. ශ්‍රී ලංකා කණ්ඩායමට සුපුරුදු ඉරණම | කෙළිමඬල
2019 අපේ‍්‍රල් මස 23 වැනි අගහරුවාදා
ශ්‍රී ලංකා කණ්ඩායමට සුපුරුදු ඉරණම
2018-09-06 17:14:19 | සුසිල් ප්‍රේමලාල් බංග්ලාදේශයේ ඩකා නුවර සිට

බංග්ලාදේශයේ ඩකා නුවරදී දැන් පැවැත්වෙන 12 වැනි දකුණු ආසියානු පාපන්දු සම්මේලන (සාෆ්) කුසලාන තරගාවලියේදී  ඊයේ පැවැති තරගයකදී ඉන්දියාව ගෝල 2-0 කි න් ශ්‍රී ලංකාව පරාජය කරන ලදි.  

තරගාවලිය ආරම්භයට පෙර බංග්ලාදේශ කණ්ඩායම සමග පැවති සුහද ජාත්‍යන්තර තරගයේදී ගෝල 1-0 කින් ශ්‍රී ලංකාව ජය ලැබූ හෙයින් බංග්ලාදේශ ක්‍රීඩා ලෝලීන් බලාපොරොත්තු වූයේ ඊයේ පැවැති තරගය ද ජයග්‍රහණ කර තරගාවලියේ අවසන් තරගය තෙක් ශ්‍රී ලංකාව ඉදිරියට යනු ඇතැයි යන්නය. 

ශ්‍රී ලංකා කණ්ඩායමේ ඉදිරි ගමන ගැන තවමත් බලාපොරොත්තු තැබිය හැකි අතර මාලදිවයින සමග හෙට සහභාගිවන දෙවැනි තරගයේදී ශ්‍රී ලංකාව ජයග්‍රහණය කළහොත් මෙම 9 දා පැවැත්වීමට නියමිත ඉන්දියාව සහ මාලදිවයින අතර පැවැත්වෙන ‘බී’ කාණ්ඩයේ අවසන් තරගයේ විසඳුම ගැන අවධානය යොමු කිරීමට සිදුවනු ඇත.

දකුණු ආසියානු පාපන්දු (සාෆ්) තරගාවලි ඉතිහාසයේ ශ්‍රී ලංකාව ඉන්දියාව පරාජය කර ඇත්තේ 1995 කොළඹ පැවැති සාෆ් රන් කුසලාන අවසන් තරගයේදී පමණි. එම ශූරතාව ශ්‍රී ලංකාව දිනා වසර 23ක් මේ වනවිට ගතවී ඇත. එදා මෙදා තුර කිසිදු තරගයකදී ඉන්දියාව පරාජය කිරීමට ශ්‍රී ලංකා පාපන්දු කණ්ඩායම සමත් වී නැත.

ඉන්දු - ශ්‍රී ලංකා තරගයේ ප්‍රථම භාගය අවසන් වනවිට ඉන්දියාව ගෝල 1-0 ක් ලෙස ඉදිරියෙන් පසුවිය. තරගයේ 34 වැනි මිනිත්තුවේදී අසිකි්‍යු කුරුනියන් ඉන්දීය ප්‍රථම ගෝලය වාර්තා කළ අතර හෙතෙම දැලට මීටර 20ක පමණ ඉදිරියෙන් සිට විවෘත ගෝලයක් ලෙස එය වාර්තා කිරීමට සමත් විය.

තරගයේ මුල් භාගයේ 15 වැනි මිනිත්තුවේදී ඉන්දියාවටද 17 වැනි මිනිත්තුවේදී ශ්‍රී ලංකාවට ද දඬුවම් පහර මගින් ගෝල වාර්තා කිරීමේ අවස්ථා හිමි වූ නමුදු දෙපිලේම දැල රකින්නන් එම අවස්ථා ව්‍යර්ථ කිරීමට සමත් වූහ.

ශ්‍රී ලංකා නායක සුභාෂ් මදුෂාන්ගෙන් තරගයේ මුල් භාගයේ දී බලාපොරොත්තු වූ දක්ෂතා නොමැතිවීම නිසා 39 වැනි මිනිත්තුවේදී හෙතෙම පිටියෙන් ඉවතට ගැනීමට පුහුණුකරු පකීර් අලී මහතා පියවර ගැනීම ද විශේෂ සිද්ධියක් විය.

ඉන්දීය කණ්ඩායමේ දෙවැනි ගෝලය 47 වැනි මිනිත්තුවේදී ලල්ලියන් ෂුලා චහන්ගේට් විසින් වාර්තා කරන ලදී. ශ්‍රී ලංකාව සහභාගි වන දෙවැනි තරගය හෙට (07) මාලදිවයින සමග පැවැත්වෙනු ඇත.

මේ අතර ඉන්දීය කණ්ඩායම වෙතින් ලැබූ පරාජය සම්බන්ධව අදහස් දැක්වූ ශ්‍රී ලංකා කණ්ඩායමේ පුහුණුකරු පකීර් අලී මහතා ශ්‍රී ලංකා කණ්ඩායමෙන් තමන් බලාපොරොත්තු වූ දක්ෂතා ප්‍රදර්ශනය නොවූ බව පැවැසීය.

“මම ශ්‍රී ලංකා ක්‍රීඩකයන්ගේ දක්ෂතා අවතක්සේරු කරන්නේ නැහැ. හේතුව අපේ ක්‍රීඩකයන් ඉන්දියාව ඉදිරියේ තරගයට සහභාගි වූයේ කිසියම් මානසික පීඩනයක් මතයි. අපේ ක්‍රීඩකයන් වරෙක පසුබෑමකට පත්වුවත් වරෙක ඉදිරියට ගියා” යැයි පැවැසීය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...