. පාකිස්තානයට කඩුලු 8 ක ජයක් | කෙළිමඬල
2019 අපේ‍්‍රල් මස 23 වැනි අගහරුවාදා
පාකිස්තානයට කඩුලු 8 ක ජයක්
2018-09-16 22:00:32 | .

ආසියානු ක්‍රිකට් තරගාවලියේ දෙවැනි තරගය ලෙස පාකිස්තාන සහ හොංකොං කණ්ඩායම් අතර ඩුබායි ජාත්‍යන්තර ක්‍රිකට් ක්‍රීඩාංගණයේදී අද (16 වැනිදා) පැවැති තරගය කඩුලු 8 කින් ජය ගැනීමට පාකිස්තානය සමත්විය.

ජයග්‍රහණය සඳහා ලකුණු 117 ක ඉලක්කයක් හඹාගිය පාකිස්තානය ඕවර 23.4 කදී කඩුලු 2 ක් පමණක් දැවී ඉලක්කය පහසුවෙන් පසුකිරීමට සමත්විය.

ඉමාම්-උල්-හක් පන්දු 69 කදී හයේ පහරක් සහ හතරේ පහර 3 ක් සමගින් නොදැවී ලකුණු 50 ක් සහ ශොයිබ් මලික් ලකුණු 9 ක් ලබාගනිමින් පාකිස්තානය ජයග්‍රහණය කරා රැගෙන ගියහ.

ෆකාර් සමාන් සමගින් එක්ව පළමු කඩුල්ල සඳහා ලකුණු 41 ක සම්බන්ධතාවයක් ගොඩනැගූ ඉමාම්-උල්-හක් දෙවැනි කඩුල්ල සඳහා බාබර් අසාම් සමගින් එක්ව ලකුණු 52 ක සම්බන්ධතාවයක් ගොඩනැගීය.

ඒසාන් ඛාන්ගේ පන්දු හමුවේ ස්කොට් මැක්කෙච්නි හට උඩපන්දු ලබාදුන් ෆකාර් සමාන්ට සහ බාබර් අසාම්ට පිටියෙන් ඉවත්වීමට සිදුවූහ.

පන්දු 27 කට මුහුණදුන් ෆකාර් සමාන් හයේ පහරක් සහ හතරේ පහර 2 ක් සමගින් ලකුණු 24 ක් රැස්කළ අතර බාබර් අසාම් පන්දු 36 කදී හයේ පහරක් සහ හතරේ පහර 3 ක් සමගින් ලකුණු 33 ක් රැස්කළේය.

ඉනිම 47 කදී ලකුණු 2000 සීමාව පසු කිරීමට බාබර් අසාම් අද සමත්වූ අතර ලකුණු 2000 සීමාව පසුකළ දෙවැනි වේගවත්ම ක්‍රීඩකයාද ඔහු විය.

කාසියේ වාසිය දිනා පළමුව පන්දුවට පහරදුන් හොංකොං කණ්ඩායමට ඕවර 37.1 කදී සියලුදෙනා දැවී රැස්කිරීමට හැකිවූයේ ලකුණු 116 ක් පමණි.

හොංකොං කණ්ඩායමේ මුල්පෙළ පිතිකරුවන් පස් දෙනෙකු ලකුණු 44 ක් තුළ පිටියෙන් ඉවත් කිරීමට පාකිස්තාන පන්දු යවන්නෝ සමත්වූහ.

පාකිස්තාන පන්දු යවන්නන්ගේ පීඩනය හමුවේ වුවද හයවැනි කඩුල්ල සඳහා ලකුණු 53 ක සම්බන්ධතාවයක් පැවැත්වීමට කිංචිට් ෂා සහ අයිසාස් ඛාන් සමත්වූහ. උස්මාන් ඛාන්ගේ පන්දුවක් හමුවේ අයිසාස් ඛාන් ලකුණු 27 කට දැවීයාමත් සමගින් එම සම්බන්ධතාවට තිත තැබුණි.

ලකුණු 2 ක් තුළ කඩුලු 4 ක් බිඳ වැටීම හේතුවෙන් හොංකොං ලකුණු පුවරුව කඩුලු 9 කට ලකුණු 99 ක් විය. නමුත් අවසන් කඩුල්ල සඳහා ලකුණු 17 ක් එක් කිරීමට ඒසාන් නවාස් සහ නදීම් අහ්මඞ් සමත්වූහ.

උස්මාන් ඛාන් කඩුලු 3 ක්ද හසන් අලී සහ සදාබ් ඛාන් කඩුලු 2 බැගින් දවාගනිමින් හොංකොං කණ්ඩායම අඩු ලකුණු සංඛ්‍යාවකට සීමා කිරීමට සමත්වූහ.


හොං කොං - ඕවර 37.1 කදී සියලුදෙනා දැවී 116
(කිංචිට් ෂා 26, ඒසාන් නවාස් 27, උස්මාන් ඛාන් 19/3, හසන් අලී 19/2, සදාබ් ඛාන් 31/2)

පාකිස්තානය - ඕවර 23.4 කදී කඩුලු 2 ක් දැවී 120
(ෆකාර් සමාන් 24, ඉමාම්-උල්-හක් නොදැවී 50 , බාබර් අසාම් 33, ඒසාන් ඛාන් 34/2)

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...