. කල්පනී ත්‍රිත්ව ශූරතා දිනයි | කෙළිමඬල
2019 අපේ‍්‍රල් මස 23 වැනි අගහරුවාදා
කල්පනී ත්‍රිත්ව ශූරතා දිනයි
2018-10-03 15:10:36 | ශානුක අරවින්ද

ශ්‍රී ලංකා වෙළෙඳ සේවා මේසපන්දු සංගමය සංවිධානය කළ 61 වැනි වෙළෙඳ සේවා මේසපන්දු තරගාවලියේදී ත්‍රිත්ව ශූරතා දිනාගැනීමට මාස් හෝල්ඩිංග්ස් සමාගමේ කල්පනී හේරත් සමත් වුවාය. මෙම තරගාවලිය ගල්කිස්ස ශාන්ත තෝමස් විදුහල් ගෘහස්ත ක්‍රීඩාංගණයේදී පැවැත්විණ.

සයන්ටර් ටෙක්නොලොජීස් සමාගමේ ඕෂදී ගුණසේකර පරාජය කරමින් කාන්තා කේවල ශූරතාව දිනාගත් කල්පනී, ඉන් නොනැවතී ශ්‍රීමාලි විමලරත්න සමග එක්ව කාන්තා යුගල ශූරතාවද, නිර්මල ජයසිංහ සමග එක්ව මිශ්‍ර යුගල සම ශූරතාවද දිනාගත්තේ මෙවර තරගාවලියේදී ත්‍රිත්ව ශූරතාවකට හිමිකම් කී එකම ක්‍රීඩිකාව බවට පත්වෙමිනි.

තරගාවලියේ පිරිමේ කේවල ශූරතාව දිනාගැනීමට සෙලාන් බැංකුවේ චලිත රංජන සමත් වූයේ අවසන් මහ තරගයේදී මාස් හෝලිඩිංග්ස් සමාගමේ නිර්මල ජයසිංහ පරාජය කරමිනි. පිරිමි යුගල ශූරතාව දිනාගනු ලැබුවේ ඊසොෆ්ට් සමාගමේ දිලින හේරත් සහ ලිලංක ද සිල්වා විසිනි.

මිශ්‍ර යුගල අවසන් මහ තරගය පැවැත්වීමට කාල වේලාව ප්‍රමාණවත් නොවීම හේතුවෙන් එම ඉසව්වේ අවසන් තරගයට සුදුසුකම් ලබාගත් කණ්ඩායම් දෙක සම ශූරයන් ලෙස නම් කිරීමට සංවිධායකයෝ පියවර ගත්හ.

මෙම තරගාවලිය සඳහා වෙළෙඳ සමාගම් 39 ක් නියෝජනය කරමින් ක්‍රීඩක ක්‍රීඩිකාවෝ 176 ක් දෙනෙක් සහභාගි වූ අතර එහිදී ඔවුන් ඉසව් 9 ක් යටතේ තරග වැදිණ. ශ්‍රී ලංකා මේසපන්දු සංගමයේ හිටපු උප සභාපතිවරියක මෙන්ම සහකාර ලේකම්වරියකද වන සදිසි නිරාෂා මෙනවිය තරගාවලියේ ත්‍යාග ප්‍රධානෝත්සවයේ ප්‍රධාන ආරාධිතයා ලෙස සහභාගි වූවාය.


තරග ප්‍රතිඵල

පිරිමි කේවල
චලිත රංජන (සෙලාන් බැංකුව) විසින් නිර්මල ජයසිංහ (මාස් හෝල්ඩිංග්ස් සමාගම) පරාජය කරන ලදී.

පිරිමි යුගල
දිලින හේරත් සහ ලිලංක ද සිල්වා (ඊසොෆ්ට් සමාගම) විසින් නිර්මල ජයසිංහ සහ සුඛිත වික්‍රමනායක (මාස් හෝල්ඩිංග්ස් සමාගම) පරාජය කරන ලදහ.

කාන්තා කේවල
කල්පනී හේරත් (මාස් හෝල්ඩිංග්ස් සමාගම) විසින් ඕෂදී ගුණසේකර (සයන්ටර් ටෙක්නොලොජීස් සමාගම) පරාජය කරන ලදී.

කාන්තා යුගල
කල්පනී හේරත් සහ ශ්‍රීමාලි විමලරත්න (මාස් හෝල්ඩිංග්ස් සමාගම) විසින් විනෝලි සිල්වා සහ චේතිකා ශෂිනි (සෙලාන් බැංකුව) පරාජය කරන ලදහ.

මිශ්‍ර යුගල
නිර්මල ජයසිංහ සහ කල්පනී හේරත් (මාස් හෝල්ඩිංග්ස් සමාගම) ද, ලක්ෂිත චතුරංග සහ චේතිකා ශෂිනි (සී.ඩී.බී. මූල්‍ය සමාගම සහ සෙලාන් බැංකුව) ද සම ශූරතාව දිනාගත්හ.

ආධුනික පිරිමි
ලක්ෂිත චතුරංග (සී.ඩී.බී. මූල්‍ය සමාගම) විසින් චමත් දිමන්ත (සී.ඩී.බී. මූල්‍ය සමාගම) පරාජය කරන ලදී.
ආධුනික කාන්තා  

ඕෂදී ගුණසේකර (සයන්ටර් ටෙක්නොලොජීස් සමාගම) විසින් දුලංජලී සමරසිංහ (මාස් හෝල්ඩිංග්ස් සමාගම) පරාජය කරන ලදී.

ප්‍රවීන පිරිමි
නිර්මල ජයසිංහ (මාස් හෝල්ඩිංග්ස් සමාගම) විසින් ප්‍රනීත් වීරසේකර (මාස් හෝල්ඩිංග්ස් සමාගම) පරාජය කරන ලදී.

ජ්‍යෙෂ්ඨ පිරිමි
ගාමිණී මොරායස් (ඇසට්‍රන් සමාගම) විසින් එන්.එම්. තිලකානන්ද  (සිංගර් සමාගම) පරාජය කරන ලදී.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...