. ඇන්ඩර්සන් ප්‍රසාද ලකුණු 900 පසුකරයි | කෙළිමඬල
2019 මැයි මස 19 වැනි ඉරිදා
ඇන්ඩර්සන් ප්‍රසාද ලකුණු 900 පසුකරයි
2018-08-15 17:10:48 | .

අන්තර්ජාතික ක්‍රිකට් සභාවේ නවතම ටෙස්ට් පන්දු යවන්නන් ශ්‍රේණිගත කිරීම් අනුව ප්‍රසාද ලකුණු 900 සීමාව පසුකළ හත්වැනි එංගලන්ත වේගපන්දු යවන්නා බවට ජේම්ස් ඇන්ඩර්සන් සමත්විය. එංගලන්ත පන්දු යවන්නකු ප්‍රසාද ලකුණු 900 සීමාව පසුකරනු ලබන්නේ වසර 38 කට පසුවය. 1980 අගෝස්තු මාසයේදී ඉයන් බොතම් විසින් අවසන් වරට මෙම දස්කම කර ඇත.

ඉන්දියාවට එරෙහිව එංගලන්තයේ ලෝඞ්ස් ක්‍රීඩාංගණයේදී පැවැති දෙවැනි ටෙස්ට් තරගයේදී කඩුලු 9 ක් දවාගනිමින් ටෙස්ට් පන්දු යවන්නන් ශ්‍රේණිගත කිරීම් අනුව ප්‍රසාද ලකුණු 903 ක් හිමිකරගත් ගැනීමට ඇන්ඩර්සන් සමත්විය. 

සිඞ්නි බාර්න්ස් (932), ජෝර්ජ් ලෝමෑන් (931), ටෝනි ලොක් (912), ඉයන් බොතම් (911), ඩෙරික් අන්ඩර්වුඞ් (907) සහ ඇලෙක් බෙඞ්සර් (903) යන එංගලන්ත පන්දු යවන්නනගේ සමාජයට එක්වීමට ජේම්ස් ඇන්ඩර්සන්ට හැකිවිය. දෙවැනි ස්ථානයේ පසුවන දකුණු අප්‍රිකාවේ කගීසෝ රබාඩාට වඩා ප්‍රසාද ලකුණු 21 ක් ඉදිරියෙන් ජේම්ස් ඇන්ඩර්සන් සිටී. 

එංගලන්තයට එරෙහිව පැවැති පළමු ටෙස්ට් තරගයේදී ලකුණු 200 ක් රැස්කරමින් අන්තර්ජාතික ක්‍රිකට් සභාවේ ටෙස්ට් පිතිකරුවන් ශ්‍රේණිගත කිරීම් අතරේ ප්‍රසාද ලකුණු 934 ක් හිමිකරගනිමින් පළමු ස්ථානයට පත්වූ විරාට් කෝලී දෙවැනි ටෙස්ට් තරගයෙන් පසුව යළි දෙවැනි ස්ථානය දක්වා පහත වැටුණි. දෙවැනි ටෙස්ට් තරගයේදී ලකුණු 40 ක් පමණක් රැස්කිරීම හේතුවෙන් විරාට් කෝලීට ටෙස්ට් පිතිකරුවන් ශ්‍රේණිගත කිරීම් ලයිස්තුවේ පහත වැටීමට සිදුවිය.

වසරක තරග තහනමකට ලක්වී සිටින ඕස්ටේ්‍රලියාවේ ස්ටීවන් ස්මිත්ට (929) වඩා ප්‍රසාද ලකුණු 10 ක් පසුපසින් විරාට් කෝලී (919) පසුවෙයි.

අන්තර්ජාතික ක්‍රිකට් සභාවේ ටෙස්ට් පිතිකරුවන් ශ්‍රේණිගත කිරීම් අතරේ හත්වැනි ස්ථානයේ දිමුත් කරුණාරත්නත් (754) අටවැනි ස්ථානයේ දිනේෂ් චන්දිමාල් (733) රැඳී සිටින අතර ටෙස්ට් පන්දු යවන්නන් ශ්‍රේණිගත කිරීම්හී අටවැනි ස්ථානයේ රංගන හේරත් (791) රැඳී සිටියි.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල සිව්වැනි අයි.පී.එල්. ශුරතාව දිනයි...
2019-05-12 19:40:39
හයිද්‍රාබාද්හි රජීව් ගාන්ධි අන්තර් ජාතික ක්‍රීඩාංගණයේදී අද (12 වැනිදා) පැවැති අවසන් මහ තරගයේදී චෙන්නායි සුපර්කිංග්ස් කණ්ඩායමට එරෙහ...
බංග්ලාදේශ පිල ශ්‍රී ලංකාවට එවන්නේ නෑ - නස්මුල් හස...
2019-05-12 18:40:32
මේ දිනවල ශ්‍රී ලංකාව තුළ පවතින වාතාවරණය අනුව ඉදිරියේදී තවත් ත්‍රස්තවාදී ප්‍රහාර එල්ලවේදැයි සැකයක් හටගෙන තිබීම නිසා එළබෙන ජූලි ...
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...