. සහතිකයක ප්‍රශ්නයකින් මේසපන්දු නිලවරණය වැට උඩ | කෙළිමඬල
2019 අපේ‍්‍රල් මස 25 වැනි බ‍්‍රහස්පතින්දා
සහතිකයක ප්‍රශ්නයකින් මේසපන්දු නිලවරණය වැට උඩ
2018-10-08 21:00:59 | ශානුක අරවින්ද

ශ්‍රී ලංකා මේසපන්දු සංගමයේ සභාපති ධූරය සඳහා නාමයෝජනා ඉදිරිපත් කරනු ලැබ සිටින ලලිත් ලියනගේ මහතාට නිලවරණයට සහභාගි වීමට අවසර ලබාදීම සම්බන්ධයෙන් මෙතෙක් තීරණයක් ගෙන නොමැති බව නිලවරණ කමිටුවේ සභාපති ජී.ජී. වීරක්කොඩි මහතා ‘ලංකාදීප’යට පැවැසීය.

ශ්‍රී ලංකා මේසපන්දු සංගමයේ නිලවරණය සඳහා ඉදිරිපත්ව තිබූ නාමයෝජනා විවෘත කිරීම, විරෝධතා බාරගැනීම සහ විරෝධතා විභාග කිරීම ඉකුත් සෙනසුරාදා (6 වැනිදා) පැරණි ක්‍රීඩා අමාත්‍යංශ ගොඩනැගිල්ලේදී සිදු කෙරිණ. එහිදී ලියනගේ මහතා ශ්‍රී ලංකාව නියෝජනය කරමින් මේසපන්දු තරගවලට සහභාගි වූ බව සනාථ කිරීම සඳහා ඉදිරිපත් කළ සහතිකයක් සම්බන්ධයෙන් ගැටලුකාරී තත්වයක් උද්ගත විය. එහිදී ඒ සම්බන්ධයෙන් වැඩිදුර උපදෙස් ලබාගැනීම සඳහා එම සහතිකය ක්‍රීඩා අමාත්‍යංශයේ නීති අංශයට යොමු කිරීමට නිලවරණ කමිටුව පියවර ගත්තේය.

එම සිදුවීම සම්බන්ධයෙන් වැඩිදුරටත් අදහස් දැක්වූ වීරක්කොඩි මහතා කියා සිටියේ ඊයේ (8 වැනිදා) පස්වරුව වන තුරුත් ක්‍රීඩා අමාත්‍යංශයෙන් තමන්ට කිසිදු උපදෙසක් නොලැබුණ බවත්, අවශ්‍ය උපදෙස් ලැබුණ විගස නිලවරණ කමිටුවේ සෙසු සාමාජිකයන් දෙදෙනා සමග සාකච්ඡා කර ලියනගේ මහතාට නිලවරණයට සහභාගි වීමට අවසර ලබා දෙනවාද නැද්ද යන්න සම්බන්ධයෙන් අවසන් තීරණයක් ලබාදෙන බවත්ය.

කෙසේ වුවත් මෙම සිදුවීම සම්බන්ධයෙන් නිලවරණ කමිටුව අවසන් තීරණයක් ලබාදෙන තුරු මේසපන්දු සංගමයේ මහ සභා රැස්වීම පැවැත්වීම සඳහා දිනයක් යොදාගැනීමට නොහැකි තත්වයක් උද්ගත වී තිබේ.

නිලවරණය සඳහා ඉදිරිපත් වී ඇති නාමයෝජනා සම්බන්ධයෙන් ‘ලංකාදීප’ කළ විමසුමදී ශ්‍රී ලංකා මේසපන්දු සංගමයේ ලේකම් කසුන් විතාන මහතා පවසා සිටියේ සභාපති ධූරය හැරෙන්නට සංගමයේ සෙසු තනතුරු සඳහා මේ වන විටත් නිලධාරීන් නිතරගයෙන් පත්ව සිටින බවයි. ඒ සඳහා නාමයෝජනා එකකට වඩා ඉදිරිපත් වී නොතිබීම ඊට හේතුව ලෙස ඔහු සඳහන් කළේය. මතභේදයට තුඩුදුන් ලලිත් ලියනගේ මහතාගේ නාමයෝජනාව ප්‍රතික්ෂේප කිරීමට නිලවරණ කමිටුව පියවර ගතහොත් සභාපති ධූරය සඳහා මන්සිල් මුතාලිෆ් මහතා නිතරගයෙන් පත්වන බවද හෙතම කියා සිටියේය.

එහිදී වැඩිදුරටත් අදහස් දක්වමින් කසුන් මහතා කියා සිටියේ සංගමයේ ව්‍යවස්ථාවට අනුව උප සභාපති ධූර 8 ක් සඳහා නිලධාරීන් තෝරාපත් කරගත යුතු වුවත්, ඒ සඳහා නාමයෝජනා ඉදිරිපත් කර ඇත්තේ අපේක්ෂකයන් 7 දෙනෙක් පමණක් බවයි. සභාපති ධූරය සඳහා ඉදිරිපත්වී සිටින මන්සිල් මුතාලිෆ් මහතාද උප සභාපති ධූරයක් සඳහා නාමයෝජනා ඉදිරිපත් ඇති නිසා නිලවරණයට පෙර ඔහු එම නාමයෝජනාව ඉවත්කර ගතහොත් උප සභාපති ධූර 2 ක් සඳහා පුරප්පාඩු ඇතිවන බවද කසුන් මහතා පැවසීය.


මේසපන්දු සංගමයේ නිලවරණය (2018-2019) සඳහා ඉදිරිපත්වී ඇති නාමයෝජනා

■    සභාපති - මන්සිල් මුතාලිෆ් (සඹරගමුව පළාත් මේසපන්දු සංගමය) සහ ලලිත් ලියනගේ (ටිබා මේසපන්දු ක්‍රීඩා සමාජය)
■    උප සභාපතිවරු - චම්පා ද සිල්වා (ටිබා මේසපන්දු ක්‍රීඩා සමාජය), මන්සිල් මුතාලිෆ් (සඹරගමුව පළාත් මේසපන්දු සංගමය), මධුෂානි පෙරේරා (රාජ්‍ය සේවා මේසපන්දු සංගමය), සංජීව පල්ලෙගෙදර (නුවරඑළිය දිස්ත්‍රික් මේසපන්දු සංගමය), එම්.එස්. කෝදාගොඩ (ස්ටැග් මේසපන්දු ක්‍රීඩා සමාජය), ප්‍රභාත් නිමේෂ් (ක්‍රීඩා භූමි සංවර්ධන මේසපන්දු ලීගය) සහ චමින්ද රොෂාන් (පාසල් මේසපන්දු සංගමය)
■    ලේකම් - චන්දන ශ්‍රීනාත් (නුගේගොඩ මේසපන්දු ක්‍රීඩා සමාජය)
■    සහකාර ලේකම් - එරාන් සම්පත් (සඹරගමුව මේසපන්දු සංගමය)
■    භාණ්ඩාගාරික - වරුණ නිලංග (නුගේගොඩ මේසපන්දු ක්‍රීඩා සමාජය)
■    උප භාණ්ඩාගාරික - රවින්ද්‍ර ඒකනායක (වැල්ලවත්ත මේසපන්දු ක්‍රීඩා සමාජය)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ශම්මි සිල්වා...
2019-04-18 18:37:22
“ලෝක පූජිත ක්‍රීඩකයෙක් වුණ පළියට හොඳ නායකයෙක් වෙන්නේ නෑ. හොඳ නායකයෙක් ලෝක පූජිත ක්‍රීඩකයෙක් වෙන්නෙත් නෑ. මාලිංගට තරග 12 ක් ලබා දුන්නා...
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...