. ජෝයි - ප්‍රසන්න - සුරේෂ් ජය ලබති | කෙළිමඬල
2018 අගෝස්තු මස 14 වැනි අගහරුවාදා
ජෝයි - ප්‍රසන්න - සුරේෂ් ජය ලබති
2018-08-02 17:40:14 | ශානුක අරවින්ද

ශ්‍රී ලංකා ටෙනිස් සංගමය සංවිධානය කරන ප්‍රවීණයන්ගේ විවෘත ටෙනිස් තරගාවලියේ අද (2 වැනිදා) පැවැති මූලික වටයේ තරගවලදී ජයග්‍රහණ වාර්තා කිරීමට ශ්‍රී ලංකාවේ බර්ඩන්ට් ජෝයි, ප්‍රසන්න අතාවුද සහ සුරේෂ් සුභ්‍රමනියම් සමත් වූහ.

අවුරුදු 35 න් ඉහළ වයස් කාණ්ඩය යටතේ තරග වැදුණ බර්ඩන්ට් ජෝයි සහ ප්‍රසන්න අතාවුද අද පැවැති තරග වලදී වට 2-0 ක් ලෙස පිළිවෙලින් ඉන්දියාවේ ප්‍රසාද් රාවෝ සහ ශ්‍රී ලංකාවේ නේෂන් ගුණසේකර පරාජය කළහ.

ඒ අනුව හෙට පැවැත්වෙන අර්ධ අවසන් පූර්ව වටයේ තරගවලදී බර්ඩන්ට් ජෝයි සිංගප්පූරුවේ රෝයිසන් ක්වාන්ට එරෙහිවද, ප්‍රසන්න අතාවුද ඉන්දියාවේ වී. චන්ද්‍රශේකර්ට එරෙහිවද තරග බිමට පිවිසීමට නියමිතය.

ශ්‍රී ලංකාවේ රොහාන් ද සිල්වාද මූලික වටයේදී නිතරග ජයක් ලබා වයස අවුරුදු 35 න් ඉහළ අර්ධ අවසන් පූර්ව වටයට පිවිසි අතර එහිදී ඔහු ඉන්දියාවේ අශීෂ් පාමර්ට එරෙහිව තරග වැදීමට නියමිතය.

ශ්‍රී ලංකා ඔලිම්පික් කමිටුවේ සභාපති සුරේෂ් සුභ්‍රමනියම් අවුරුදු 55 න් ඉහළ වයස් කාණ්ඩය යටතේ මෙම තරගාවලියට එක්වූ අතර අද පැවැති මූලික වටයේ තරගයකදී ඉන්දීය ක්‍රීඩක පී.ආර්. රාජුට එරෙහිව වට 2-0 ක ජයක් අත්කර ගැනීමටද ඔහු සමත් විය.

වයස අවුරුදු 35 න් ඉහළ

  • බර්ඩන්ට් ජෝයි (ශ්‍රී ලංකාව) විසින් තරග වට 2-0 ක් ලෙස ප්‍රසාද් රාවෝ (ඉන්දියාව) පරාජය කරන ලදි. (6/3, 6/0)
  • ප්‍රසන්න අතාවුද (ශ්‍රී ලංකාව) විසින් තරග වට 2-0 ක් ලෙස ඩොමිනික් පෝල් (ශ්‍රී ලංකාව) පරාජය කරන ලදි. (6/1, 6/1)

වයස අවුරුදු 55 න් ඉහළ

  • සුරේෂ් සුභ්‍රමනියම් (ශ්‍රී ලංකාව) විසින් තරග වට 2-0 ක් ලෙස පී.ආර්. රාජු (ඉන්දියාව) පරාජය කරන ලදි. (6/4, 6/1)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට තියුණු ජයක්...
2018-08-08 23:00:15
පල්ලෙකැළේ ක්‍රීඩාංගණයට පැමිණි ප්‍රේක්‍ෂකයන්ගේ බලාපොරොත්තු කඩ නොකළ ශ්‍රී ලංකා ක්‍රීඩකයෝ දකුණු අප්‍රිකාවට එරෙහිව අද ...
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...