. ශ්‍රී ලංකා නැඟී එන කණ්ඩායම තරගාවලිය ජයගනී | කෙළිමඬල
2019 අපේ‍්‍රල් මස 24 වැනි බදාදා
ශ්‍රී ලංකා නැඟී එන කණ්ඩායම තරගාවලිය ජයගනී
2018-08-11 18:00:13 | රොෂාන් ගුණරත්න රංගිරි දඹුල්ල ක්‍රීඩාංගණයේ සිට...

චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී අද (11 වැනිදා) පැවැති දෙවැනි නිළනොවන එක්දින තරගය කඩුලු 5 කින් ජයගැනීමට ශ්‍රී ලංකා නැඟී එන කණ්ඩායම සමත්විය. තවත් එක් තරගයක් තිබියදීම තරග 3 කින් සමන්විත නිළනොවන එක්දින තරගාවලිය 2-0 ක් ලෙස ජය ගැනීමට ශ්‍රී ලංකා නැඟී එන කණ්ඩායම සමත්විය.

ජයග්‍රහණය සඳහා ලකුණු 268 ක ඉලක්කයක් හඹාගිය ශ්‍රී ලංකා නැඟී එන කණ්ඩායම ඕවර 49.1 කදී කඩුලු 5 ක් පමණක් දැවී ඉලක්කය පසුකිරීමට සමත්විය.

පළමු තරගයේදී ශතක ලබාගනිමින් පිත්තෙන් දස්කම් දැක්වූ සධීර සමරවික්‍රම (25) සහ දිමුත් කරුණාරත්න (12) ලකුණු ලබාගනිමින් පිටියේ ස්ථාවර වීමට ප්‍රථම පිටියෙන් ඉවත් කිරීමට දකුණු අප්‍රිකානූ වේගපන්දු යවන්නෝ සමත්වූහ.

ලකුණු 40 කට කඩුලු 2 ක් අහිමිවූ ශ්‍රී ලංකා නැඟී එන කණ්ඩායම් ඉනිම නැවත ගොඩනැගීමට ශ්‍රී ලංකා වසය 19 පහළ කණ්ඩායමේ හිටපු නායකයින් දෙපලක් වන චරිත් අසලංක සහ කමිඳු මෙන්ඩිස් සමත්වූහ. තෙවැනි කඩුල්ල සඳහා පන්දු 105 කදී ලකුණු 94 ක සම්බන්ධතාවයක් ගොඩනැගීමට අසලංක සහ කමිඳු මෙන්ඩිස් සමත්වූ අතර තෙවැනි කඩුල්ල ලෙස කමිඳු මෙන්ඩිස් දැවීයාමත් සමගින් එම සම්බන්ධතාවයට තිත තැබුණි.

පන්දු 61 කට මුහුණදී සිටියදී කගිසෝ රපුලානාගේ පන්දුවක් හමුවේ ඊතන් බොස්ච් අතට ලබාදුන් උඩපන්දුව රැකගැනීමත් සමගින් කමිඳු මෙන්ඩිස්ගේ ඉනිම ලකුණු 54 කට සීමාවිය. කලබලයකින් තොරව ලකුණු රැස්කිරීමක නිරතවූ මෙන්ඩිස් දැවීයනවිට හතරේ පහර 7 ක් සිය ඉනිමට එක්කරගෙන සිටියේය.

සාර්ථක පිතිහරඹයක නිරත වෙමින් අසේල ගුණරත්න සමගින් එක්ව සිවුවැනි කඩුල්ල සඳහා පන්දු 88 කදී ලකුණු 81 ක සම්බන්ධතාවයක් ගොඩනැගීමට චරිත් අසංලක සමත්විය. නැන්ඩි්‍ර බර්ගර්ගේ පන්දුවක් හමුවේ ලුතෝ සිපම්ලා අතට උඩපන්දුවක් දෙමින් ජයග්‍රහණය දෙසට ශ්‍රී ලංකා නැඟී එන කණ්ඩායම රැගෙන ගිය චරිත් අසලංක ලකුණු 69 කට දැවී ගියේය. පන්දු 87 කට මුහුණදුන් අසලංකගේ ඉනිමට හතරේ පහර 6 ක් ඇතුළත් විය.

ජයග්‍රහණය ඉක්මන් කිරීමට යෑමේදී ලුතෝ සිපම්ලාගේ පන්දුවක් හමුවේ ඊතන් බොස්ච් අතට දුන් උඩපන්දු රැකගැනීම හේතුවෙන් අසේල ගුණරත්නගේ ඉනිම ලකුණු 57 කට සීමාකිරීමට සිදුවිය. පන්දු 64 කදී හතරේ පහර 8 ක් සිය ඉනිමට එක්කර ගැනීමට අසේල සමත්විය.

පන්දු යවන්නන් හයදෙනෙකු යොදාගනිමින් ශ්‍රී ලංකා නැඟීඑන කණ්ඩායමේ පිතිකරුවන් මෙල්ල කිරීමට දකුණු අප්‍රිකානු නැඟීඑන කණ්ඩායමේ නායකයා උත්සහ කළද ඉන් නිසි ප්‍රයෝජන ගැනීමට නොහැකිවිය.

මැතිව් බි්‍රට්ස්කේගේ (97) පිතිහරඹය හමුවේ කාසියේ වාසිය දිනා පළමුව පන්දුවට පහරදුන් දකුණු අප්‍රිකානු නැඟී එන කණ්ඩායම ඕවර 47.5 ක් අවසානයේ සියලුදෙනා දැවී ලකුණු 267 ක් රැස්කිරීමට සමත්විය.

සධීර සමරවික්‍රමගේ දුර්වල කඩුලු රැකීම හමුවේ අවස්ථා කිහිපයකදීම කඩුල්ල රැකගත් මැතිව් බි්‍රට්ස්කේගේ ලකුණු 97 ක් රැස්කිරීමට සමත්විය. ජෙෆ්රී වැන්ඩසේගේ පන්දුවක් හමුවේ කඩුල්ල මුවා කිරීමේ වරදට හසුවූ මැතිව් බි්‍රට්ස්කේ දැවී යනවිට පන්දු 103 කට මුහුණදෙමින් හයේ පහර 2 ක් සහ හතරේ පහර 4 ක් සිය ඉනිමට එක්කර ගෙන සිටියේය.

රයන් රිකෙල්ටන් සමගින් එක්ව තෙවැනි කඩුල්ල සඳහා ලකුණු 87 ක සම්බන්ධතාවයක් ගොඩනැගූ මැතිව් බි්‍රට්ස්කේගේ හත්වැනි කඩුල්ල සඳහා ග්‍රෙගරි මලෝක්වානා සමගින්ද එක්ව තවත් ලකුණු 81 ක සම්බන්ධතාවයක් ගොඩනැගීය.

ආරම්භක පිතිකරුවන්වූ ජිවේශාන් පිල්ලේ සහ නායක ටෝනී ඩි සෝසී වේගවත් ආරම්භයක් ලබාගනිමන් දකුණු අප්‍රිකානු නැඟී එන කණ්ඩායමට අවශ්‍ය අඩිතාලම දමාදුන් අතර මුල් පෙළ පිතිකරුවෝ එය ඉදිරියටම රැගෙන ගියහ. ඕවර 24 ක් අවසන් වනතෙක් ඕවරයකදී ලකුණු ලබාගැනීමේ වේගය ලකුණු 6 සීමාවෙන් එහා තබාගැනීමට දකුණු අප්‍රිකානු නැඟී එන කණ්ඩායමේ පිතිකරුවෝ සමත්වූහ.

පිතිකරණ ලැයිස්තුවේ උසස්වීමක් ලැබූ කඩුලු රකින ක්‍රීඩක රයන් රිකෙල්ටන් අර්ධ ශතකයක් ලබාගනිමින් දකුණු අප්‍රිකානු නැඟී එන කණ්ඩායමේ ලකුණු පුවරුව ශක්තිමත් කිරීමට සමත්විය. පන්දු 72 කට මුහුණදුන් රයන් රිකෙල්ටන්ගේ ඉනිමට හතරේ පහර 6 ක් ඇතුළත් විය.

කඩුලු 2 කට ලකුණු 151 ක් රැස්කරමින් ප්‍රබල ස්ථානයක සිටි දකුණු අප්‍රිකානු නැඟී එන කණ්ඩායමේ ලකුණු පුවරුව ලකුණු 175 කට කඩුලු 6 ක් ලෙස වෙනස් කිරීමට ශ්‍රී ලංකා නැඟී එන කණ්ඩායමේ දඟ පන්දු යවන්නෝ සමත්වූහ.

මුල් පෙළ පිතිකරුවන් ලකුණු ලබාගැනීමේ වේගය ලකුණු 6 න් එපිට රඳවා ගත්තද මැදි පෙළ සහ පසුපෙළ පිතිකරුවන්ට එය දිගින් දිගට රඳවා ගැනීමට නොහැකිවීම හේතුවෙන් ලකුණු 300 සීමාව කරා යෑමට තිබූ අවස්ථාව ඔවුන්ට අහිමිව ගියහ.

පළමු තරගයේදී පන්දුව අතේ වැඳීම හේතුවෙන් පන්දු යැවීමට නොහැකිවූ අසේල ගුණරත්න අද තරගයේදී ඕවර 7.5 කදී ලකුණු 30 කට කඩුලු 4 ක් දවාගනිමින් පන්දුවෙන් දස්කම් දැක්වීය. දකුණු අප්‍රිකානු නැඟී එන කණ්ඩායමේ ලකුණු ලබාගැනීමේ වේගය අඩාල කරමින් පන්දුයැවූ නිශාන් පිරීස් සිය ඕවර 10 ලකුණු 41 කට සීමාකරමින් කඩුලු 2 ක් දවාගත්තේය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...