. දකුණු ආසියානු පාපන්දු ශූරතාව සොයා | කෙළිමඬල
2018 සැප්තැම්බර් මස 23 වැනි ඉරිදා
දකුණු ආසියානු පාපන්දු ශූරතාව සොයා
2018-09-14 15:45:06 | සුසිල් ප්‍රේමලාල්


දකුණු ආසියානු කලාපීය පාපන්දු ශූරයන් තෝරන අවසන් තරගය ඉන්දියාව සහ මාලදිවයින අතර හෙට (15දා) ශ්‍රී ලංකා වේලාවෙන් ප.ව 6. 30 ට ආරම්භ වේ. මෙම තරගය බංග්ලාදේශයේ ඩකා අගනුවර බංගා බන්දු ජාතික ක්‍රීඩාංගණයේ දී පැවැත්වේ.

දකුණු ආසියානු පාපන්දු සම්මේලන (සාෆ්) කුසලාන තරගාවලි ඉතිහාසයේදී ඉන්දියාව සහ මාලදිවයින අවසන් තරගයේදී හමුවන 4 වැනි අවස්ථාව මෙය වෙයි.

ජයග්‍රාහී කණ්ඩායමට ඇමරිකානු ඩොලර් පනස් දහසක් (50000) පිරිනැමෙන මෙම අවසන් තරගය සාෆ් කලාපීය රටවල් හතරක (බංග්ලාදේශයේ චැනල් 9, ඉන්දියාවේ ඩී. ස්පෝර්ට්ස්, මාලදිවයිනේ රූපවාහිනීසේවය සහ  නේපාලයේ ඒ. පී. 1 රූපවාහිනී සේවය) සජීවී ලෙස විකාශනය කිරීමට විධි විධාන යොදා ඇත.

1997 වසරේ නේපාලයේ පැවති තරගාවලියේදී ප්‍රථම වරට ඉන්දියාව සහ මාලදිවයින අවසන් තරගයේදී හමුවී ඇති අතර ඉන් අනතුරුව 2008 වසරේ ශ්‍රී ලංකාවේදී පැවැති තරගාවලියේදීද 2009 වසරේ බංග්ලාදේශයේ පැවති තරගාවලියේදීද ඉන්දියාව සහ මාලදිවයින අවසන් තරග සඳහා සහභාගී වී ඇත. ඒ අතරින් 1997 සහ 2009 තරගාවලි දෙක ඉන්දියාව විසින් ද 2008 තරගාවලිය මාලදිවයින විසින් ද ජයග්‍රහණය කරන ලදී.

12 වැනි වරට පැවැත්වෙන මෙම තරගාවලියේ ඉතිහාසය අනුව 7 වරක් ඉන්දියාව කුසලාන දිනා ගෙන තිබේ.  මාලදිවයින මෙම කුසලානය දිනාගෙන ඇත්තේ එක් වතාවක් පමණි.

මෙවර තරගාවලියේදී ඉන්දියාව අපරාජිතව අවසන් තරගයට සහභාගී වන අතර මාලදිවයින එක් තරගයක් පමණක් පරාජය වී අවසන් තරගයට සහභාගී වෙයි.

තරගාවලියේ මූලික වටයේ දී ඉන්දියාව විසින් ශ්‍රී ලංකාව ගෝල 2-0 කින්ද මාලදිවයින ගෝල 2-0 කින්ද පරාජය කර අවසන් පූර්ව වටයට සුදුසුකම් ලබා ගත්තේය. අවසන් පූර්ව වටයේදී පකිස්තානය ගෝල 3-1 කින් පරදා ඉන්දියාව අවසන් තරගයට වරම් ලැබීය.

තරගාවලියේ පෙරළිකාර කණ්ඩායම ලෙස හැඳින්වෙන මාලදිවයින ශ්‍රී ලංකාව සමඟ තරගය ගෝල 0-0 ක් ලෙස ජය පැරදුමෙන් තොරව අවසන් කරගත්තේය.  ඉන්දියාව සමඟ තරගය ගෝල 0-2 ලෙස පරාජයට පත්වුවද කාසියේ වාසිය මත මාලදිවයින අවසන් පූර්ව වටයට සුදුසුකම් ලබා ගත්තේය.

නේපාලය සමඟ පැවති අවසන් පූර්ව තරගයේදී ගෝල 3-0 කින් නේපාලය පරදා අවසන් තරගයට මාලදිවයිනට සුදුසුකම් ලබා ගත්තේය.

මේ අතර 12 වැනි දකුණු ආසියානු පාපන්දු තරගාවලියට සහභාගී වූ ශ්‍රී ලංකාව සහ භූතානය ප්‍රතිවාදීන්ට එරෙහිව කිසිදු ගෝලයක් වාර්තා නොකළ කණ්ඩායම් අතරට එක්ව සිටිති.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...