. බෙල්ජියමේ පාපන්දු ඉතිහාසය අලුතින් ලියයි | කෙළිමඬල
2019 අපේ‍්‍රල් මස 24 වැනි බදාදා
බෙල්ජියමේ පාපන්දු ඉතිහාසය අලුතින් ලියයි
2018-07-14 21:25:44 | .

ලෝක කුසලාන පාපන්දු තරගාවලියේ තෙවැනි ස්ථානය සඳහා එංගලන්තයට එරෙහිව පැවති තරගයෙන් ගෝල 2-0 ක ජයක් ලැබූ බෙල්ජියම ලෝක කුසලාන පාපන්දු තරගාවලියක එතෙක් මෙතෙක් ලැබූ ඉහළම දක්ෂතාවය පෙන්නුම් කරමින් සිය ජයග්‍රහණය තහවුරු කර ගත්තේය. මෙම තරගය රුසියාවේ ශාන්ත පීටර්ස්බර්ග් ක්‍රීඩාංගණයේදී අද(14) නිමාවට පත්විය.

තරගයේ 82 වැනි මිනිත්තුවේදී බෙල්ජියම් ක්‍රීඩක ඊඞ්න් හසාඞ් ලබාගත් ගෝලයත් සමගින් බෙල්ජියමේ ජය නියත වශයෙන්ම තහවුරු විය. මෙම ජයග්‍රහණයත් සමගින් ලෝක කුසලාන තරගාවලි 13 කට ක්‍රීඩාකර ඇති බෙල්ජියම මෙතෙක් ලැබූ ඉහළම දක්ෂතාව මෙලෙස පෙන්වීය. 1986  වසරේ පැවැති ලෝක කුසලාන තරගාවලියේදී ඉහළම දක්ෂතාවය පෙන්නුම් කරමින් සිව්වන ස්ථානය දිනාසිටි බෙල්ජියමට ඉන්පසුව සහභාගි වූ කිසිදු තරගාවලියකදී ඉහළම දක්ෂතා අතරට පැමිණීමට හැකියාවක් නොලැබුණි. එහෙත් ඒ සියල්ල අභිබවමින් මෙතෙක් සහභාගි වූ තරගාවලි අතරින් ඉහළම දක්ෂතාවය පෙන්නුම් කරමින් තෙවැනි ස්ථානයට හිමිකම් කීය.

මෙවර තරගාවලියේ  අවසන් පූර්ව වටයේදී ප්‍රබල ප්‍රංශය හමුවේ ගෝල 1-0 කින් බෙල්ජියම පරාජයට පත්වීම නිසා අවසන් මහ තරගයේ සියලු බලාපොරොත්තු අතහැර දැමීමට බෙල්ජියමට සිදුවිය. කාගේත් අවධානය යොමු වූ එංගලන්තයද ක්‍රොඒෂියාව හමුවේ ගෝල 2-1 කින් අනපේක්ෂිත පරාජයකට මුහුණ දීම නිසා නැවතත් බෙල්ජියම සමගින් තෙවැනි ස්ථානය සඳහා සටන් වැදුණි. පළමු වටයේදී බෙල්ජියම හමුවේ ගෝල 1-0 කින් එංගලන්තය පරාජයට පත්වීම නිසා අද තරගය ආරම්භ වීමට මත්තෙන් එංගලන්තය තරග බිමට පිවිසියේ දෙගිඩියාවකිනි.  

තරගය ආරම්භ වී මිනිත්තු 4 කට පසු බෙල්ජියම් ක්‍රීඩක තෝමස් මෙයුනියර් ලබාගත් ගෝලයත් සමගින් බෙල්ජියමට ජයග්‍රහණයේ පාර කපා දුන්නේය. ඒ අනුව තරගයේ පළමු භාගය අවසානයේ ගෝල 1-0 කින් බෙල්ජියම පෙරමුණ ගත්තේය.

එංගලන්ත ක්‍රීඩකයෝ දෙවැනි භාගයෙදී බෙල්ජියමට යම් පීඩනයක් ගෙන ආවද, බෙල්ජියමේ ඉදිරි ආරක්ෂක වළල්ලෙන් එයින් කිසිසේත් ඉඩක් හිමි නොවීය. එංගලන්තයේ හැරී කේන් පසුගිය තරග දෙකේදී එතරම් දක්ෂතා අතරට නොපැමිණිමම එංගලන්තයේ පරාජයට ප්‍රධාන හේතුවක් බවට පත්විය.

තරගයේ 69 වැනි මිනිත්තුවේදී එංගලන්ත ක්‍රීඩක එරික් ඩයර් දැල වෙත යොමු කළ පන්දුව බෙල්ජියමේ දැල රකින්නාගෙන් ගිලිහී ගියද, විදුලි වේගයෙන්  පැමිණි බෙල්ජියම් ක්‍රීඩක ටොබී එල්ඩවියර්ල්ඞ් දැල රකින්නාගේ කාර්යය ඉටුකරමින් පන්දුව ගෝල සීමාවෙන් පිටතට යොමු කිරීම නිසා එංගලන්තයේ අවසන් බලාපොරොත්තුවද ගිලිහුණි.

මෙවර තරගාවලියේ ‘ජී’ කාණ්ඩය යටතේ තරගවැදි බෙල්ජියම පළමු වටයේදී සහභාගී වූ තරග ත්‍රිත්වයම ජය ගනිමින් අවසන් 16 දෙනාගේ වටයට සුදුසුකම් ලබා ගත්තේය. ජපානයට එරෙහිව පැවති තරගය ගෝල 3-2කින් ජයගත් බෙල්ජියම අවසන් 16 දෙනාගේ වටයෙන් අර්ධ අවසන් පූර්ව වටයට සුදුසුකම් ලැබීය. ප්‍රබල බ්‍රසීලයේද ගමන නවතාලමින් ගෝල 2-1 ක ජයක් ලැබූ බෙල්ජියම අවසන් පූර්ව වටයේ ස්ථානය තහවුරු කරගත්තේය. එහෙත් අවසන් පූර්ව වටයේදී ප්‍රංශය හමුවේ ගෝල 1-0 කින් පරාජයට පත්වීම නිසා නැවතත් එංගලන්තය සමගින් තෙවන ස්ථානය සඳහා තරග වැදීමට බෙල්ජියමට සිදුවිය.

මෙවර තරගාවලියේදී කණ්ඩායම් 32 ක් අතරින් ප්‍රබලයින් සියල්ලෝම තරගාවලියට වේලාසනින්ම තිත තබද්දී, බෙල්ජියම පැමිණි ගමන ඉතා සාර්ථක බව ඔවුන් ලොවටම අද ඔප්පු කර පෙන්වීය.

 

 

- 024

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...