. එංගලන්තයට 4-1 ක තරගාවලි ජයක් | කෙළිමඬල
2018 නොවැම්බර් මස 21 වැනි බදාදා
එංගලන්තයට 4-1 ක තරගාවලි ජයක්
2018-09-11 22:48:25 | ...

සංචාරක ඉන්දීය කණ්ඩායම සහ එංගලන්ත කණ්ඩායම අතර පැවැති ටෙස්ට් තරගාවලිය 4-1 ක් ලෙස ජයගැනීමට එංගලන්ත කණ්ඩායම අද (11 වැනිදා) සමත්විය. කෙනින්ටන් ඕවල් ක්‍රීඩාංගණයේදී පැවැති පස්වැනි සහ අවසන් ටෙස්ට් තරගය ලකුණු 118 කින් එංගලන්තය ජය ගත්තේය.

තේ පානය සහ තරගය නිමාවන තෙක් කාළය තුල ඕවර 33 කදී ජයග්‍රහණය සඳහා ලකුණු 166 ක ඉලක්කයක් හඹායෑමට ඉන්දීය පිතිකරුවන් උත්සහ ගත්තද ලෝකේෂ් රාහුල සහ සහ රිෂාබ් පාන්ට් දැවීයාමත් සමගින් ඔවුන් එම අදහස් අතහැර දැමූහ.

තේ පානයෙන් පසුව පන්දුවට අතට ගත් අදිල් රෂීඞ් එංගලන්ත කණ්ඩායමට මහත් හිසරදයක්වූ ලෝකේෂ් රාහුල් ලකුණු 149 ක් ලබාසිටියදී පිටියෙන් ඉවත් කිරීමට සමත්වූ අතර ඉන් නොනැවතුණු ඔහූ ලකුණු 114 ක් ලබාසිටි රිෂාබ් පාන්ට්ගේ කඩුල්ලද දවාගැනීමට සමත්විය.

ලකුණු 121 කට කඩුලු 5 ක් දැවී පරාජයට අතවනමින් සිටි ඉන්දීය කණ්ඩායමට නව බලාපොරොත්තුවක් ගෙනදෙමින් ලෝකේෂ් රාහුල් සහ රිෂාබ් පාන්ට් හයවැනි කඩුල්ලට ලකුණු 204 ක සම්බන්ධතාවයක් ගොඩනැගුවද ජයග්‍රහණයට එය ප්‍රමාණවත් නොවීය.

ලෝකේෂ් රාහුල් පස්වැනි ටෙස්ට් ශතකය ලබාගන්නා විට මංගල ටෙස්ට් ශතකය හිමිකර ගැනීමට රිෂාබ් පාන්ට් අද සමත්විය.

ආරම්භයේදීම ලකුණු 2 කට කඩුලු 3 ක් දවාගනිමින් ඉන්දීය පිතිකරුවන්ට තරජනයක් එල්ල කිරීමට එංගලන්ත පන්දු යවන්නෝ සමත්වූහ. ඉන් නොසැලුණු ලෝකේෂ් රාහුල් සහ අජින්ක්‍යා රහනේ එක්ව සිවුවැනි කඩුල්ල සඳහා ලකුණු 118 ක සම්බන්ධතාවයක් ගොඩනගමින් කඩා වැටුණු ඉන්දීය ඉනිම ගොඩනැගීම සඳහා අවශ්‍ය පදනම දමා දුන්හ.

තරගය ජයගැනීමට හෝ තරගය විසදුමකින් තොරව අවසන් කරගැනීම සඳහා අවශ්‍ය පදනම දැමූ ලෝකේෂ් රාහුල් සහ රිෂාබ් පාන්ට් අවසන් මොහොත දක්වා සටනක නිරත වුවද පසුපෙළ පිතිකරුවන්ට එය සාර්ථකව අවසන් කරගැනීමට නොහැකිවූහ.

ඉන්දීය කණ්ඩායමේ අවසන් කඩුලු 5 ලකුණු 20 ක් තුළ දවාගැනීමට එංගලන්ත පන්දු යවන්නෝ සමත්වූහ. අදිල් රෂීඞ් සහ සෑම් කරන් අතර කඩුලු 2 බැගින් බෙදී ගිය අතර ජේම්ස් ඇන්ඩර්සන්ට එක් කඩුල්ලක් හිමිවිය.

ග්ලෙන් මැක්ග්‍රාත් කඩුලු 563 ක් ලබාගනිමින් වේගපන්දු යවන්නකු විසින් දවාගනිමින් තබා තිබූ ඉහළම කඩුලු සංඛ්‍යාවේ වාර්තාව තමන්ගේ නමින් වාර්තා පොත් අතර සටහන් කරගැනීමට ජේම්ස් ඇන්ඩර්සන් සමත්විය. ඉන්දීය ඉනිමේ අවසන් කඩුල්ල ලෙස මොහොමඞ් ශාමී දවාගත් ජේම්ස් ඇන්ඩර්සන් කඩුලු 564 ක් සිය නම ඉදිරියෙන් සටහන් කරගත්තේය.

එංගලන්ත පළමු ඉනිම - ඕවර 122 කදී සියලුදෙනා දැවී 332
(ඇලෙස්ටයාර් කුක් 71, කීටන් ජෙනිංග් 23, මුයින් අලී 50, ජොස් බට්ලර් 89, ස්ටුවර්ට් බ්‍රෝඞ් 38, රවින්ද්‍ර ජදේජා 79/4, ඉශාන්ත් ශර්මා 62/3, ජස්ප්‍රීට් බුම්රා 83/3)

ඉන්දීය පළමු ඉනිම - ඕවර 95 කදී සියලුදෙනා දැවී 292
(ලෝකේෂ් රාහුල් 37, චිතේෂ්වර් පුජාරා 37, විරාට් කෝලී 49, හනුමා විහාරී 56, රවින්ද්‍ර ජදේජා නොදැවී 86)

එංගලන්තය දෙවැනි ඉනිම - ඕවර 112.3 කදී කඩුලු 8 ට 423
(ඇලිස්ටෙයාර් කුක් 147, කීටන් ජෙනින්ංග් 10, මුයින් අලී 20, ජෝ රූට් 125, ජොනී බෙයාර්ස්ටෝ 18, බෙන් ස්ටෝක්ස් 37, සෑම් කරන් 21, අදිල් රෂීඩ් නොදැවී 20, මොහොමඩ් ෂාමි 110/2, රවීන්ද්‍ර ජදේජා 179/3, හනුමන් විහාරි 37/3)

ඉන්දියාව දෙවැනි ඉනිම - ඕවර 94.3 කදී සියලුදෙනා දැවී 345
(ලෝකේෂ් රාහුල් 149, අජින්ක්‍යා රහනේ 37, රිෂාබ් පාන්ට් 114, ජේම්ස් ඇන්ඩසන් 45/3, සෑම් කරන් 23/2, අදිල් රෂීඞ් 63/2

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...
අනුන්ට කැපූ වළේ තමන් වැටීම...
2018-11-19 17:20:21
එංගලන්තයට එරෙහිව පැවැත්වෙන ටෙස්ට් තරගාවලිය දැනටමත් පරාජය වී තිබේ. තවත් තරගයක් ඉතිරිව තිබුණත් එංගලන්ත කණ්ඩායමක් ශ්‍රී ලංකාවේදී ටෙස්ට් ත...