. චන්දිමාල් විස්සයි20 සංචිතයට කැඳවයි | කෙළිමඬල
2019 අපේ‍්‍රල් මස 23 වැනි අගහරුවාදා
චන්දිමාල් විස්සයි20 සංචිතයට කැඳවයි
2018-08-08 22:18:53 | .

දකුණු අප්‍රිකාවට එරෙහිව පැවැත්වෙන විස්සයි20 ජාත්‍යන්තර ක්‍රිකට් තරගය සඳහා නම් කරන ලද ක්‍රීඩකයන් 15 දෙනකුගෙන් සමන්විත ශ්‍රී ලංකා සංචිතයට ටෙස්ට් කණ්ඩායමේ නායක දිනේෂ් චන්දිමාල් ඇතුළත් කිරීමට ශ්‍රී ලංකා ක්‍රිකට් තේරීම් කමිටුව පියවර ගෙන තිබේ.

මේ දක්වා විස්සයි20 තරග 52 කට සහභාගි වී ඇති චන්දිමාල් එහිදී ලකුණු 738 ක් රැස්කරගෙන ඇත්තේ අර්ධ ශතක 4 ක් සමගිනි. විස්සයි20 තරගයකදී 103.50 ක ප්‍රහාරක වේගයක් රඳවාගෙන සිටින චන්දිමාල්ගේ ලකුණු රැස්කිරීමේ සාමාන්‍ය සටහන් වන්නේ 17.57 ක් ලෙසිනි.

දකුණු අප්‍රිකාවට එරෙහිව පැවැත්වෙන විස්සයි20 තරගය සඳහා චන්දිමාල් තෝරාගෙන ඇත්තේ ඔහුට එරෙහිව අන්තර් ජාතික ක්‍රිකට් සභාව පැනවූ තරග 6 ක තහනම අවසන් වීමෙන් පසුවය. මේ වසරේ (2018) මාර්තු මාසයේදී බංග්ලාදේශයට එරෙහිව කොළඹදී පැවැති විස්සයි20 තරගය චන්දිමාල් සහභාගි වූ අවසන් විස්සයි20 තරගයයි.

මේ අතර ශ්‍රී ලංකා විස්සයි20 කණ්ඩායමේ ආරම්භක පිතිකරුවා ලෙස කටයුතු කළ නිරෝෂන් දික්වැල්ලට මෙම තරගයේදී සිය ස්ථානය අහිමිවී ඇති අතර ඔහු අතිරේක ක්‍රීඩකයකු ලෙස නම් කිරීමට තේරීම් කමිටුව පියවර ගෙන තිබේ. දිමුත් කරුණාරත්න, ඉසුරු උදාන සහ  එක්දින තරගාවලියට සහභාගි වූ කසුන් රාජිතද අතිරේක ක්‍රීඩකයන්ගේ ලැයිස්තුවට ඇතුළත්ව සිටිති.

වේග පන්දු යවන්නන් ලෙස එක්දින කණ්ඩායම ඇතුළත්ව සිටි සුරංග ලක්මාල්ට සහ කසුන් රාජිතටද විස්සයි20 සංචිතයේ ස්ථාන අහිමිවී ඇති අතර ඔවුන් දෙදෙනා වෙනුවට ෂෙහාන් මධුෂංක සහ බිනුර ප්‍රනාන්දු සංචිතයට කැඳවා සිටිති. ෂෙහාන් මධුෂංක ශ්‍රී ලංකාව නියෝජනය කරමින් එක්දින තරගයකට සහ විස්සයි20 තරග 2 කට ක්‍රීඩා කර ඇති අතර බිනුර ප්‍රනාන්දු ක්‍රීඩා කර ඇත්තේ විස්සයි20 තරග 2 කට පමණි.

අවසන් වරට පැවැති බටහිර ඉන්දීය කොදෙව් සංචාරයේදී විනය විරෝධී ලෙස හැසිරීම නිසා වසරක අත්හිටවූ තරග තහනමකට ලක්වූ ජෙෆ්රි වැන්ඩසේද දකුණු අප්‍රිකාවට එරෙහිව පැවැත්වෙන විස්සයි20 ක්‍රිකට් තරගය සඳහා කැඳවා සිටියි. අකිල ධනංජය සහ ලක්ෂාන් සඳකැන් සංචිතයට ඇතුළත්ව සිටින සෙසු දඟ පන්දු යවන්නෝ වෙති.

ශ්‍රී ලංකා විස්සයි20 සංචිතයට නම් කළ ඇතැම් ක්‍රීඩකයන් ශ්‍රී ලංකා නැඟී එන කණ්ඩායමටද ඇතුළත්ව සිටින බවත්, ඔවුන් අතරින් විස්සයි20 තරගයට සහභාගි නොවන ක්‍රීඩකයන් දකුණු අප්‍රිකා නැඟී එන කණ්ඩායමට එරෙහිව පැවැත්වෙන එක්දින තරගාවලියට ක්‍රීඩා කිරීමට නියමිත බවත් ශ්‍රී ලංකා ක්‍රිකට් ආයතනය නිවේදනය කර සිටියි.

දෙරට අතර පැවැත්වෙන විස්සයි20 තරගය කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී මේ මස 14 වැනිදා පස්වරු 7.00 ට ආරම්භ වේ.


ශ්‍රී ලංකා සංචිතය
ඇන්ජලෝ මැතිව්ස් (නායක), දසුන් ශානක, කුසල් පෙරේරා, ධනංජය ද සිල්වා, උපුල් තරංග, කුසල් මෙන්ඩිස්, තිසර පෙරේරා, ෂෙහාන් ජයසූරිය, ෂෙහාන් මධුෂංක, ළහිරු කුමාර, දිනේෂ් චන්දිමාල්, අකිල ධනංජය, ජෙෆ්රි වැන්ඩසේ, ලක්ෂාන් සඳකැන් සහ බිනුර ප්‍රනාන්දු

අතිරේක
දිමුත් කරුණාරත්න, ඉසුරු උදාන, නිරෝෂන් දික්වැල්ල සහ කසුන් රාජිත


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...