. එරංග - පාරමී පාසල් මැරතන් ශූරතා දිනති | කෙළිමඬල
2019 අපේ‍්‍රල් මස 25 වැනි බ‍්‍රහස්පතින්දා
එරංග - පාරමී පාසල් මැරතන් ශූරතා දිනති
2018-09-11 21:28:59 | කුරුණෑගල පුෂ්පකුමාර ජයරත්න හා කුලියාපිටිය දිනේන්ද්‍ර

පාසල් සිසු සිසුවියෝ 2400 කගේ සහභාගිත්වයෙන් කුලියාපිටිය නගරයේදී පැවැති ශ්‍රී ලංකා පාසල් ක්‍රීඩා මාර්ග ධාවන තරග මාලාවේ ශූරයා ලෙස අඹගස්දෝව ජනාධිපති විදුහලේ එරංග මධුශංක නයනජිත්ද, ශූරිය ලෙස කුලියාපිටිය මාධ්‍ය මහ විදුහලේ පාරමි වසන්ති මාරිස්ටෙලාත් ශූරතා දිනා ගත්හ.

එහිදී විශේෂත්වය වන්නේ එරංග මධුශංක මෙම මාර්ග ධාවන තරගය පිට පිටම ජයගත් තෙවැනි අවස්ථාව මෙය වීමයි. ඒ අතර ලෝක ශ්‍රේණිගත කිරීම් අනුව මීටර 2000 - බාධක දිවීම බාලිකා ඉසව්වෙන් අංක එකට පැමිණ සිටි කුලියාපිටිය මධ්‍ය මහ විදුහලේ පාරමී වසන්ති මාරිස්ටෙලා මෙම මාර්ග ධාවන තරග මාලාවේ බාලිකා ඉසව්වට තරග වදිමින් ජයග්‍රහණය ලැබුවාය.

මීටර 3000 බාධක දිවීමේ (කාන්තා) ඉසව්වෙන් පැවැති ජාතික මලල ක්‍රීඩා ශූරතා තරගාවලියේදී ඇය දෙවැනි ස්ථානයත් ජාතික කනිෂ්ඨ පාසල් මලල ක්‍රීඩා ශූරතා තරගාවලියේදී නව වාර්තාවක් සමගින් එම ඉසව්වත් ජයගත් ක්‍රීඩිකාවකි. බැංකොක්හිදී පැවැති යොවුන් ඔලිම්පික් සුදුසුකම් ලබාගැනීමේ තරගාවලියේදී ඇය මීටර 2000 බාධක බාලිකා ඉසව්වත් ලෝක ශ්‍රේණිගත පළමු ස්ථානය ලැබුවත් (විනාඩි 6 තත්ත්පර 35.42) මේ වනවිට ඇය එහි පසුවන්නේ තෙවැනි ස්ථානයේය.

මෙම තරග මාලාවේදී අඹගස්දෝව ජනාධිපති විදුහලේ දස්කම් කැපී පෙණුනේ බාලක ඉසව් දෙකේම ජයග්‍රහණ ඔවුන් සතුකර ගැනීමට සමත් වීමෙනි.

අධ්‍යාපන අමාත්‍යාංශයේ විශේෂ උපදේශක (ශාරිරික අධ්‍යාපන හා ක්‍රීඩා) සුනිල් ජයවීර මහතා මහතා පැවැසුවේ මෙවර තරග මාලාවට සිසු සිසුවියන් 2400 දෙනෙකු සහභාගිවීම එම තරග මාලාවට එතෙක් සහභාගි වූ වැඩිම පිරිස බවයි.

මෙවර බාලිකා ඉසව්ව ජයගත් පාරමි වසන්ති මාරිස්ටෙලා ලබන ඔක්තෝබර් 6 වැනිදා ආජන්ටිනාවේ බුවනෝස් අයර්ස් හිදි ආරම්භ වන තෙවැනි යොවුන් ඔලිම්පික් උළෙලටත් සුදුසුකම් ලබාගත් ක්‍රීඩිකාවකි.

අධ්‍යාපන අමාත්‍ය අකිල විරාජ් කාරියවසම් මහතා ජයසංකේත ප්‍රදානෝත්සවයේ ප්‍රධාන ආරාධිතයා ලෙස සහභාගි විය. එම අවස්ථාවට විශේෂ ආරාධිතයන් ලෙස මෙවරත් තරග මාලාවට අනුග්‍රහය දැක්වූ නෙස්ලේ (නෙස්ටමෝල්ට්) ලංකා සමාගම වෙනුවෙන් එහි ජ්‍යෙෂ්ඨ උප සභාපති බන්දුල එගොඩගේ, අධ්‍යාපන අමාත්‍යාංශයේ අධ්‍යක්ෂ (ශාරිරික අධ්‍යාපන හා බාහිර ක්‍රියාකාරකම්) කර්නල් මංජුල ප්‍රදීප් කාරියවසම් එහි විශේෂ උපදේශක සුනිල් ජයවීර යන මහත්වරු ඇතුළු පිරිසක්ද සහභාගි වූහ.

තරග මාලාවේ ප්‍රතිඵල

කිලෝ මීටර 5 බාලක තරගය
1. කවීෂ ඉඳුවර (අඹගස්දෝව ජනාධිපති විදුහල) (විනාඩි 16. තත් 13)
2. ලක්මාල් සන්දීප ගුණවර්ධන
3. තිළිණ මධුෂාන් (වෑකඩ ම. වි.)

කිලෝ මීටර 5 බාලිකා තරගය
1. ලක්මිණි දුලාංජනී (ගාල්ල සිරිධම්ම විදුහල) (විනාඩි 20 තත්ත්පර 36.2)
2. ගීත්මි සන්ජනා (පයාගල බණ්ඩාරනායක ම. වි.)
3. රිෂාන්තිනී හබරවිල (හැටන් දෙමළ ම. වි.)

කිලෝ මීටර 15 බාලක තරගය
1. එරංග මධුසංඛ නයනජිත් (අඹගස්දෝව ජනාධිපති විදුහල) (විනාඩි 48 තත් 45)
2. චමින්ද නුවන් කුමාර (අඹගස්දෝව ජනාධිපති විදුහල)
3. කවිෂ්ක එරන්ග සිල්වා (පයාගල බණ්ඩාරනායක ම. වි.)

කිලෝ මීටර 15 බාලිකා තරගය
1. පාරමි වසන්ති මාරිස්ටෙලා (කුලියාපිටිය මධ්‍ය මහා විදුහල (විනාඩි 57 තත්ත්පර 58)
2. එච්. එම්. බී. ඒ. හේරත් (කුලියාපිටිය මධ්‍ය මහා විදුහල)
3. දිල්රුක්ෂි සමරකෝන් (වැලිමඩ ම. වි.).

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ශම්මි සිල්වා...
2019-04-18 18:37:22
“ලෝක පූජිත ක්‍රීඩකයෙක් වුණ පළියට හොඳ නායකයෙක් වෙන්නේ නෑ. හොඳ නායකයෙක් ලෝක පූජිත ක්‍රීඩකයෙක් වෙන්නෙත් නෑ. මාලිංගට තරග 12 ක් ලබා දුන්නා...
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...