. එෂාන්ට තවත් ෆෝමියුලා ජයක් | කෙළිමඬල
2019 මැයි මස 20 වැනි සඳුදා
එෂාන්ට තවත් ෆෝමියුලා ජයක්
2018-09-12 22:09:08 | .

මැලේසියාවේ සෙපෑන්ග් ධාවන පථයේදී පැවැති ආසියානු ෆෝමියුලා රෙනෝල්ට් 2.0 ශූරතා තරගාවලියේදී තෙවැනි ස්ථානය හිමිකර ගැනීමට ශ්‍රී ලංකාවේ මෝටර් රථ ධාවන ශූර එෂාන් පීරිස් සමත් විය. යුරෝ ඒෂියා මෝටර් ස්පෝර්ට්ස් කණ්ඩායම නියෝජනය කරමින් ඔහු එම තරගයට සහභාගි විය.

තරගය වට දෙකකින් සමන්විත වූ අතර පළමු වටයේදී සිව්වැනි ස්ථානයට පත් එෂාන් පීරිස් දෙවැනි වටයේදී තුන්වැනි ස්ථානය අත්කරගත්තේය. සම්පූර්ණ තරගය සඳහා ප්‍රසාද ලකුණු සකස් ගණනය කිරීමේදී එෂාන් තුන්වැන්නා වී සිටියේය.

තරග ආරම්භය සඳහා රථ පෙළගැස්වීම අනුව හත්වැනි ස්ථානයේ සිට තරගය ආරම්භ කළ එෂාන්, ඉතා උද්වේගකර ආරම්භයක් ලබා ගනිමින්  ස්ථාන තුනක් ඉදිරියට ඒමට සමත් විය. ඇන්ටලින් ගොන්සාලෙස් සමග තියුණු තරගයක නිරත වීමෙන් අනතුරුව තත්තපර 0.3 ක පරතරයක් තබා ගනිමින් සිවුවැනියා ලෙස එෂාන් පළමු තරගය නිමා කළේය.

ඒෂාන්ගේ කණ්ඩායමේ ඩැනියල් මිරැන්ඩාට සාර්ථක ආරම්භයක් ලබාගැනීමට නොහැකි වූ අතර ඔහු එක් තත්ත්පරයකින් එෂාන් පීරිස්ට දෙවැනි වෙමින් පස්වැනියා ලෙස පළමු තරගය නිමා කළේය.

දෙවෙනි තරගයේ රථ පෙළගැස්වීම අනුව මිරැන්ඩා සහ එෂාන් හයවැනි සහ හත්වැනි ස්ථානවලින් තරගය ආරම්භ කළ අතර එහි පළමු වටයේදී නව ටයර සමග ධාවනය කළ එෂාන්ට වඩා ඉදිරියෙන් සිටිමින් සිවුවැනි ස්ථානයේ පසුවීමට මිරැන්ඩාට හැකියාව ලැබුණි. කෙසේ වෙතත් අවසාන වටයේදී තුන් වැන්නා ලෙස තරගය නිම කිරීමට එෂාන්ට හැකියාව ලැබුණේ මිරැන්ඩා සිවුවැනි ස්ථානයට පත් කරමිනි.

 

 

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...