. ශ්‍රී ලංකාව දෙවැනි තරගයත් පරදී | කෙළිමඬල
2019 පෙබරවාරි මස 16 වැනි සෙනසුරාදා
ශ්‍රී ලංකාව දෙවැනි තරගයත් පරදී
2018-09-13 21:18:43 | ...

ශ්‍රී ලංකා කාන්තා ක්‍රිකට් කණ්ඩායමට එරෙහිව ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති දෙවැනි එක්දින තරගය ලකුණු 7 කින් ජයගැනීමට සංචාරක ඉන්දීය කාන්තා ක්‍රිකට් කණ්ඩායම අද (13 වැනිදා) සමත්විය. ඒ අනුව තරග 3 කින් සමන්විත එක්දින තරගාවලිය 2-0 ක් ලෙස ඉදිරියෙන් පසුවන ඉන්දිය කාන්තා කණ්ඩායම තවත් තරගයක් ඉතිරිව තිබියදීම තරගාවලිය ජයගැනීමට සමත්විය.

ජයග්‍රහණය සඳහා ලකුණු 220 ක ඉලක්කයක් හඹාගිය ශ්‍රී ලංකා කාන්තා ක්‍රිකට් කණ්ඩායමට පහසුවෙන් තරගය ජයගැනීමට අවස්ථාව තිබුණද පසුපෙළ පිතිකාරියන්ගේ අදූරදර්ශී පිතිහරඹය හේතුවෙන් ඕවර 48.1 කදී සියලුදෙනා දැවී රැස්කිරීමට හැකිවූයේ ලකුණු 212 ක් පමණි.

අවසන් ඕවර 4 තුළදී කඩුලු 3 ක් අතැතිව සිටි ශ්‍රී ලංකා ක්‍රිඩිකාවන්ට ජයග්‍රහණය සඳහා ලබාගැනීමට තිබූණේ ලකුණු 17 ක් පමණි. නමුත් පන්දුවට එක ලකුණු බැගින් ලබාගනිමින් ජයග්‍රහණය කරා යෑම වෙනුවට දැවැන්ත පහරවල් කරා යෑමට ක්‍රිඩිකාවන් උත්සහ කිරීම හේතුවෙන් ජයග්‍රහණය පෙනි පෙනී පරාජය වැළඳ ගැනීමට ඔවුන්ට සිදුවූහ.

ශ්‍රී ලංකා පිලේ ඉදිරිපෙළ පිතිකාරියන් තිදෙනෙකු ලකුණු 40 ක් තුළ දැවී ගිය පසු සිවුවැනි කඩුල්ල සඳහා එක්වූ චමරි අතපත්තු සහ ශශිකලා සිරිවර්ධන ඕවර 25 ක් කඩුල්ලේ රැඳි සිටිමින් ලකුණු 89 ක් ලකුණු පුවරුවට එක් කළහ.

පන්දු 95 කදී හයේ පහරක් සහ හතරේ පහර 8 ක් සමගින් ලකුණු 57 ක් රැස්කිරීමට චමරි අතපත්තු සමත්වූ අතර පන්දු 91 කදී හතරේ පහර 6 ක් සමගින් ලකුණු 49 ක් රැස්කිරීමට ශශිකලා සිරිවර්ධන සමත්වූවාය.

ලකුණු 36 ක් තුළ කඩුලු 4 ක් දැවීයාම හේතුවෙන් කඩාවැටුණු ශ්‍රී ලංකා ඉනිම නැවත ගොඩනගමින් ජයග්‍රහණයේ මාවත වෙත ගෙන යෑමට නිලක්ෂි ද සිල්වා සමත්වුවද ඇයගේ දැවීයාමත් සමගින් එම අවසන් බලාපොරොත්තුවද සුනුවිසුණුවී ගියේය. උදේශිකා ප්‍රබෝධනී සමගින් එක්ව අටවැනි කඩුල්ල සඳහා පන්දු 31 කදී ලකුණු 40 ක සම්බන්ධතාවයක් ගොඩනැගූ නිලක්ෂි ද සිල්වා දැවීයන විට වේගවත් ලකුණු 31 ක් රැස්කර සිටියාය. පන්දු 19 කට මුහුණදුන් නිලක්ෂි ද සිල්වාගේ ඉනිමට හයේ පහර 2 ක් සහ හතරේ පහර 2 ක් ඇතුළත් විය.

කාසියේ වාසිය දිනා පළමුව පන්දුවට පහරදුන් ඉන්දීය ක්‍රිඩිකාවන්ට ඕවර 50 අවසානයේ සියලුදෙනා දැවී රැස්කිරීමට හැකිවූයේ ලකුණු 219 ක් පමණි.

ආරම්භයේ සිටම ඉන්දීය පිතිකාරියන්ට තර්ජනාත්මක පන්දු යැවීමක නිරතවූ ශ්‍රී ලංකා ක්‍රිඩිකාවෝ ඕවර 25 කදී කඩුලු 4 ක් දවාගනිමින් ලබාදී තිබුණේ ලකුණු 73 ක් පමණි.

පස්වැනි කඩුල්ල සඳහා එක්වූ මිතිලා රාජ් සහ ටානියා භාතියා පන්දු 98 කදී ලකුණු 76 ක සම්බන්ධතාවයක් ගොඩ නැගූහ. පන්දු 121 කට මුහුණදුන් මිතිලා රාජ්ට හතරේ පහර 4 ක් සමගින් රැස්කිරීමට හැකිවූයේ ලකුණු 52 ක් පමණි.

වේගවත් පිතිහරඹයක නිරත වෙමින් සිය මංගල එක්දින ශතකය ලබාගත් ටානියා භාතියා පන්දු 66 කදී හතරේ පහර 9 ක් සමගින් ලකුණු 68 ක් රැස්කිරීමට සමත්වූවාය. ටානියා භාතියාට අනගි සහයක් ලබාදුන් දයාලන් හේමලතා පන්දු 31 කදී හයේ පහරක් සහ හතරේ පහර 3 ක් සමගින් ලකුණු 35 ක් රැස්කළාය.

ඉන්දීය ඉනිමේ අවසන් ඕවරයේදී දුවද්දී දැවීයාමක් සමගින් කඩුලු 4 ක් දැවී ගිය අතර ඉන් කඩුලු 3 ක් චමරි අතපත්තුගේ නම ඉදිරියෙන් සටහන් වූවාය. උදේශිකා ප්‍රබෝධනී සහ ශ්‍රීපාලී වීරක්කොඩි අතර කඩුලු 2 බැගින් බෙදී ගියහ.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ද්විත්ව ශතක 15 ක් - ශතක 114 ක්...
2019-02-12 18:52:14
අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ පැවැති තරගාවලිය අවසන් වනවිට පිතිකරුවන් සිව්දෙනෙකු ලකුණු 100...
දකුණු අප්‍රිකානු පළමු ඉනිම ලකුණු 235 කට සීමාවෙයි...
2019-02-13 14:59:14
ඩර්බන්හිදී අද (13 වැනිදා) ආරම්භවූ පළමු ටෙස්ට් තරගයේ පළමු දිනයේ වැඩි වාසී ශ්‍රී ලංකාවට ලබාදුන් වේග පන්දු යවන්නන් තරගයේ පාලනය සියතට ගනිම...
පාලනය බාරගන්න කියා ක්‍රීඩකයන් මට බලකරනවා...
2019-02-12 18:00:25
ශ්‍රී ලංකා ක්‍රිකට් ආයතනයේ පාලනය තමන්ට හැකි ඉක්මණින් ලබගන්නා ලෙස ක්‍රීඩකයන් ඇතුළු සියලුම පාර්ශවලින් තමන්ට බල කරන බව ශ්‍රී ...
විශාලතම මුදල ගෙනාවේ මමයි...
2019-02-11 21:03:55
ශ්‍රී ලංකා ක්‍රිකට් රූපවාහිනී අයිතිය සඳහා විශාලතම මුදල ගෙන ඒමට තම පාලන කාළයේ හැකියාව ලැබුණු බව ශ්‍රී ලංකා ක්‍රිකට් ආයතනයේ ...
ජනාධිපති විදුහල් පිහිනුම් තටාකය හෙට විවෘත කරයි ...
කොළඹ කොටිගනන් වියදම් කරලා පිහිනුම් තටාක හදනව මම දැක්කා පිංතූරයක් ගමෙ ඉස්කොලෙක දරවෙක් හෙල්ල විසිකරනව වැටහිරියා පොල්ලකින් පුදුම රටක් මෙක පිංතූරය ඔන්න...
දිමුත් කරුණාරත්න ටෙස්ට් නායකත්වයට...
ඔලුවේ කැක්කුමට කොට්ටා මාරු කරල හරියයිද? ...
දිමුත් කරුණාරත්න ටෙස්ට් නායකත්වයට...
මගෙනම් අදහස කුසල් මෙන්දිස්වත් ටිකකලකට නතර කල යුතුයි ...
නායකත්වය නැවතත් මැතිව්ස්ට යන හැඩ...
කණ්ඩායම තෝරන විදිහ හරිම ලජ්ජාසහගතයි. කුසල් මෙන්ඩිස් දිගටම අසාර්ථක වෙද්දී ඔහුව ඉවත් නොකරන්නේ ඇයි? කණ්ඩායමේ ඔහුගේ ස්ථානය ස්ථිරවම වෙන් කර දී අනිත් දහදෙනා...
ශ්‍රී ලංකා ‘ඒ’ ක්‍රීඩකයෝ 5-0 කින් අයර්ලන්ත ‘ඒ’ පි...
සුපිරියි... ජයවේවා !!!...