. සාෆ් පාපන්දු කුසලාන මාලදිවයිනට | කෙළිමඬල
2018 දෙසැම්බර් මස 15 වැනි සෙනසුරාදා
සාෆ් පාපන්දු කුසලාන මාලදිවයිනට
2018-09-15 21:22:21 | සුසිල් ප්‍රේමලාල්


12 වැනි දකුණු ආසියානු පාපන්දු සම්මේලන (සාෆ්) කුසලාන තරගාවලියේ පෙරළිකාර සහ වාසනාවන්ත කණ්ඩායමක් ලෙස පියවරෙන් පියවර ඉදිරියට පැමිණි මාලදිවයින අද (15) පැවැති අවසන් තරගයේදී ප්‍රබල ඉන්දියාව ගෝල 2-1කින් පරදා එම කුසලාන සහ මුදලින් ඇමරිකානු ඩොලර් 50000ක් දිනා ගැනීමට සමත්විය.

බංග්ලාදේශයේ ඩකා අගනුවර බංගබන්දු ක්‍රීඩාංගණයේදී මෙම අවසන් තරගය පැවැති අතර මාලදිවයින එම කුසලාන දිනාගත් දෙවැනි අවස්ථාවද වේ. මීට පෙර 2008 වසරේ පැවැති සාෆ් පාපන්දු තරගාවලියේදී ඉන්දියාව ගෝල 1-1කින් පරදා මාලදිවයින එම කුසලාන දිනාගෙන ඇත.

මාලදිවයින 1997, 2003 සහ 2009 යන වසරවල තරගාවලියේ අනුශූරයන් වී ඇති අතර එම සෑම අවසන් තරගයකදීම ඉන්දියාව මාලදිවයිනේ ප්‍රතිවාදීන් වී ඇත.

2018 සාෆ් පාපන්දු තරගාවලිය යටතේ ‘බී’ කාණ්ඩය නියෝජනය කළ මාලදිවයින සිය පළමු තරගය ශ්‍රී ලංකාව සමග ගෝල 0-0ක් ලෙස ජය පැරදුමෙන් තොරව අවසන් කරගත් අතර ඉන්දියාවට එරෙහිව මුහුණ දුන් මූලික වටයේ අවසන් තරගය ගෝල 0-2ක් ලෙස ඉන්දියාවට පරාජය විය.

අනතුරුව ශ්‍රී ලංකාව සහ මාලදිවයින ප්‍රසාද ලකුණු සමවීම නිසා කාසියේ වාසිය මත එහි ජයග්‍රහණය අත්කර ගනිමින් අවසන් පූර්ව වටයට සුදුසුකම් ලැබූ මාලදිවයින නේපාලයට එරෙහිව ගෝල 3-0ක ජයක් හිමිකර ගනිමින් අවසන් තරගය නියෝජනය කිරීමට වරම් ලබාගත්තේය.

මාලදිවයින සහ ඉන්දියාව අතර පැවැති අවසන් තරගයේ ප්‍රථම භාගය අවසන් වන විට මාලදිවයින ගෝල 1-0ක් ලෙස ඉදිරියෙන් සිටියේය. එම ගෝලය 19වැනි මිනිත්තුවේදී ඉබ්‍රහීම් හුසේන් විසින් වාර්තා කරන ලදී.

මාලදිවයිනේ දෙවැනි ගෝලය අලී හසීර් විසින් 66 වැනි මිනිත්තුවේදී වාර්තා කරන ලද අතර තරගය නිමාවීමට මොහොතකට පෙර ඉන්දීය කණ්ඩායමේ සුමිට් පාස්සි විසින් අතිරේක කාලයේදී (92 වැනි මිනිත්තුවේදී) ඉන්දියාව වෙනුවෙන් එකම ගෝලයක් වාර්තා කරන ලදී.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
මාලිංගට - මැතිව්ස්ට කෝටි 5 ක ලංසු...
2018-12-12 17:43:10
ලබන වසරේදී (2019) පැවැත්වෙන ඉන්දීය ප්‍රිමියර් ලීග් (අයි.පී.එල්.) තරගාවලියට ක්‍රීඩකයන් තෝරගැනීම සඳහා පැවැත්වෙන වෙන්දේසියේදී ශ්‍...
නවසීලන්ත ක්‍රීඩකයෝ පෙරමුණ ගනිති...
2018-12-11 19:51:35
ශ්‍රී ලංකාව සහ නවසීලන්තය අතර ටෙස්ට් තරගාවලිය ආරම්භ වීමට දින හතරකට පෙර, අන්තර් ජාතික ක්‍රිකට් සභාව විසින් නිකුත් කරන ලද නවතම ක්&zwj...