. වෙළෙඳ සේවා වොලිබෝල් තරග 1 වැනිදා සිට | කෙළිමඬල
2018 දෙසැම්බර් මස 13 වැනි බ‍්‍රහස්පතින්දා
වෙළෙඳ සේවා වොලිබෝල් තරග 1 වැනිදා සිට
2018-08-10 15:31:55 | නාමල් පතිරගේ

 

මහරගම තරුණ සේවා ගෘහස්ථ පිටියේදි ලබන සැප්තැම්බර් 1 වනිදා ආරම්භවන වෙළෙඳ සේවා වොලිබෝල් තරගමාලාව සඳහා කණ්ඩායම් වෙත අයැදුම් කිරීමට මෙම 20 වැනිදා දක්වා අවස්ථාව සලසා ඇතැයි  තරග සංවිධායකයෝ පවසති. තරගමාලාවේ මුලික වටය සැප්තැම්බර් 1-2 යන දිනවලදීත් අවසන් මහ තරග ලබන නොවැම්බර් 1-2 යන දිනවලදීත් මහරගමදී පැවැත්වීමට කටයුතු යොදා තිබේ.

 වෙළෙඳ  සේවා වොලිබෝල් සංගමය වසර 2012 සිට නැවත ආරම්භ කළ තරගමලාව  මෙවර 7 වැනි වරටත් සංවිධානය කිරීමේදී තරග සංවිධායකයෝ කණ්ඩායම් 100ක් පමණ අපේක්‍ෂා කරති.

 මෙරට වැඩිම ත්‍යාග මුදලක් ප්‍රදානය කෙරෙන වොලිබෝල් තරගමාලාවේදී නිර්දේශ කෙරන දක්‍ෂතම ක්‍රීඩකයා හා ක්‍රීඩිකාවට යතුරුපැදියක් බැගින්ද ප්‍රදානය කිරීමට නියමිතය. තරගමාලාවේ මුළු ත්‍යාග මුදල රුපියල් මිලියන 1.5කට ආසන්න අගයක් ගනී. මෙවර තරගමාලාවේ විශේෂත්වය සියලු අවසන් මහ තරගවලදී ක්‍රීඩකයන් හෝ ක්‍රීඩිකාවන් හය දෙනකුට බැගින්  විශේෂ සම්මාන ප්‍රදානය කිරීමය. පෞද්ගලික ආයතන, සමාගම්, අර්ධ රාජ්‍ය  ආයතනයන්හි සේවක සේවිකාවන්ගෙන්  සමන්විත කණ්ඩායම් සඳහා මෙම තරගාවලියට සහභාගි විය හැකිය. එහෙත් එම කණ්ඩායම්වලට නිර්දේශ කෙරෙන සේවක සේවිකාවන් අවම එම ආයතනවල මාස තුනක්වත් සේවය කර තිබිය යුතුය.

 සුපර් ලීග, ශූරතා කුසලාන හා ‘ඒ’  යන ප්‍රධාන කාණ්ඩ තුනකින් තරගමාලාව පැවැත්වේ. w.w.w. mva.lk  හෝ mvasrilanka@gmail.com   යන වෙබ් අඩවිය හෝ විද්‍යුත් තැපෑලට යොමුවීමෙන් අයැදුම්පත් ලබාගත හැකිය. වෙළෙඳ සේවා වොලිබෝල් සංගමය නො. 33, ටොරින්ටන් පෙදෙස, කොළඹ 7  විමසීම් 0710682682, 0776485456 යන දුරකතන ඔස්සේ තරග අයැදුම්පත් යොමුකළ හැකිය.

 සුපර් ලීග් කාණ්ඩයේ ශූරයන්ට රුපියල් 150,000 සිටද, ශූරතා කුසලාතා කාණ්ඩයේ ශූරයන්ට රුපියල් ලක්‍ෂයේ සිටද ‘ඒ’ කාණ්ඩයේ ශූරයන්ට රුපියල් 30,000 සිට ද තෙවැනි ස්ථානය දක්වා මුදල් ත්‍යාග 18ක් එහිදී  කණ්ඩායම් වෙත ප්‍රදානය කෙරේ.

එහිදි ප්‍රධාන අනුග්‍රාහකයා (ප්ලැටිනම්) වන්නේ මාස් ආයතනයයි. සන්කුයික් ලංකා ටයිලස්, බ්‍රැන්ඩික්ස්, එක්ස්ෆෝ ලංකා, හෝල්ඩින්ස් පී එල්සි, ටෙලිකොම්, ඬේවිඞ් පිරීස් යන ආයතන සම (රන්) අනුග්‍රාහකයන් ලෙසත් දම්රෝ හා ඔමේගා ලයින් යන ආයතන අතිරේක (රිදී) අනුග්‍රාහකයන් ලෙසත් මෙම තරගාමාලාවට සත්කාරය දරති. 

මෙම තරගමාලව පැහැදිලි කිරීමේ මාධ්‍ය හමුවට  වෙළෙඳසේවා වොලිබෝල් සංගමයේ උප සභාපතිවරුන් වන ඒ.එස්. නාලක, අරුණ සේනානායක, චන්දන විජේසිංහ, සුදර්ශන ජයතිලක, ජ්‍යෙෂ්ඨ උප සභාපති රුවන් සංජීව,යාවජීව සභාපති කර්නල් සුජිත් ජයසේකර යන මහත්වරුද සහභාගි වූහ. 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...