. කමාන්ඩෝ අභියෝගය ඉරිදා කුඩාඔයදී | කෙළිමඬල
2019 අපේ‍්‍රල් මස 24 වැනි බදාදා
කමාන්ඩෝ අභියෝගය ඉරිදා කුඩාඔයදී
2018-08-03 14:58:00 | ශානුක අරවින්ද

   

ශ්‍රී ලංකා යුද හමුදාවේ කමාන්ඩෝ රෙජිමේන්තුව, ශ්‍රී ලංකා මොටර් රථ ක්‍රීඩා රියැදුරන්ගේ සහ යතුරුපැදිකරුවන්ගේ සංගමය සමග එක්ව තෙවැනි වරට සංවිධානය කරන ‘කමාන්ඩෝ අභියෝගය’ සුපර් ක්‍රොස් මෝටර් රථ සහ යතුරුපැදි තරගාවලිය ලබන ඉරිදා (5 වැනිදා) පෙරවරු 9.00 සිට ඌව, කුඩාඔය කමාන්ඩෝ රෙජිමේන්තු ධාවන පථයේදී පැවැත්වේ. 


දක්ෂතම මෝටර් රථ රියැදුරා සහ දක්ෂතම යතුරුපැදිකරුවා තෝරාගන්නා ඉසව් 4 ද සමග මෝටර් රථ ඉසව් 12 කින් සහ යතුරුපැදි තරග 10 කින් මෙවර ‘කොමාන්ඩෝ අභියෝගය’ තරගාවලිය සමන්විත වේ. ඒ සඳහා දිවයිනේ ප්‍රධාන පෙළේ මෝටර් රථ රියැදුරන් සහ යතුරුපැදිකරුවන් ඇතුළු තරගකරුවන් 150 ක් පමණ සහභාගි වීමට නියමිතය. 

කමාන්ඩෝ රෙජිමේන්තු පුහුණු පාසලේ ඉදිකර තිබෙන මෝටර් රථ ධාවන පථය කිලෝමීටර් 1.9 ක දුරකින් සමන්විත වන අතර යතුරුපැදි ධාවන පථය කිලෝමීටර් 1.6 ක දුරකින් සමන්විත වේ. ඉතුක් වසරේ පැවැති ‘කොමාන්ඩෝ අභියෝගය’ සුපර් ක්‍රොස් තරගාවලියේදී දක්ෂතම මෝටර් රථ රියැදුරා ලෙස කුෂාන් පීරිස්ද, දක්ෂතම යතුරුපැදිකරුවා ලෙස ඉෂාන් දසනායකද සම්මාන දිනාගත්හ.  

ශ්‍රී ලංකා මොටර් රථ ක්‍රීඩා රියැදුරන්ගේ සහ යතුරුපැදිකරුවන්ගේ සංගමය, හච් සමාගමේ අනුග්‍රහයෙන් සංවිධානය කරන ‘ශ්‍රී ලංකා සුපර් සීරීස්’ තරග මාලාවේ පස්වැනි අදියර ලෙස මෙම තරගාවලිය පැවැත්වේ. නරියාකන්ද සුපර් ක්‍රොස්, කොළඹ සුපර් ක්‍රොස් සහ කැවල්රි සුපර් ක්‍රොස් සහ මීරිගම රෝඞ් රේස් පළමු අදියර යන තරගාවලි 4 මින් පෙර එම තරග මාලාවේ යටතේ පැවැති තරගාවලි වේ. 

මෙතෙක් පැවැති තරගාවලිවලදී අශාන් සිල්වා ලකුණු 60 ක් ලබා මෝටර් රථ අංශයෙන්ද,  බුද්ධික කසුන් සිල්වා ලකුණු 51 ක් ලබා යතුරුපැදි අංශයෙන්ද ඉදිරියෙන් සිටිති. උෂාන් පෙරේරා (ලකුණු 43) සහ කුෂාන් පීරිස් (ලකුණු 34) පිළිවෙළින් මෝටර් රථ අංශයේ දෙවැනි සහ තෙවැනි ස්ථානවල රැදී සිටින අතර සමීර ප්‍රේමරත්න (ලකුණු 35) සහ ගයාන් සඳරුවන් (ලකුණු 32) පිළිවෙළින් යතුරුපැදි අංශයේ දෙවැනි සහ තෙවැනි ස්ථානවල රැදී සිටිති. 

තරග මාලාව අවසානයේදී වැඩිම ලකුණු ලබාගනිමින් දක්ෂතම මෝටර් රථ රියැදුරා සහ දක්ෂතම යතුරුපැදිකරුවා බවට පත්වන ක්‍රීඩකයන් දෙදෙනාට නවීන මෝටර් රථ දෙකක් පිරිනැමීමට සංවිධායකයෝ සූදානමින් සිටිති. යතුරුපැදිකරුවන්ට ලකුණු රැස්කිරීම සඳහා පැවැත්වෙන අවසන් සුපර් ක්‍රොස් තරගාවලිය ‘කොමාන්ඩෝ අභියෝගය’ තරගාවලියයි. මෝටර් රථ රියැදුරන්ට ඉදිරියේදී පැවැත්වීමට නියමිත කටුකුරුන්ද ලයන්ස් ටොප් ස්පීඞ් තරගාවලියේදී සහ පන්නල රාත්‍රී මෝටර් රථ තරගාවලියේදීද සිය ලකුණු සංඛ්‍යාවන් ඉහළ නංවාගැනීමට අවස්ථාව හිමිවේ. 

DSC_3078

DSC_3024

ඡායාරූප -ශානුක අරවින්ද

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...