. කොළඹ අදියරේ තරග 13 - 14 | කෙළිමඬල
2018 නොවැම්බර් මස 15 වැනි බ‍්‍රහස්පතින්දා
කොළඹ අදියරේ තරග 13 - 14
2018-10-07 13:58:31 | .

ආසියානු සත් සාමාජික රග්බි තරගාවලි මාලාවේ තෙවැනි සහ අවසන් අදියර වන ශ්‍රී ලංකා තරගාවලිය කොළඹ පැරණි තුරඟ තරග පිටියේදී මේ මස 13 සහ 14 දෙදින පැවැත්වේ.

මෙම තරගාවලියේදී ජපානය, දකුණු කොරියාව, පිලිපීනය සහ මැලේසියාව ‘ඒ’ කණ්ඩායේද, හොංකොං, චීනය, ශ්‍රී ලංකාව සහ චීන තායිපේ ‘බී’ කාණ්ඩයේද පළමු වටයේ තරග කරයි. ශ්‍රී ලංකා පිරිමි කණ්ඩායම සහභාගි වන පළමු තරගය මේ මස 13 වැනිදා පස්වරු 3.42 ට චීනයට එරෙහිව පැවැත්වේ.

ශ්‍රී ලංකා පිලේ පුහුණුකරු පීටර් වුඞ්ස් මහතා පවසන්නේ ‘බී’ කාණ්ඩයේ පසු පසින්ම සිටින චීන තායිපේ පිලෙන් අභියෝගයක් යොමු නොවුණ ද, හොංකොං සහ චීනය හමුවේ පළමු වටයේදී හොඳින් ක්‍රීඩා කළයුතුව ඇති බවයි.
“ශ්‍රී ලංකාව දශක දෙකකින් පමණ හොං කොං පිලට එරෙහිව ජයග්‍රහණයේ සේයාවකට හෝ ළඟා නොවීම දැඩි ගැටලුවක්” යැයි පුහුණුකරුවා වැඩි දුරටත් පැවසීය.

හොං කොං තරගාවලියේදී ආබාධවලට ලක්වූ ප්‍රබල ක්‍රීඩකයන් වන කවිඳු පෙරේරා, ධනුෂ්ක රංජන් සහ ගයාන් විරරත්න මෙම තරගාවලියේදී ක්‍රීඩා කිරීමට ඉඩ තිබේ.  

හොංකොංහිදී  සහ දකුණු කොරියාවේදී පැවැති අදියර දෙකේදී ජපානය පිරිමි සහ කාන්තා ශූරතා දිනාගැනීමට සමත් විය. ශ්‍රී ලංකාව එහිදී සිවුවැනි ස්ථානය හිමිකර ගත්තේය.

පිරිමි තරගාවලියේ කුසලාන ශූරතාව සහ අනු ශූරතාව හිමිකරගන්නා කණ්ඩායම් දෙකට ලබන වසරේ හොංකොං සත්සාමාජික රග්බි තරගාවලියට සුදුසුකම් ලැබීමේ අවස්ථාව හිමිවේ.

කාන්තා තරගාවලියේදී හොං කොං, ශ්‍රී ලංකාව, ජපානය සහ දකුණු කොරියාව ‘සී’ කාණ්ඩයේ ද, චීනය, තායිලන්තය, කසකස්තානය සහ සිංගප්පූරුව ‘බී’ කාණ්ඩයේ ද, කාන්තා තරගාවලියේ පළමු වටයේ තරග කරයි.  

කාන්තා තරගාවලියේ පෙරමුණ ගන්නා කණ්ඩායම් හතර ලබන වසරේ හොං කොං කාන්තා සත් සාමාජික රග්බි තරගාවලියට සුදුසුකම් ලබයි.


ශ්‍රී ලංකා පිරිමි පිලේ පළමු වටයේ තරග කාලසටහන
● 13 වැනිදා - ශ්‍රී ලංකාව සහ චීනය අතර පස්වරු 3.42
● 13 වැනිදා - ශ්‍රී ලංකාව සහ චීන තායිපේ අතර පස්වරු 7.22
● 14 වැනිදා - ශ්‍රී ලංකාව සහ හොංකොං අතර පස්වරු 12.12


ශ්‍රී ලංකා කාන්තා පිලේ පළමු වටයේ තරග කාලසටහන
● 13 වැනිදා - ශ්‍රී ලංකාව සහ හොංකොං අතර පස්වරු 3.36
● 13 වැනිදා - ශ්‍රී ලංකාව සහ දකුණු කොරියාව අතර පස්වරු 5.20
● 14 වැනිදා - ශ්‍රී ලංකාව සහ ජපානය අතර පෙරවරු 10.44

 

- 048

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ක්‍රිකට් කළමණාකරු තනතුර දමා යන්න යයි...
2018-11-11 21:05:59
ශ්‍රී ලංකා ක්‍රිකට් කණ්ඩායමේ කළමනාකරු ලෙස කටයුතු කළ චරිත් සේනානායක මහතා එම තනතුරෙන් ඉල්ලා අස් වී තිබේ. වහාම ක්‍රියාත්මක වන පරි...
ශ්‍රී ලංකා පිල ලකුණු 447 ක් පසුපසින් ...
2018-11-08 13:07:21
එංගලන්තයට එරෙහිව ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන පළමු ටෙස්ට් තරගයේ ජයග්‍රහණය සඳහා ලකුණු 462 ක ඉලක්කයක් ...
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...