. ඉන්දියාව විශාලතම ටෙස්ට් ජය ලබයි | කෙළිමඬල
2019 අපේ‍්‍රල් මස 25 වැනි බ‍්‍රහස්පතින්දා
ඉන්දියාව විශාලතම ටෙස්ට් ජය ලබයි
2018-10-06 17:57:51 | .

ටෙස්ට් ඉනිමකදී පළමු වතාවට කඩුලු 5 ක් දවාගත් කුල්දීප් යාදව්ගේ පන්දු යැවීම නිසා බටහිර ඉන්දීය පිල ඉනිමකින් සහ ලකුණු 272 කින් පරාජය ඉන්දියානුවෝ වසර 86 ක ටෙස්ට් ඉතිහාසයේ විශාලතම ජයග්‍රහණය වාර්තා කළහ. රාජ්කොට්හිදී පැවැති මෙම තරගයේදී ඉනිමක පරාජයෙන් ගැලවීම සඳහා ලකුණු 468 ක ඉලක්කයක් කරා ගිය බටහිර ඉන්දීය කණ්ඩායම සිය දෙවැනි ඉනිමේදීත් ලකුණු 196 කට දැවී ගියේය.

පළමුවෙන් පන්දුවට පහර දුන් ඉන්දීය කණ්ඩායම කඩුලු 9 ක් දැවී ලකුණු 649 ක් ලබාගත් අතර කොදෙව් පිලේ මුල් ඉනිම ලකුණු 181 කට සීමා කෙරිණ. මෙම තරගයේදී ලබාගත් ජයත් සමගින් තරග දෙකකින් සමන්විත ටෙස්ට් තරගාවලියේදී ඉන්දීය පිල 1-0 ක් ලෙසින් ඉදිරියෙන් සිටී.

සිය සිව්වැනි ටෙස්ට් තරගයට සහභාගි වන චයිනමන් පන්දු යවන්නා වන කුල්දීප් යාදව් ලකුණු 57 කට කඩුලු 5 ක් දවාගත්තේ කොදෙව් පිතිකරුවන් අන්ද මන්ද කරමිනි. 80 දශකයේදී ක්‍රිකට් ලෝකයේ කෙරුම්කාරයන් ලෙසින් හැඳින්වූ බටහිර ඉන්දීය කොදෙව් පිලේ සටන නිමා වූයේ ෂැනන් ගේබි්‍රයෙල්ගේ කඩුල්ල රවීන්ද්‍ර ජදේජාට හිමිවීමෙනි.

ටෙස්ට් පිටියේ කෝඩුකාරයන් වන ඇෆ්ඝනිස්තානු පිලට එරෙහිව පසුගිය ජූනි මාසයේදී තමන්ගේ ඉහළම ටෙස්ට් දිනුම ලබා සිටි ඉන්දීය කණ්ඩායම අද (6 වැනිදා) එය තවත් ලකුණු 10 කින් ඉදිරියට ගෙන ගියේය. ඇෆ්ඝනිස්ථානයට එරෙහිව ඉන්දියානුවන් ලද ටෙස්ට් ජයග්‍රහණය ඉනිමක සහ ලකුණු 262 ක් විය.

ඉන්දියාව සහ කොදෙව් පිල අතර දෙවැනි ටෙස්ට් තරගය 12 වැනිදා හයිද්‍රාබාද්හිදී ආරම්භ වේ.


ඉන්දියාව - පළමු ඉනිම කඩුලු 9 ට 649 යි
(ප්‍රිත්වි ෂෝ 134, චෙටේස්වාර් පුජාරා 86, විරාට් කෝලි 139, අජින්ක්‍යා රහනේ 41, රිෂාබ් පන්ට් 92, රවීන්ද්‍ර ජදේජා නොදැවී 100, කුල්දීප් යාදව් 12, උමේෂ් යාදව් 22, ෂර්මන් ලුවිස් 93/2, දේවේන්ද්‍ර බිෂූ 217/4)

බටහිර ඉන්දීය කොදෙව්  - පළමු ඉනිම 181
(ෂායි හෝප් 10, ෂිම්රොන් හෙට්මියර් 10, සුනිල් ඇම්බි්‍රස් 12, රොස්ටන් චේස් 53, ෂේන් ඩව්රිච් 10, කීමෝ පෝල් 47, දේවේන්ද්‍ර බිෂූ 17, මොහොමඞ් ෂාමි 22/2, රවිචන්ද්‍රන් අශ්වින් 37/4)

බටහිර ඉන්දීය කොදෙව්  - දෙවැනි ඉනිම 196
(ක්‍රෙග් බ්‍රැත්වෙයිට් 10, කිරන් පවෙල් 83, ෂායි හෝප් 17, ෂිම්රන් හෙට්මියර් 11, රොස්ටන් චේස් 20, ෂේන් ඩව්රිච් 16, කීමෝ පෝල් 15, රවිචන්ද්‍රන් අශ්වින් 71/2, කුල්දිප් යාදව් 57/5, රවීන්ද්‍ර ජදේජා 35/3)

 

චෙටේස්වාර් පුජාරා

 

ප්‍රිත්වි ෂෝ

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ශම්මි සිල්වා...
2019-04-18 18:37:22
“ලෝක පූජිත ක්‍රීඩකයෙක් වුණ පළියට හොඳ නායකයෙක් වෙන්නේ නෑ. හොඳ නායකයෙක් ලෝක පූජිත ක්‍රීඩකයෙක් වෙන්නෙත් නෑ. මාලිංගට තරග 12 ක් ලබා දුන්නා...
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...