. ශ්‍රී ලංකාවට පළමු දිනයේදී පදක්කම් 5ක් | කෙළිමඬල
2018 දෙසැම්බර් මස 11 වැනි අගහරුවාදා
ශ්‍රී ලංකාවට පළමු දිනයේදී පදක්කම් 5ක්
2018-10-08 21:11:36 | .

ඉන්දුනීසියාවේදී පැවැත්වෙන ආසියානු පැරා ක්‍රීඩා උළෙලේ ඊයේ (8 වැනිදා) පැවැති ඉසව්වලදී රන් පදක්කමක්, රිදී පදක්කම් 3 ක් සහ ලෝකඩ පදක්කමක් දිනාගැනීමට ශ්‍රී ලංකා ක්‍රීඩක ක්‍රීඩිකාවෝ සමත් වූහ. තරගාවලියට සහභාගි වී සිටින රටවල් 44 අතරින් 26 ක්ම මේ වන විට පදක්කම් ලබා සිටින අතර ශ්‍රී ලංකාව පසුවන්නේ එහි 13 වැනි ස්ථානයේය.

ඊයේ පැවැති ටී.42/63 කාණ්ඩයේ (පිරිමි) මීටර් 200 ඉසව්වේ රන් පදක්කම දිනාගැනීමට ශ්‍රී ලංකාවේ අමිල ප්‍රසන් සමත් විය. ඔහුට එම ඉසව්ව නිමා කිරීම සඳහා ගතවූ කාලය තත්පර 25.01 කි. එම ඉසව්වේ රිදී සහ ලෝකඩ පදක්කම් දෙකද ශ්‍රී ලංකාව සතු වූ අතර පිළිවෙලින් උපුල් ඉන්දික (තත්පර 26.08) සහ චරිත නිර්මල (තත්පර 26.59) එම පදක්කම් වලට හිමිකම් කීහ.

එෆ්.42-44/61-64 කාණ්ඩයේ (පිරිමි) හෙල්ල විසිකිරීමේ ඉසව්වෙන් සහ ටී.45/46/47 කාණ්ඩයේ (කාන්තා) දුර පැනීමේ ඉසව්වෙන් ශ්‍රී ලංකාවට තවත් රිදී පදක්කම් දෙකක් හිමිවිය. මීටර 59.32 ක දුරක් හෙල්ල විසිකරමින් චමින්ද සම්පත්ද, මීටර් 4.51 ක දුරක් පනිමින් අමරා ඉන්දුමතීද එම පදක්කම් දිනාගත්හ.

ශ්‍රී ලංකාව නියෝජනය කරමින් සමිත දුලාන් (හෙල්ල විසිකිරීම) සහ කුමුදු ප්‍රියංකා (දුර පැනීම) ද එම ඉසව් දෙකට සහභාගි වූහ. එහිදී මීටර් 46.57 ක දුරක් හෙල්ල විසිකළ දුලාන්ට මෙන්ම මීටර් 4.41 ක දුරක් වාර්තා කළ ප්‍රියංකාටද සිවුවැනි ස්ථානවලන් සෑහීමකට පත්වීමට සිදුවූහ.

 

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
අසන්ත ද මැල්...
2018-12-04 16:25:21
“කරුණාරත්න කියන්නේ හොඳට හිතා මතා ක්‍රීඩා කරන ක්‍රීඩකයෙක්. ඒ (උපනායක) තනතුරට අපට ඒ වගේ කෙනෙක් ඕනෑ. මොකද ඒ වගේ කෙනෙක් හිටියාම එයාත් එක්...