. ශ්‍රී ලංකාව හෙට තීරණාත්මක තරගයක | කෙළිමඬල
2018 ඔක්තෝබර් මස 18 වැනි බ‍්‍රහස්පතින්දා
ශ්‍රී ලංකාව හෙට තීරණාත්මක තරගයක
2018-09-06 20:34:03 | සුසිල් ප්‍රේමලාල් බංග්ලාදේශයේ ඩකා නුවර සිට

දොළොස් වැනි දකුණු ආසියානු පාපන්දු සම්මේලන (සාෆ්) කුසලාන තරගාවලියේදී ශ්‍රී ලංකාව හෙට (7) දා මාලදිවයිනට එරෙහිව තීරණාත්මක තරගයට සහභාගිවීමට නියමිතය. බංග්ලාදේශයේ ඩකා නුවර බංගාබන්දු ක්‍රීඩාංගණයේ පැවැත්වෙන මෙම තරගාවලියේ ‘බී කාණ්ඩයේ දෙවැනි තරගය මෙය වේ. 

මේ වනවිට ඉන්දියාවට ගෝල් 2-0ක් ලෙස පරාජය වී සිටින ශ්‍රී ලංකාව හෙට තරගයේදී මාලදිවයිනට පරාජය වුවහොත් අනිද්දා (8 දා) ශ්‍රී ලංකාවට පැමිණිය යුතුවේ. යම් හෙයකින් ශ්‍රී ලංකාව ජයග්‍රහණය ලැබුවහොත් 9 දා පැවැත්වීමට නියමිත ඉන්දියාව සහ මාලදිවයින අතර තරගයේ ප්‍රතිඵලය මත ශ්‍රී ලංකා කණ්ඩායම තරගාවලියේ අවසන් පූර්ව වටයට වරම් ලැබීම හෝ නොලැබීම තීරණය වනු ඇත.

“මට විශ්වාසයි අපේ කණ්ඩායම මාලදිවයිනට එරෙහිව ජයග්‍රහණය ලබන බවට. ඉන්දියාව සමඟ තරගයේදී ශ්‍රී ලංකා ක්‍රීඩකයන්ගේ සුපුරුදු ක්‍රීඩා විලාසය ප්‍රදර්ශනය වූයේ නැහැ” යයි පැවැසූ කණ්ඩායමේ පුහුණුකරු නිශාම් පාකීර් අලී මහතා ශ්‍රී ලංකා ක්‍රීඩකයන් හෙට තරගයේදී සුපුරුදු දස්කම් ප්‍රදර්ශනය කරනු අතැයි හෙතෙම විශ්වාසය පළ කළේය.

දකුණු ආසියානු පාපන්දු තරගාවලි ඉතිහාසයේ මාලදිවයින එක් අවස්ථාවක පමණක් (2008) එම ශූරතාව දිනා ඇති අතර 1997, 2003 සහ 2009 වසරවල අනුශූරතාව දිනා සිටී. 

වසර 25 ක තරගාවලි ඉතිහාසයේ මාලදිවයින අවස්ථා 9 කදී මෙම තරගාවලියට සහභාගි වී ඇත. ඒ යටතේ තරග 39 කට සහභාගිවී ඇති මාලදිවයින ජයග්‍රහණ 20 ක් හිමි කරගෙන තිබේ. තරග 10 ක් ජය පැරදුමෙන් තොරව අවසන් කර ඇත. මාලදිවයින තරග 9 කින් පරාජයට පත්ව සිටී.

ජාත්‍යන්තර පාපන්දු නවතම වර්ගීකරණය අනුව මාලදිවයින 150 වැනි ස්ථානයේ පසුවන අතර ශ්‍රී ලංකාව 200 වැනි ස්ථානයේ රැඳී සිටී.

මේ අතර මාලදිවයිනේ පළමු පෙළ පාපන්දු සමාජයක් වන ඊගල්ස් කණ්ඩායමේ වෘත්තීය ක්‍රීඩකයකු වන ශ්‍රී ලංකා කණ්ඩායමේ ප්‍රධාන දැල රකින්නා වන සුජාන් පෙරේරා මෙම තරගයේදී ශ්‍රී ලාංකිකත්වය දැඩිව ආරක්ෂා කරනු ඇති බව ශ්‍රී ලංකා කණ්ඩායමේ පුහුණුකරු පකිර් අලී මහතා විශ්වාසය පළ කරයි.

මාලදිවයිනේ වෘත්තීය ක්‍රීඩකයකුවන සුජාන් පෙරේරා මාලදිවයිනට එරෙහිව තරගවදින විට කිසියම් සැක කටයුතු තත්ත්වයක් මතුවිය හැකි නොවේ දැයි මාධ්‍යයෙන් නැගුණු ප්‍රශ්නයකදී “නැහැ මට සුජාන් විශ්වාසයි. ඔහුටත් මෙය හොඳ අවස්ථාවක් තමා කෙරෙහි ඇති අවිශ්වාසය දුරු කර ගැනීමට” යයි පුහුණුකරු පෙන්වා දුන්නේය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
මාලිංග ලෝක කුසලාන තරගාවලිය ඉලක්ක කරයි...
2018-10-14 17:23:45
දැන්ම ක්‍රීඩාවෙන් විශ්‍රාම ගැනීම සම්බන්ධයෙන් තවමත් තමාගේ කිසිදු අදහසක් නොමැති බවත්, අවස්ථාව හිමි වුවහොත් 2019 වසරේදී පැවැත්වෙන එක්...
දඹුල්ලේ තරග අපට ගැටළුවක් නෙමේ - අකිල ධනංජය...
2018-10-12 17:31:05
  සංචාරක එංගලන්ත කණ්ඩායමට එරෙහිව රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී හෙට (13 වැනිදා) පැවැත්වෙන දෙවැනි එක්ද...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....