. කොළඹ මැරතන් ශූරයා කෙන්යාවේ තලාම් | කෙළිමඬල
2019 අපේ‍්‍රල් මස 23 වැනි අගහරුවාදා
කොළඹ මැරතන් ශූරයා කෙන්යාවේ තලාම්
2018-10-07 17:19:44 | ශානුක අරවින්ද මීගමුවේ සිට..

දෙස් විදෙස් ක්‍රීඩක ක්‍රීඩිකාවන් 8500 කට ආසන්න පිරිසක් සහභාගි වූ 18 වැනි එල්. එස්. ආර්. කොළඹ ජාත්‍යන්තර මැරතන් ඉසව්වේ පිරිමි තරගය ජයගැනීමට කෙන්යානු ක්‍රීඩක ජෙම්ස් තලාම් සමත් විය. තරගය නිමා කිරීම සඳහා ඔහුට ගතවූ කාලය පැය 2 යි විනාඩි 21 යි තත්පර 52 කි.   

කොළඹ බෞද්ධාලෝක මාවත අසලින් අද (7 වැනිදා) පෙරවරු 6.00 ට ආරම්භ වූ මැරතන් තරගය, බොරැල්ල, දෙමටගොඩ, පෑලියගොඩ, වත්තල, හැමිල්ටන් ඇල අසලින් ඇති මාර්ගය, පමුණුගම, තලාහේන, පිටිපන, දූව යන මාර්ග ඔස්සේ මීගමුව වෙරළ උද්‍යානයට පැමිණීමෙන් අවසන් විය.

තලාම් පිට පිටම කොළඹ මැරතන් තරගය ජයගත් දෙවැනි අවස්ථාව මෙය වන අතර ඉකුත් වසරේ (2017) පැවැති කොළඹ මැරතන් තරගයේ ජයග්‍රාහකයා වූයේද තලාම්ය. එවර තරගය නිමා කිරීම සඳහා ඔහුට පැය 2 යි විනාඩි 23 යි තත්පර 37 ක කාලයක් ගතවී තිබිණ. තරග නිමි කාලය අනුව ගත්කළ ගිය වරට වඩා ඔහු මෙවර විනාඩියයි තත්පර 45 ක් ඉදිරියෙන් සිටී.

පැය 2 යි විනාඩි 21 යි තත්පර 58 කින් තරගය නිමා කළ කෙන්යාවේ ස්ටීවන් මුන්ගතියා  මැරතන් (පිරිමි) තරගයේ දෙවැනි ස්ථානයටත්, පැය 2 යි විනාඩි 22 යි තත්පර 30 කින් තරගය නිමා කළ කෙන්යාවේ පීටර් කේටර් එහි තෙවැනි ස්ථානයටත් පත්වූහ.

එහි සිව්වැනි ස්ථානය හිමිකරගත් ශ්‍රී ලංකා පොලිසියේ අමිල සනත් කුමාර, තරගය නිමා කළ පළමු ශ්‍රී ලංකා ක්‍රීඩකයා බවට පත් වූ අතර ඔහුට ඒ සඳහා ගතවූ කාලය පැය 2 යි විනාඩි 25 යි තත්පර 35 කි. ඉකුත් වසරේ පැවැති තරගයේදී පැය 2 යි විනාඩි 28 යි තත්පර 58 ක කාලයක් වාර්තා කරමින් සිවුවැනි ස්ථානය හිමිකරගත් ශ්‍රී ලංකා යුද හමුදාවේ සුරංග ගුණසේකර මේ වසරේදී සිය තරග නිමි කාලය විනාඩියයි තත්පර 51 කින්  ඉහළ දමාගැනීමට සමත් වුවද, ඔහුට හිමිවූයේ මෙවර තරගයේ පස්වැනි ස්ථානයයි.  

කාන්තා මැරතන් තරගය ජයගැනීමට පැය 2 යි විනාඩි 52 යි තත්පර 54 කින් තරගය අවසන් කළ කෙන්යාවේ මාග්‍රට් ජුගුනා සමත් වූවාය. තරගය පුරා ඇය සමග කරට කර තරගයක නිරත වූ කෙන්යාවේ එමිලි ජෙප්කෝච් කාන්තා තරගයේ දෙවැනි ස්ථානය හිමිකරගත් අතර ඒ සඳහා ඇයට ගත වූ කාලය පැය 2 යි විනාඩි 53 යි තත්පර 49 කි.  

පැය 2 යි විනාඩි 53 යි තත්පර 56 කින් තරගය අවසන් කළ ශ්‍රී ලංකා නාවික  හමුදාවේ  මධුමාලි පෙරේරා කාන්තා තරගයේ තෙවැනි ස්ථානයට පත්වූවාය. එම කාලය ඇය මෙතෙක් වාර්තා කළ හොඳම කාලය ලෙසද සටහන් විය. ශ්‍රී ලංකා ක්‍රීඩිකාවන් වන එන්.කේ. ප්‍රනාන්දු (3.02:55) සහ එල්.ඒ. බෝගහවත්ත (3.03:29) පිළිවෙලින් එහි සිවුවැනි සහ පස්වැනි ස්ථානවලට පත්වූහ.

පිරිමි සහ කාන්තා තරග ජයගත් ක්‍රීඩකයාට සහ ක්‍රීඩිකාවට ඇමරිකානු ඩොලර් 2500 ක මුදලක් සහ ගුවන් ටිකට්පතක් බැගින් ත්‍යාග ලෙස පිරිනැමිණ. එම මුදල ආසන්න වශයෙන් ශ්‍රී ලංකා මුදලින් රුපියල් හාර ලක්ෂ තිස්දහසක් (430,000) පමණ විය.  එහිදී දෙවැනි ස්ථාන සඳහා ඇමරිකානු ඩොලර් 1500 ක් බැගින්ද, තෙවැනි ස්ථාන සඳහා ඇමරිකානු ඩොලර් 1000 ක් බැගින්ද, සිව්වැනි සහ පස්වැනි ස්ථාන වලට පිළිවෙළින් ඇමරිකානු ඩොලර් 500 ක් සහ 200 ක් බැගින්ද පිරිනැමිණ.

මෙවර තරගාවලිය සඳහා රටවල් 45 ක් පමණ නියෝජනය කරමින් විදෙස් ක්‍රීඩක ක්‍රීඩිකාවෝ 300 කට ආසන්න පිරිසක් සහභාගී වූහ. පිරිමි මැරතන් තරගයේ පළමු ස්ථාන 10 න් 6 ක්ද, කාන්තා මැරතන් තරගයේ පළමු ස්ථාන 10 න් 7 ක්ද, දිනාගත් ශ්‍රී ලංකා ක්‍රීඩක ක්‍රීඩිකාවෝ මෙවර තරගයේදී කෙන්යානු ක්‍රීඩක ක්‍රීඩිකාවන්ට නොදෙවෙනි දක්ෂතාවක් ප්‍රදර්ශනය කළහ.  

තරගාවලියට සමගාමීව පැවැති පිරිමි අර්ධ මැරතන් තරගය ජය ගැනීමට ශ්‍රී ලංකාවේ ඩී.ජී.ඩී. සඳරුවන් සමත් වූ අතර කාන්තා අර්ධ මැරතන් තරගය ජය ගැනීමට ඇමරිකාවේ ඇමැන්ඩා චෑන්ග් සමත් වූවාය. සඳරුවන් පැය 1 යි විනාඩි 09 යි තත්පර 37 කින් අර්ධ මැරතන් තරගය නිමා කළ අතර ඇමැන්ඩාට අර්ධ මැරතන් තරගය නිමා කිරීම සඳහා පැය 1 යි විනාඩි 25 යි තත්පර 13 ක කාලයක් ගතවූවාය.  

ලංකා ස්පෝට්රයිසන් සංචාරක ඒජන්සිය සංවිධාන කළ මෙම මැරතන් තරගාවලියේ ප්‍රධාන අනුග්‍රාහකයා ලෙස ශ්‍රී ලංකන් එයාර් ලයින්ස් සමාගම කටයුතු කළේය.


පිරිමි පූර්ණ මැරතන් තරගය  
1 ජෙම්ස් තලාම් (කෙන්යාව) - පැය 2:21.52
2 ස්ටීවන් මුන්ගතියා (කෙන්යාව) - පැය 2:21.58
3 පීටර් කේටර් (කෙන්යාව) - පැය 2:22.30
4 අමිල සනත් කුමාර (ශ්‍රී ලංකාව) - පැය 2:25.35
5 සුරංග ගුණසේකර (ශ්‍රී ලංකාව) - පැය 2:27.07
6 පී.ඩී. අරුණසිරි (ශ්‍රී ලංකාව) - පැය 2:29.32
7 පී.එස්. නිරෝෂණ (ශ්‍රී ලංකාව) - පැය 2:30.05
8 හෆ්ටු ටැඩෙලේ (ඉතියෝපියාව) - පැය 2:30.59
9 ටී.ජී. අලහකෝන් (ශ්‍රී ලංකාව) - පැය 2:33.24
10 කැළුම් ධර්මරත්න (ශ්‍රී ලංකාව) - පැය 2:36.03


කාන්තා පූර්ණ මැරතන් තරගය
1 මාග්‍රට් ජුගුනා (කෙන්යාව) - පැය 2:52.54
2 එමිලි ජෙප්කෝච් (කෙන්යාව) - පැය 2:53.49
3 මධුමාලි පෙරේරා (ශ්‍රී ලංකාව) - පැය 2:53.56
4 එන්.කේ. ප්‍රනාන්දු (ශ්‍රී ලංකාව) - පැය 3:02.55
5 එල්.ඒ. බෝගහවත්ත (ශ්‍රී ලංකාව) - පැය 3:03.29
6 නවුම් ජෙප්කොස්ගෙයි (කෙන්යාව) - පැය 3:17.25
7 මංජුලා කුමාරසිංහ (ශ්‍රී ලංකාව) - පැය 3:24.48
8 මල්ලිකා චන්ද්‍රකාන්ති (ශ්‍රී ලංකාව) - පැය 3:32.18
9 නිරෝෂමාලා කුමාරි (ශ්‍රී ලංකාව) - පැය 3:53.18
10 දීපිකා හේමන්ති (ශ්‍රී ලංකාව) - පැය 3:58.13


පිරිමි අර්ධ මැරතන් තරගය  
1 ඩී.ජී.ඩී. සඳරුවන් (ශ්‍රී ලංකාව) - පැය 1:09.37
2 දිල්කුෂ කාරියවසම් (ශ්‍රී ලංකාව) - පැය 1:10.17
3 ප්‍රීතිරාජ් සෝමරත්න (ශ්‍රී ලංකාව)  - පැය 1:11.07
4 ලසිත් සුපුන් (ශ්‍රී ලංකාව) - පැය 1:13.34  
5 සනත් අමරසිංහ (ශ්‍රී ලංකාව) - පැය 1:14.11   


කාන්තා අර්ධ මැරතන් තරගය
1 ඇමැන්ඩා චෑන්ග්  (ඇමරිකාව) - පැය 1:25.13
2 ක්‍රිෂ්ණා කුමාරි (ශ්‍රී ලංකාව) - පැය 1:27.23  
3 දේවිකා බක්ෂි (ඉන්දියාව) - පැය 1:43.13
4 ලිං චෙයුන් (චීනය) - පැය 1:55.28
5 අයෝධ්‍යා ජයවර්ධන (ශ්‍රී ලංකාව) - පැය 1:58.39

 

අමිල සනත් කුමාර
 

සුරංග ගුණසේකර
 

පී.ඩී. අරුණසිරි

 

කොළඹ මැරතන් තරගයේ විශේෂ අවස්ථා...

ඡායාරූප - ළහිරු හර්ෂණ

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...