. ශ්‍රී ලංකා කණ්ඩායම හෙට පිටත්වෙයි | කෙළිමඬල
2019 අපේ‍්‍රල් මස 25 වැනි බ‍්‍රහස්පතින්දා
ශ්‍රී ලංකා කණ්ඩායම හෙට පිටත්වෙයි
2018-07-25 20:18:31 | නාමල් පතිරගේ

මියන්මාරයේ තයි-ෆෙයි-තෝ නගරයේ දී ලබන සඳුදා (30) ආරම්භ වන ආසියනු ක්‍රීඩා සමාජ වොලිබෝල් (පිරිමි) තරගාවලියට සහභාගි වන චාමර මිහිරාන්ගේ නායකත්වයෙන් යුත් ශ්‍රී ලංකා ක්‍රීඩා සමාජ කණ්ඩායම හෙට (26) දිවයිනෙන් පිටත්ව යාමට නියමිතය.

විදුලිබල මණ්ඩල ක්‍රීඩා සමාජයේ ක්‍රීඩකයන් බහුතරයකගෙන් සමන්විත සංචාරක ශ්‍රී ලංකා ක්‍රීඩා සමාජ කණ්ඩායම එහිදී මූලික වටයේදී ‘සී’ කාණ්ඩයේ තරග වදී. මෙම තරගාවලිය අගෝස්තු 6 වැනිදා දක්වා පැවැත්වේ. ‘සී’ කාණ්ඩයෙන් ඕස්ටේ්‍රලියාව, තායිලන්තය හා හොං කොං යන රටවල්ද තරග වදින අතර එහිදී වැඩිම ප්‍රසාද ලකුණු ලාභීන් බවට පත්වන කණ්ඩායම් දෙක අර්ධ අවසන් පූර්ව වටයට සුදුසුකම් ලබාගනී.

පසුගිය මාර්තු මාර්ගයේ සිට ශ්‍රී ලංකාවේ සේවය කරන සර්බියානු ජාතික වොලිබෝල් පුහුණුකරු ඩෙජාන් ඩුලිසිවික් මහතා පළමු වතාවට ශ්‍රී ලංකා කණ්ඩායමක් සමග ජාත්‍යන්තර තරගාවලියකට සහභාගි වී සිටී.

ඩෙජාන් මහතා ශ්‍රී ලංකාව කැඳවා ඇත්තේ සැප්තැම්බර් මාසයේදී ශ්‍රී ලංකාවේදී පැවැත්වෙ පළමු වැනි ආසියානු අභියෝග ශූරතා තරගවලියට ශ්‍රී ලංකා කණ්ඩායම සූදානම් කිරීම ඉලක්ක කරමිනි.

ආසියානු ක්‍රීඩා උළෙල සඳහා තෝරාගනු ලබන ශ්‍රී ලංකා වොලිබෝල් කණ්ඩායමේ ක්‍රීඩකයන් බහුතරයක් ආසියානු ක්‍රීඩා සමාජ තරගාවලියට සහභාගි වන කණ්ඩායමෙන් තෝරා ගැනීමට නියමතය. මේ දිනවල බහරේන් නුවර දී පැවැත්වෙන 19 වැනි ආසියානු වයස 20න් පහළ (පිරිමි) තරගාවලියට සහභාගිවී සිටින ශ්‍රී ලංකා වොලිබෝල් කණ්ඩායමෙන්ද ආසියානු ක්‍රීඩා උළෙල සඳහා ක්‍රීඩකයන් දෙදෙනකු නිර්දේශ කෙරෙන බව ශ්‍රී ලංකා වොලිබෝල් සම්මේලනයේ ලේකම් ඒ.එස්. නාලක මහතා පවසයි.


ආසියානු ක්‍රීඩා සමාජ තරගාවලියට යන කණ්ඩායම
චාමර මිහිරාන් (නායක), වසන්ත ලක්මාල්, ෂමිල මලින්ද සිල්වා (යුද හමුදා), ජනිත් සුරන්, නෙත්මල් වසන්තප්‍රිය, ෂැනොත් විමුක්ති සාගර (වරාය අධිකාරිය), දීප්ති රණවක, ගයාන් මධුශංක, ඩබ්. ලක්මාල්, අයේෂ් දිල්හාන් පෙරේරා, කසුන් චතුරංග ප්‍රනාන්දු (විදුලිබල මණ්ඩලය), රසන්ත සුදසිංහ, ධනුෂ්ක දිල්ෂාන් ප්‍රනාන්දු (ගුවන් හමුදාව), මලිත දිනිදු චාමර (සී.සී.එල්.)

නිලධාරියෝ
ප්‍රධාන පුහුණුකරු ඩෙජාන් ඩුලිසිවික්, සහය පුහුණුකරු චාල්ස් තිලකරත්න, අනුශාසක: නලින් සම්පත් අබේසිංහ, කළමනාකරු: රොහාන් පතිරගේ යන මහත්වරු


ශ්‍රී ලංකාව සහභාගි වන තරගාවලියේ මූලික වටයේ තරග
■    ජුලි 30 - ඕස්ටේ්‍රලියාව ක්‍රීඩා සමාජ කණ්ඩායමට එරෙහිව
■    ජූලි 31 හොංකොං ක්‍රීඩා සමාජ කණ්ඩායමට එරෙහිව
■    අගෝස්තු 01 - ඕස්ට්‍රේලියානු ක්‍රීඩා සමාජ කණ්ඩායමට එරෙහිව


අගෝස්තු 3 වැනිදා සිට 6 වැනිදා දක්වා ශ්‍රේණිගත හා අවසන් වටයේ තරග පැවැත්වේ. අවසන් මහ තරගය අගෝස්තු 6 වැනි දා පැවැත්වේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ශම්මි සිල්වා...
2019-04-18 18:37:22
“ලෝක පූජිත ක්‍රීඩකයෙක් වුණ පළියට හොඳ නායකයෙක් වෙන්නේ නෑ. හොඳ නායකයෙක් ලෝක පූජිත ක්‍රීඩකයෙක් වෙන්නෙත් නෑ. මාලිංගට තරග 12 ක් ලබා දුන්නා...
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...