. ලෝක කුසලානයට යන ශ්‍රී ලංකා පිල නම් කරයි | කෙළිමඬල
2018 දෙසැම්බර් මස 12 වැනි බදාදා
ලෝක කුසලානයට යන ශ්‍රී ලංකා පිල නම් කරයි
2018-08-05 14:51:10 | ශානුක අරවින්ද

මේ මස 24 වැනිදා සිට 29 වැනිදා දක්වා කොරියාවේ චුන්චෝන් නුවරදී පැවැත්වෙන පස්වැනි ලෝක කුසලාන කැරම් ශූරතාවලියට සහභාගි වන ශ්‍රී ලංකා කණ්ඩායමේ නායකයා ලෙස සෙලාන් බැංකුවේ චමිල් දර්ශන කුරේද, නායිකාව ලෙස ගුවන් හමුදාවේ යසිකා රාහුබද්ධද නම් කර තිබේ. 

නාවික හමුදාවේ නිශාන්ත ප්‍රනාන්දු, කොළඹ රාජකීය විද්‍යාලයේ මොහොමඞ් ෂහීඞ් හිල්මි සහ ගුවන් හමුදාවේ උදේශ් චන්දිම පෙරේරා ශ්‍රී ලංකා පිරිමි කණ්ඩායම නියෝජනය කරන අතර නාවික හමුදාවේ ජෝශප් රොසිටා, ගුවන් හමුදාවේ චලනි ලක්මාලි ලියනගේ සහ යුද හමුදාවේ මධුකා දිල්ශානි කාන්තා කණ්ඩායමට ඇතුළත්ව සිටිති. 

ශ්‍රී ලංකා කණ්ඩායමේ අතිරේක ක්‍රීඩකයා සහ ක්‍රීඩිකාව ලෙස යුද හමුදාවේ එම්. ෂෙරීෆ්ඩීන් සහ මධුවන්ති ගුණදාස නම් කර ඇති අතර මේ දිනවල ඔවුන් ලෝක කුසලාන තරගාවලිය සඳහා කොහුවල, ශ්‍රී ලංකා කැරම් සම්මේලන මූලස්ථානයේදී පුහුණුවීම් කටයුතුවල නිරත වෙති. 

ජාතික කැරම් තේරීම් කමිටුව සහ ශ්‍රී ලංකා කැරම් සම්මේලනය එක්ව තෝරාගන්නා ලද මෙම කණ්ඩායමට පසුගිය ලෝක කුසලාන කැරම් ශූරතාවලිය සහ ලෝක කැරම් ශූරතාවලිය සඳහා සහභාගී වූ අත්දැකීම් සහිත ක්‍රීඩක ක්‍රීඩිකාවන් හය දෙනෙක් ඇතුළත්ව සිටිති. 

2012 වසරේ ශ්‍රී ලංකාවේ පැවැති හයවැනි ලෝක කැරම් ශූරතාවලියේදී ඉන්දීය ක්‍රීඩක බී.භාරත දාසන් පරාජය කරමින් ලෝක කැරම් ශූරතාව දිනාගත් නිශාන්ත ප්‍රනාන්දු සහ ලෝක කුසලාන කැරම් ශූරතාවලියට සමගාමීව 2014 වසරේ මාලදිවයිනේදී පැවැති “ස්විස් ලීග්” ලෝක කැරම් ශූරතාව දිනාගත් චමිල් දර්ශන කුරේ මෙවර ශ්‍රී ලංකාව කණ්ඩායම නියෝජනය කරක ක්‍රීඩකයන් අතර ඉදිරියෙන්ම සිටිති.  

ශ්‍රී ලංකා කැරම් සම්මේලනයේ සභාපති පරාක්‍රම බස්නායක සහ උප සභාපති බ්‍ර්න්ඩ්ලි වික්‍රමසිංහ යන මහත්වරු නිලධාරීන් ලෙස මෙම සංචාරයට සහභාගි වෙති. 

ජාත්‍යන්තර කැරම් සම්මේලනය මගින් වසර හතරකට වරක් පවත්වනු ලබන ලෝක කුසලාන කැරම් ශූරතාවලියේ මෙවර සත්කාරකත්වය දරනු ලබන්නේ කොරියානු කැරම් සම්මේලනය විසිනි. 

පිරිමි කණ්ඩායම 
චමිල් කුරේ (නායක), නිශාන්ත ප්‍රනාන්දු, ෂහීඞ් හිල්මි සහ උදේශ් චන්දිම 


කාන්තා කණ්ඩායම 
යසිකා රාහුබද්ධ (නායක), ජෝශප් රොසිටා, චලනි ලක්මාලි සහ මධුකා දිල්ශානි 

01-Chamil-Cooray-(Captain) 02-Nishantha-Fernando 03-Shaheed-Hilmy  04-Udesh-Chandima
චමිල් කුරේ නිශාන්ත ප්‍රනාන්දු ෂහීඞ් හිල්මි උදේශ් චන්දිම 
05-Yasika-Rahubaddha-(Captain) 06-Joseph-Roshita 07-Chalani-Lakmali 08-Madhuka-Dilshani
යසිකා රාහුබද්ධ  ජෝශප් රොසිටා  චලනි ලක්මාලි    මධුකා දිල්ශානි 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...