. ශාන්ත ජෝෂප් I කොටසේ ශූරතාව දිනයි | කෙළිමඬල
2018 ඔක්තෝබර් මස 20 වැනි සෙනසුරාදා
ශාන්ත ජෝෂප් I කොටසේ ශූරතාව දිනයි
2018-09-19 19:31:08 | රොෂාන් ගුණරත්න

ලක්ෂාන් ගමගේගේ (97) විශිෂ්ට පිතිහරඹයත් අශේන් ඩැනියල්ගේ (14/5) විශිෂ්ට පන්දු යැවීමත් හමුවේ ‘සිංගර් කුසලාන’ වයස 17 න් පහළ ක්‍රිකට් තරගාවලියේ පළමු කොටසේ ශූරතාව හිමිකර ගැනීමට කොළඹ ශාන්ත ජෝසප් විදුහල අද (19 වැනිදා) සමත් විය. බී.ආර්.සී ක්‍රීඩාංගණයේදී පැවැති අවසන් මහා තරගයේදී මොරටුව ශාන්ත සෙබස්තියන් විදුහල ලකුණු 77 කින් පරාජය කිරීමට කොළඹ ශාන්ත ජෝසප් විදුහල සමත්විය.

කාසියේ වාසිය දිනාගත් කොළඹ ශාන්ත ජෝසප් විදුහල ඕවර 47.1 කදී සියලුදෙනා දැවී ලකුණු 235 ක් රැස්කිරීමට සමත්විය.

ලකුණු 131 කට කඩුලු 8 ක් දැවී ඉතා අන්ත අසරණවී සිටි ශාන්ත ජෝසප් විදුහල් ඉනිම නැවත ගොඩනගමින් 9 වැනි කඩුල්ල සඳහා පන්දු 80 කදී ලකුණු 88 ක සම්බන්ධතාවයක් ගොඩනැගීමට ලක්ෂාන් ගමගේ සහ ෂෙරාන් ෆොන්සේකා සමත්වූහ. වේගවත් පිතිහරඹයක නිරතවූ ලක්ෂාන් ගමගේ පන්දු 66 කදී හයේ පහර 7 ක් සහ හතරේ පහර 5 ක් සමගින් ලකුණු 97 ක් රැස්කිරීමට සමත්විය. අනෙක් අන්තයේ කඩුල්ල ආරක්‍ෂා කරගනිමින් ලක්ෂාන් ගමගේට අනගි සහයක් ලබාදුන් ෂෙරාන් ෆොන්සේකා පන්දු 51 කදී ලකුණු 24 ක් රැස්කළ අතර ඔහුගේ ඉනිමට හතරේ පහර 3 ක් ඇතුළත් විය.

ජනිෂ්ක පෙරේරා කඩුලු 4 ක් ද, තඳුල ද සිල්වා කඩුලු 3 ක් සහ නදීර ප්‍රනාන්දු කඩුලු 2 ක් දවාගනිමින් මොරටුව ශාන්ත සෙබස්තියන් විදුහල වෙනුවෙන් පන්දුවෙන් දස්කම් දැක්වූහ.

ජයග්‍රහණය සඳහා ලකුණු 236 ක ඉලක්කයක් හඹාගිය ශාන්ත සෙබස්තියන් විදුහලට ඕවර 45.1 කදී සියලුදෙනා දැවී රැස්කිරීමට හැකිවූයේ ලකුණු 158 ක් පමණි.

කඩුලු 4 කට ලකුණු 131 ක් රැස්කරමින් ජයග්‍රහණය කරා පහසුවෙන් යෑමට අවස්ථාව තිබූ මොරටුව ශාන්ත සෙබස්තියන් විදුහලේ අවසන් කඩුලු 6 ලකුණු 21 ක් තුළ දවාගැනීමට අශේන් ඩැනියල් සහ දුනිත් වෙල්ලාලගේ ප්‍රමුඛ පන්දු යවන්නෝ සමත්වූහ. විශිෂ්ට පන්දු යැවීමක නිරතවූ අශේන් ඩැනියල් ඕවර 9.1 කදී නිලකුණු ඕවර 3 ක් සමගින් ලකුණු 14 කට කඩුලු 5 ක් දවාගත් අතර දුනිත් වෙල්ලාලගේ ලකුණු 27 කට කඩුලු 3 ක් දවාගනිමින් පන්දුවෙන් දස්කම් දැක්වීය.

තරගයේ වීරයාට හිමි සම්මානය කොළඹ ශාන්ත ජෝසප් විදුහලේ ලක්ෂාන් ගමගේට හිමිවිය.


ශා.ජෝසප් විදුහල - ඕවර 47.1 කදී සියලුදෙනා දැවී 235
(ජොහාන් ද සිල්වා 24, දිනෙත් ජයකොඩි 21, ලක්ෂාන් ගමගේ 97, ශෙරාන් ෆොන්සේකා 24, ජනිෂ්ක පෙරේරා 46/4, තදුල ද සිල්වා 44/3, නදීර ප්‍රනාන්දු 46/2)

ශා.සෙබස්තියන් විදුහල - ඕවර 45.1 කදී සියලුදෙනා දැවී 158
(දුනිත් ජයතුංග 68, ජනිෂ්ක පෙරේරා 30, අශේන් ඩැනියල් 14/5, දුනිත් වෙල්ලාලගේ 27/3)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
මාලිංග ලෝක කුසලාන තරගාවලිය ඉලක්ක කරයි...
2018-10-14 17:23:45
දැන්ම ක්‍රීඩාවෙන් විශ්‍රාම ගැනීම සම්බන්ධයෙන් තවමත් තමාගේ කිසිදු අදහසක් නොමැති බවත්, අවස්ථාව හිමි වුවහොත් 2019 වසරේදී පැවැත්වෙන එක්...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...