. වැරදි හදාගන්න හොඳ අවස්ථාවක් - චන්දිමාල් | කෙළිමඬල
2019 අපේ‍්‍රල් මස 25 වැනි බ‍්‍රහස්පතින්දා
වැරදි හදාගන්න හොඳ අවස්ථාවක් - චන්දිමාල්
2018-10-04 10:10:54 | යොහාන් භාසුර
 
ශ්‍රී ලංකා එක්දින ක්‍රිකට් පිලට පසුගිය තරගාවලිවලදී වැරදුණු තැන් සොයමින් සිටින බවත් එළඹෙන එංගලන්ත තරගාවලිය වැරදි හදාගැනීමට හොඳ අවස්ථාවක් බවත් ශ්‍රී ලංකා එක්දින ක්‍රිකට් පිලේ නායක දිනේෂ් චන්දිමාල් ඊයේ (03) පැවසීය. 
 
සංචාරක එංගලන්ත පිල සහ ශ්‍රී ලංකා පිල අතර මේ මස 10 වැනිදා දඹුල්ලේදී ආරම්භ වන තරග පහකින් සමන්විත එක්දින ක්‍රිකට් තරගාවලිය පිළිබඳව දැනුවත් කිරීම සඳහා ඊයේ (03) පස්වරුවේ කොළඹදී පැවැති මාධ්‍ය හමුවේදී චන්දිමාල් වැඩි දුරටත් මෙසේ ද පැවසීය. 
 
“අපි දැන් සොයමින් ඉන්නවා අපිට කොතනද වැරදුණේ කියලා. අපි මේ වන විට ටිකක් හඳුනාගෙන තියෙනවා. තව හඳුනාගන්න තියෙනවා. ඒ හදාගෙන ක්‍රීඩා කළ යුතුයි”
 
“අපි දන්නවා එංගලන්ත කණ්ඩායම ලෝකයේ එක්දින ක්‍රිකට් පිටියේ අංක එකේ කණ්ඩායම. ඔවුන් එම තත්ත්වයේ ඉන්නෙ දක්‍ෂතා දක්වලයි. අපිත් හොඳ මානසික මට්ටමක ඉන්නවා. ලෝක කුසලාන තරගාවලියට පෙර සහභාගි වන තරගාවලියක් වීම නිසා මෙම තරගාවලිය ජයග්‍රහණයෙන් අවසන් කරන්න ලැබුණොත් ඉහළ මානසිකත්වයක් ලබාගැනීමට වඩාත් ප්‍රයෝජනවත් වෙනවා” යැයි චන්දිමාල් වැඩි දුරටත් පැවසීය. 
 
එංගලන්ත එක්දින කණ්ඩායමේ නායක ඔයින් මෝගන් පැවසුවේ තම රටේදී 2019 වසරේ පැවැත්වෙන ලෝක කුසලාන තරගාවලියට සූදානම් වීමේදී මෙම තරගාවලිය වඩාත් වැදගත් වන බවයි. 
 
“අපි ශ්‍රී ලංකාවේදී 2014 වසරේ සහභාගි වූ තරගාවලියේදී ශ්‍රී ලංකා කණ්ඩායමට සංගක්කාර, මහේල සහ මැතිව්ස් ක්‍රීඩා කළා. ඒක වෙනස් කණ්ඩායමක්. මෙවර වෙනස් කණ්ඩායමක් වගේම වෙනස් අභියෝගයක්” වනු ඇතැයි ද මෝගන් එහිදී වැඩි දුරටත් පැවසීය.
 
මෙම මාධ්‍ය හමුවට ශ්‍රී ලංකා පිලේ පුහුණුකරු චන්දික හතුරුසිංහ, එංගලන්ත පිලේ පුහුණුකරු ටේ‍රවර් බේලිස්, ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා සහ ‘ජැට්’ හෝල්ඩින් ආයතනයේ කළමනාකාර අධ්‍යක්‍ෂ ඊලියන් ගුණවර්ධන යන මහත්වරු ද සහභාගි වූහ.
 
(ඡායාරූපය: ළහිරු හර්ෂණ)  
 
 
ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ශම්මි සිල්වා...
2019-04-18 18:37:22
“ලෝක පූජිත ක්‍රීඩකයෙක් වුණ පළියට හොඳ නායකයෙක් වෙන්නේ නෑ. හොඳ නායකයෙක් ලෝක පූජිත ක්‍රීඩකයෙක් වෙන්නෙත් නෑ. මාලිංගට තරග 12 ක් ලබා දුන්නා...
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...