. මැතිව්ස් යළි නායකත්වයට | කෙළිමඬල
2019 පෙබරවාරි මස 22 වැනි සිකුරාදා
මැතිව්ස් යළි නායකත්වයට
2018-07-24 15:55:53 | රොෂාන් ගුණරත්න

සංචාරක දකුණු අප්‍රිකානු කණ්ඩායමට එරෙහිව පැවැත්වීමට නියමිත තරග 5 කින් සමන්විත එක්දින තරගාවලිය සඳහා නම්කරන ලද 15 දෙනෙකුගෙන් යුත් එක්දින සංචිතයේ නායකත්වය යළිත් ඇන්ජලෝ මැතිව්ස්ට හිමිවී ඇත.

බංග්ලාදේශයේදී පැවැති තුන්කොන් එක්දින තරගාවලියේ සිම්බාබ්වේ කණ්ඩායමට එරෙහිව පැවැති පළමු තරගයේදී ආබාධයකට ලක්වූ ඇන්ජලෝ මැතිව්ස්ට ශ්‍රී ලංකාවේදී පැවැති නිදහස් කුසලාන විස්සයි20 තරගාවලියද අහිමිව ගියේය.

ජනවාරී මාසයේ බංග්ලාදේශයේදී පැවැති එක්දින තරගාවලියෙන් අනතුරුව දකුණු අප්‍රිකානු කණ්ඩායමේ ශ්‍රී ලංකා සංචාරය වනතෙක් ශ්‍රී ලංකා කණ්ඩායමට තරග නොතිබීම හේතුවෙන් ඇන්ජලෝ මැතිව්ස්ට අහිමිවූයේ එක්දින තරග 4 ක් පමණි.

ඇන්ජලෝ මැතිව්ස් ආබාධයට ලක්වීමෙන් අනතුරුව කණ්ඩායමේ වැඩ බලන නායකයා බවට දිනේෂ් චන්දිමාල් පත්විය. ක්‍රීඩාවේ ජීවගුණයට හානී කිරීමට දායක වූයේ යැයි පවසමින් අන්තර්ජාතික ක්‍රිකට් සභාව විසින් නැගූ චෝදනාවට වරදකරුවකු වීම හේතුවෙන් දිනේෂ් චන්දිමාල්ට ටෙස්ට් තරග 2 ට අමතරව එක්දින තරග 4 ක තහනමක්ද පැනවීම හේතුවෙන් ඔහුට මෙවර තරගාවලියේදී සිය ස්ථානය අහිමිව තිබේ.

අවසන් වරට පැවැති එක්දින තරගාවලි සඳහා සහභාගීවූ ධනුෂ්ක ගුණතිලක, අසේල ගුණරත්න, ශෙහාන් මදුශංක, වනිඳු හසරංග, දුෂ්මන්ත චමීර, නුවන් ප්‍රදීප් සංචිතයෙන් ඉවත්කර දසුන් ශානක, ධනංජය ද සිල්වා, ළහිරු කුමාර, කසුන් රාජිත, ප්‍රභාත් ජයසූරිය සහ ශෙහාන් ජයසූරිය එක්දින සංචිතයට කැඳවා ඇත.

ජූලී 29 සහ අගෝස්තු 1 වැනිදා පළමු සහ දෙවැනි එක්දින තරග රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදීත් අගෝස්තු 5 සහ අගෝස්තු 8 වැනිදා තෙවැනි සහ සිවුවැනි එක්දින තරග පල්ලේකැලේ ජාත්‍යන්තර ක්‍රිකට් ක්‍රීඩාංගණයේදී පැවැත්වීමට නියමිතව ඇත. පස්වැනි සහ අවසන් එක්දින තරගය කොළඹ ආර්.ප්‍රේමදාස ක්‍රීඩාංගණයේදී පැවැත්වේ.

ශ්‍රී ලංකා සංචිතය
ඇන්ජලෝ මැතිව්ස් (නායක), දසුන් ශානක, කුසල් ජනිත් පෙරේරා, ධනංජය ද සිල්වා, උපුල් තරංග, කුසල් මෙන්ඩිස්, තිසර පෙරේරා, නිරෝෂන් දික්වැල්ල, සුරංග ලක්මාල්, ළහිරු කුමාර, කසුන් රාජිත, අකිල ධනංජය, ප්‍රභාත් ජයසූරිය, ලක්ෂාන් සඳකැන්, ශෙහාන් ජයසූරිය.

අතිරේක ක්‍රීඩකයෝ
දිමුත් කරුණාරත්න, ඉසුරු උදාන, නිශාන් පිරීස්, ජෙෆ්රි වැන්ඩර්සේ

ඔබේ ප්‍රතිචාර
ප්‍රදීප් මැතිව්ස්2018-07-25 05:56:37
නැවතත් ඉතින් ශ්‍රී ලංකාවේ බහින කලාව බලාපොරොත්තුවන්න

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් විශිෂ්ටත්වය විදහා පෙන්වයි...
2019-02-16 15:33:48
  කුසල් පෙරේරාගේ (නොදැවී 155) අති විශිෂ්ට පිතිහරඹය නිසා දකුණු අප්‍රිකාවට එරෙහිව ඩර්බන් නුවරදී පැවැති පළමු ටෙස්ට් තරගයේදී ...
මම ගැහැව්වේ කෝච් වෙනුවෙන් ...
2019-02-17 15:00:45
ඩර්බන් නුවරදී පැවැති පළමු ටෙස්ට් තරගයේදී දකුණු අප්‍රිකානු කණ්ඩායම පරාජය කරමින් කළ පිතිහරඹය කණ්ඩායමේ පුහුණුකරු (චන්දික හතුරුසිංහ ම...
ශ්‍රී ලංකාව අසීරු හඹායෑමක...
2019-02-15 16:16:09
ඩර්බන් නුවර කිංග්ස්මේඞ් ක්‍රීඩාංගණයේදී පැවැත්වෙන පළමු වැනි ටෙස්ට් තරගයේ තුන්වැනි දිනය වන අද (15 වැනිදා) අයහපත් ආලෝක තත්වය හේතුවෙන් තරග...
ක්‍රීඩකයන්ගේ හැසිරීම ගැන විනය පියවර...
2019-02-18 20:06:24
දකුණු අප්‍රිකානු පිලට එරෙහිව ඩර්බන්හිදී පැවැති පළමු ටෙස්ට් තරගයේ ජයග්‍රහණයෙන් පසුව වීඩියෝ පටයකින් ප්‍රදර්ශනය වූ ශ්‍රී ලංකා...