගරුත්වය ලබා දෙමින් තරගාවලියෙන් සමුගැනීමට තීරණය කළ බව එංගලන්ත පිලේ නායක හැරී කේන් කියයි.

අවසන් පුර්ව තරගයේදී ක්‍රොඒෂියාව හමුවේ ලැබූ අනපේක්ෂිත පරාජයෙන් අන්දමන්ද වී ගිය එංගලන්තය තුන්වැනි ස්ථානය සඳහා තරගයට ක්‍රීඩා කරන්නේ අනිද්දා පැවැත්වෙන අවසන් මහා තරගය දිහා බලන්නේ වත් නැතැයි සිතාගෙනය.  

“හැමෝම බලා ඉන්නේ හෙට තරගයට ක්‍රීඩා කරන්නයි. ඒත් කළමණාකරු තමයි කණ්ඩායම තෝරන්නේ..... ඇත්තම කියනවානම් අවසන් තරගයට ආවේ නැතත්,  අප මේ ලැබූ ජයග්‍රහණ මාලාව ගැන සෑහීමකට පත්වෙනවා.” යයි හැරී කේන් කීවේය.

“අපි පාපන්දු ක්‍රීඩාවෙන් රටේ නම රැක ගත්තා. අපිට හිස කෙළින් කරගෙන ගෙදර යන්නත් පුළුවනි. ඒත් අපි දන්නවා අපිට තිබුණු හොඳම අවස්ථාවක් නැතිවුණා කියලා......ඒ නිසා මං අපේ කොල්ලන්ට කියන්නේ තව දියුණු වෙන්න ඕනා කියලයි” යයිද එංගලන්ත නායකයා කීවේය.

අත්දැකීම් නොමැති කණ්ඩායමක් ලෙසින් රුසියාවට පැමිණ මේ දැක්වූ දස්කම් හොඳටම ප්‍රමාණවත් බව කියන හැරී කේන් ප්‍රධාන තරගාවලියකදී ඕනෑම දෙයක් කිරීමට එංගලන්ත පිලට ඇති හැකියාව ගැන දැන් හොඳ විශ්වාසයක් ඇතැයි ද පැවැසීය.

බෙල්ජියම සහ එංගලන්තය මෙවර තරගාවලියේදී නැවත තරග වදින්නේ දෙවැනි වතාවටය. ‘ජි‘ කාණ්ඩය යටතේ මූලික වටයේදී දෙපිලම එකම කාණ්ඩයකින් තරග වැදුණු අතර එම තරගයෙන් ගෝල 1-0 ක ජයක් වාර්තා කළේ බෙල්ජියමය.

ප්‍රංශය හමුවේ පැවැති අවසන් පූර්ව තරගයෙන් ගෝල් 1-0 කින් පරාජයට පත්වූ බෙල්ජියම අද තරගයේදි තම කණ්ඩායමේ ගෞරවය රැක ගැනීමට මාන බලමින් සිටී. ඒ අතරතුරම වසර 1966 න් පසුව ලෝක කුසලාන පාපන්දු තරගාවලියේ ඉහළම ජයග්‍රහණය එංගලන්තයට අත්කරදීමට හැරී කේන් ඇතුළු එංගලන්ත ක්‍රීඩකයන්ගේ අධිෂ්ඨානය වී තිබේ.

සිය කණ්ඩායමේ කණගාටුදායක පරාජයෙන් පසුව යළි ගොඩනැගීමේ බලාපොරොත්තුවෙන් පසුවන බෙල්ජියමේ පිලේ කළමනාකරු රොබේටෝ මාර්ටිනස් තුන්වැනි ස්ථානයෙන් තරගාවලිය නිමා කරගැනීමට හැකිවන්නේ නම් එය ආඩම්බරයට කරුණක් වනු ඇතැයි කීවේය.

 

සැකසුම : මොහාන් ප්‍රනාන්දු

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...