. ශ්‍රී ලංකාවට තියුණු ජයක් | කෙළිමඬල
2019 අපේ‍්‍රල් මස 24 වැනි බදාදා
ශ්‍රී ලංකාවට තියුණු ජයක්
2018-08-08 23:00:15 | දමින්ද විජේසූරිය පල්ලෙකැළේ ක්‍රීඩාංගණයේ සිට...

පල්ලෙකැළේ ක්‍රීඩාංගණයට පැමිණි ප්‍රේක්‍ෂකයන්ගේ බලාපොරොත්තු කඩ නොකළ ශ්‍රී ලංකා ක්‍රීඩකයෝ දකුණු අප්‍රිකාවට එරෙහිව අද (8 වැනිදා) පැවැති සිව්වැනි එක්දින තරගයේදී ඩක්වර්ත් ලුවිස් න්‍යාය අනුව ලකුණු 3 ක තියුණු ජයක් ලබාගත්හ. ඕවර 21 කදී ලකුණු 191 ක ඉලක්කයක් කරා ගිය දකුණු අප්‍රිකානු කණ්ඩායම ලකුණු 187 දී නතර කිරීමට සුරංග ලක්මාල් (46/3) ප්‍රමුඛ ශ්‍රී ලංකා පන්දු යවන්නෝ සමත් වූහ.

මෙම ජයත් සමගින් ශ්‍රී ලංකා කණ්ඩායම එක්දින තරගාවලියේ එකම ජය ලබාගත්තද දකුණු අප්‍රිකානුවෝ 3-1 ක් ලෙසින් තරගාවලියේ ඉදිරියෙන් සිටිති. දකුණු අප්‍රිකානු පිල හමුවේ පිට පිටම එක්දින තරග 11 කින් පරාජය වී සිටි ශ්‍රී ලංකා කණ්ඩායම ඊට නැවතීමේ තිත තබාගත්තේය.

වර්ෂාවෙන් ලැබුණු වාසිය උපරිම වශයෙන් ප්‍රයෝජනයට ගත් දකුණු අප්‍රිකානු කණ්ඩායම ජය මාවතට අවතීර්ණ වී සිටියද අවසන් ඕවර හතේදී ලකුණු 54 කට කඩුලු හයක් දවාගනිමින් සංචාරකයන්ගේ ගමන අවහිර කිරීමට ශ්‍රී ලංකා පිලට හැකිවිය.

12 වැනි ඕවරය අවසන් වන විට කඩුලු 3 කට ලකුණු 128 ක් ලබා සිටි දකුණු අප්‍රිකානුවන්ගේ ජයග්‍රහණය සඳහා ඕවර 9 කින් ලකුණු 63 ක් අවශ්‍ය වී තිබිණ. පහසු උඩපන්දු දෙකක් ගිළිහී ගියද එක්ස්ට්‍රා කවර්ස්හි සිට අසීරු උඩපන්දුවක් රැකගනිමින් හෙන්රික් ක්ලාසන් දවාගත්  ඇන්ජලෝ මැතිව්ස් තරගයේ ගමන් මග වෙනස් කළේය.
 
විලියම් මල්ඩර් දවාගැනීමට ධනංජය ද සිල්වා රැකගත් උඩපන්දුව අති විශිෂ්ට එකක් වූ අතර එයින් දිරිමත් වූ ශ්‍රී ලංකා ක්‍රීඩකයෝ එන්න එන්නම දකුණු අප්‍රිකානුවන් වෙත පීඩනය වැඩි කළහ. තම පිල වෙනුවෙන් හුදෙකළා සටනක නිරතව සිටි ඬේවිඞ් මිලර් තනි අතින් කණ්ඩායම ජයග්‍රහණය කරා ගෙනයාමට උත්සාහ දැරූ නමුත් අවසන් ඕවරය යැවූ සුරංග ලක්මාල්ගේ පන්දුවක් මිලර්ගේ පිත්තේ ඇතුළත දාරයේ වැඩී කඩුල්ලට කඩාවැදුණේ තරගයේ වාසිය ශ්‍රී ලංකා පිල වෙත නැඹුරු කරමිනි. අවසන් පන්දු 4 න් ලකුණු 8 ක් ලබාගැනීමට තිබුණද සුරංග ලක්මාල්ගෙන් අවසර ලැබුණේ ලකුණු 4 ක් ලබාගැනීමට පමණි.

කලකට අමතක නොවන අර්ධ ශතක තුනකින් පල්ලෙකැළේ ක්‍රීඩාංගණයට පිවිසි ක්‍රිකට් ලෝලීන්ට සංග්‍රහ කළ කුසල් පෙරේරා (51), තිසර පෙරේරා (නොදැවී 51) සහ දසුන් ශානක (65) එක්ව ශ්‍රී ලංකා පිලේ ලකුණු සංඛ්‍යාව 306 ක් දක්වා ඉහළ දැමූහ. අලංකාර පිතිහරඹයක යෙදෙමින් හත්වැනි කඩුල්ල වෙනුවෙන් ලකුණු 109 ක සම්බන්ධතාවක් ගොඩනැංවූ තිසර පෙරේරා සහ දසුන් ශානක ඒ වෙනුවෙන් වැය කළේ පන්දු 67 ක් පමණි.

දකුණු අප්‍රිකානු පන්දු යවන්නන්ට එරෙහිව හතරේ පහර 27 ක්  සහ හයේ පහර 12 ක් ගැසූ ශ්‍රී ලංකා පිතිකරුවෝ සෑම පන්දු යවන්නකුටම හයේ පහර දෙකකින් සංග්‍රහ කළහ. පන්දු 34 කට මුහුණ දුන් දසුන් ශානක පන්දු යවන්නන්ගේ මන්දගාමී පන්දු මනාව හඳුනාගනිමින් හතරේ පහර 4 ක් සහ හයේ පහර 5 ක් සිය ඉනිමට ඇතුළත් කළේය. තිසරගේ ඉනිමට හතරේ පහර 3 ක් සහ හයේ පහර 2 ක් ඇතුළත් විය.

ප්‍රේක්‍ෂකයන් අමන්දානන්දයට පත්කළ කුසල් පෙරේරා පන්දු 32 කින් ලකුණු 51 ක් ලබාගත්තේ චිත්තාකර්නීය හයේ පහර දෙකකින් සහ හතරේ පහර 6 කින් සිය ඉනිම සරසමිනි.

 

ඡායාරූප - ශාන්ත රත්නායක

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...