. සකීබ් - ටානියා කේවල රන් කාණ්ඩයේ ශූරතා දිනති | කෙළිමඬල
2018 දෙසැම්බර් මස 12 වැනි බදාදා
සකීබ් - ටානියා කේවල රන් කාණ්ඩයේ ශූරතා දිනති
2018-08-01 21:13:10 | සමීර ගොඩපිටිය

ශ්‍රී ලංකා ගොල්ෆ් සංගමය සංවිධානය කළ ජාත්‍යන්තර කණිෂ්ට ගොල්ෆ් ශූරතාවලියේ කේවල රන් කාණ්ඩයේ බාලක ශූරතාව දිනා ගැනීමට පාකිස්තානයේ මොහොමඞ් සකීබ්ට අද (1) හැකියාව ලැබිණ. රන් කාණ්ඩයේම බාලිකා ශූරතාව ශ්‍රී ලංකාවේ ටානියා බාලසූරිය දිනා ගත්තාය. එච්.එස්.බී.සී බැංකුවේ අනුග්‍රහයෙන් මෙම තරගාවලිය අද කොළඹ රාජකීය ගොල්ෆ් පිටියේදී ආරම්භ විය.

ශ්‍රී ලංකාව නියෝජනය කරමින් මෙවර තරගාවලියට සහභාගි වූ නායක විනෝද් වීරසිංහට රන් කාණ්ඩයේ අනුශූරතාවයෙන් සෑහීමට පත්වන්නට සිදුවූ අතර ශ්‍රී ලංකාවේම ආමන්ට් ෆ්ලෙමර් කල්දේරා තෙවැනි ස්ථානය දිනා ගත්තේය.

රන් කාණ්ඩයේම බාලිකා ශූරතාව ටානියා බාලසූරිය දිනා ගනිද්දී, ඉන්දියාවේ අර්ෂියා මහන්ට් අනුශූරතාවය දිනා ගත්තාය. ශ්‍රී ලංකාවේ කයිලා පෙරේරා එම අංශයේම තෙවැනි ස්ථානයට පත්වූවාය.

මෙවර තරගාවලියට ශ්‍රී ලංකාව ඇතුලු ඉන්දියාව, පාකිස්තානය, මැලේසියාව සහ තායිලන්තය යන රටවල් නියෝජනය කරමින් ක්‍රීඩක ක්‍රීඩිකාවෝ 110 ක් පමණ සහභාගි වූහ. එසේම කිලිනොච්චිය සහ අනුරාධපුරය නියෝජනය කරමින් ක්‍රීඩක ක්‍රීඩිකාවන් ඉදිරිපත් වූයේ පළමු වතාවටවීම විශේෂත්වයකි. තරගාවලියේ දෙවැනි දිනය වන හෙට (2) දිනයේදී කණ්ඩායම් තරග පැවැත්වීමට නියමිතය.

 

තරග ප්‍රතිඵල

රන් කාණ්ඩය බාලක (වයස 15-18 වැඩි)
■    ශූරතාව - මොහොමඞ් සකීබ් (පකිස්තානය) - ලකුණු 68
■    අනුශූරතාව - විනෝද් වීරසිංහ (ශ්‍රී ලංකාව) - ලකුණු 70
■    තෙවැනි ස්ථානය - ආමන්ඞ් ෆ්ලේමර් කල්දේරා - ලකුණු

රන් කාණ්ඩය බාලිකා (වයස 15-18 වැඩි)
■    ශූරතාව - ටානියා බාලසූරිය (ශ්‍රී ලංකාව) - ලකුණු 69
■    අනුශූරතාව - අර්ෂියා මහන්ට් (ඉන්දියාව) - ලකුණු 77
■    තෙවැනි ස්ථානය - කයිලා පෙරේරා (ශ්‍රී ලංකාව) - ලකුණු 79

රිදී කාණ්ඩය බාලක (වයස 12-14 වැඩි)
■    ශූරතාව - නිරේක් ටෙජ්වානි - ලකුණු 74
■    අනුශූරතාව - හරූන් අස්ලාම් - ලකුණු 75
■    තෙවැනි ස්ථානය - යනික් කුමාර - ලකුණු 76

රිදී කාණ්ඩය බාලිකා (වයස 12-14 වැඩි)
■    ශූරතාව - කුෂී හෝදා (ඉන්දියාව) - ලකුණු 80
■    අනුශූරතාව - ශෙරීන් බාලසූරීය (ශ්‍රී ලංකාව) - ලකුණු 87
■    තෙවැනි ස්ථානය - අරිකා වික්‍රමසිංහ (ශ්‍රී ලංකාව) - ලකුණු 92

ලෝකඩ කාණ්ඩය බාලක සහ බාලිකා (වයස 10-11 වැඩි)
■    ශූරතාව -  ශනාල් බිනුක්ෂ - ලකුණු 63
■    අනුශූරතාව - හරිත් අනික් බින් නිසාම් - ලකුණු 66
■    තෙවැනි ස්ථානය - රෙෂාන් අල්ගම - ලකුණු 66

තඹ කාණ්ඩය බාලක සහ බාලිකා (වයස 9 සහ 9 වැඩි)
■    ශූරතාව - කයා දලුවත්ත - ලකුණු 42
■    අනුශූරතාව -  රවීන්ද්‍ර සමරසේකර - ලකුණු 43
■    තෙවැනි ස්ථානය - ක්වාන් ටෙවානි - ලකුණු 43

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...