. මේසපන්දු නිලවරණයේ නාමයෝජනා විවෘත කිරීම 6 දා | කෙළිමඬල
2019 අපේ‍්‍රල් මස 23 වැනි අගහරුවාදා
මේසපන්දු නිලවරණයේ නාමයෝජනා විවෘත කිරීම 6 දා
2018-10-02 14:53:46 | ශානුක අරවින්ද

ක්‍රීඩා අමාත්‍යවරයාගේ නියෝගය මත දින නියමයකින් තොරව කල් දැමුණ ශ්‍රී ලංකා මේසපන්දු නිලවරණයේ නාමයෝජනා විවෘත කිරීම, ක්‍රීඩා අමාත්‍යංශයේ උපදෙස් මත මේ මස 6 වැනිදා පැවැත්වීමට එම සංගමය කටයුතු යොදා ඇතැයි ‘ලංකාදීප’යට වාර්තා වේ. ක්‍රීඩා අමාත්‍යවරයාගේ උපදේශකවරයකු සහ මේසපන්දු සංගමයේ නිලධාරීන් අතර සැප්තැම්බර් මස 28 වැනිදා ක්‍රීඩා අමාත්‍යංශයේදී පැවැති සාකච්ඡාවකින් අනතුරුව නිලවරණයේ නාමයෝජනා විවෘත කිරීම සඳහා ක්‍රීඩා අමාත්‍යංශයේ අනුමැතිව හිමිවී ඇතැයිද වැඩිදුරටත් දැනගන්නට ලැබේ. 

සැප්තැම්බර් මස 22 වැනිදා පැරණි ක්‍රීඩා අමාත්‍යංශ ගොඩනැගිල්ලේදී පැවැත්වීමට නියමිතව තිබූ මෙම නාමයෝජනා විවෘත කිරීම අමාත්‍යවරයාගේ නියෝගය මත දින නියමයකින් තොරව කල් දැමුණ අතර නිලවරණ කමිටුව සඳහා ක්‍රීඩා අමාත්‍යංශයේ නිලධාරියකු පත්කර නොතිබීමද නාමයෝජනා විවෘත කිරීම කල්දැමීමට ප්‍රධානතම හේතුවක් විය. 

මේ සම්බන්ධයෙන් ශ්‍රී ලංකා මේසපන්දු සංගමයේ ලේකම් කසුන් විතාන මහතාගෙන් කළ විමසුමකදී ඔහු කියා සිටියේ ක්‍රීඩා සංවර්ධන දෙපාර්තමේන්තුවේ නියෝජ්‍ය ක්‍රීඩා අධ්‍යක්ෂ ආර්.බී. වික්‍රමසිංහ මහතා තමා වෙත ලිපියක් යොමු කරමින් නාමයෝජනා විවෘත කිරීම සඳහා ක්‍රීඩා අමාත්‍යංශයේ අනුමැතිය ලබාදුන් බවයි. 

තවද නාමයෝජනා විවෘත කිරීම සඳහා නිලවරණ කමිටුවට අඩුවක්ව පැවැති ක්‍රීඩා අමාත්‍යංශයේ නියෝජනය සපුරාලීමේ අරමුණින් ඒ සඳහා ක්‍රීඩා සංවර්ධන දෙපාර්තමේන්තුවේ නිලධානියක වන සුභානි උඩවත්ත මහත්මිය පත් කිරීමටද එහිදී ක්‍රීඩා අමාත්‍යංශය පියවර ගෙන තිබේ. 

ජූනි මස 25 වැනිදා ක්‍රීඩා අමාත්‍යංශ ශ්‍රවණාගාරයේ පැවැති විශේෂ මහ සභා රැස්වීමකදී නිලවරණ කමිටුවේ සභාපතිවරයා ලෙස කොළඹ මහ නරග සභාවේ හිටපු නාගරික කොමසාරිස්වරයකු වන ජී.ජී. වීරක්කොඩි මහතා පත්කර ගැනිණ. ජාතික ඔලිම්පික් කමිටුවේ නියෝජිතයකු ලෙස චන්දන ලියනගේ මහතාද නිලවරණ කමිටුවට ඇතුළත්ව සිටියි. 

ඒ අනුව මේ මස 6 වැනිදා පෙරවරු 9.00 ට පැරණි ක්‍රීඩා අමාත්‍යංශ ගොඩනැගිල්ලේදී ත්‍රිපුද්ගල නිලවරණ කමිටුව ඉදිරියේ මේසපන්දු සංගමයේ නිලවරණය සඳහා ඉදිරිපත්ව ඇති නාමයෝජනා විවෘත කෙරෙනු ඇත. එදිනම පෙරවරු 11.00 සිට පස්වරු 2.00 දක්වා එම නාමයෝජනා සඳහා විරෝධතා ඉදිරිපත් කිරීමට ඡන්ද බලය හිමි ක්‍රීඩා සංගම්වලට අවස්ථාව හිමිවනු ඇත. ඉදිරිපත්වන විරෝධතා විභාග කිරීම සහ අවසන් නාමයෝජනා ලැයිස්තුව සකස් කිරීම පස්වරු 2.30 ට ආරම්භ කිරීමට නියමිතය. 

අවසන් නාමයෝජනා ලැයිස්තුව සකස් කිරීමෙන් අනතුරුව දින 14 ක් ඇතුළත සංගමයේ මහ සභා රැස්වීම සහ නිලවරණය පැවැත්වීමට කටයුතු සූදානම් කරන බව එම සංගමයේ ලේකම් කසුන් විතාන මහතා පැවැසීය. බොහෝ දුරට නිලවරණය පැවැත්වෙන දිනය මේ මස 20 වැනිදා (සෙනසුරාදා) හෝ 21 වැනිදා (ඉරිදා) විය හැකි බවද හෙතෙම සඳහන් කළේය. 

මෙම නිලවරණයේදී ඡන්දය ප්‍රකාශ කිරීම සඳහා මේසපන්දු සංගමයේ අනු සංගම් 30 ක නියෝජිතයන් 60 දෙනෙකුට අවස්ථාව හිමිවනු ඇත. එහිදී සභාපති, උප සභාපතිවරුන් (අට දෙනෙක්), ලේකම්, සහකාර ලේකම්, භාණ්ඩාගාරික, උප භාණ්ඩාගාරික යන තනතුරු සඳහා නිලධාරීන් 13 දෙනෙක් තෝරා පත්කර ගැනීමට නියමිතය. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...