. ජාතික දැල්පන්දු තරගාවලිය නව ආරකින් | කෙළිමඬල
2019 අපේ‍්‍රල් මස 25 වැනි බ‍්‍රහස්පතින්දා
ජාතික දැල්පන්දු තරගාවලිය නව ආරකින්
2018-10-09 10:15:19 | නාමල් පතිරගේ

ජාතික කනිෂ්ඨ හා ජාතික ජ්‍යෙෂ්ඨ දැල්පන්දු තරගමාලා පැවැත්වීමේදී මින් ඉදිරියට එහි සෑම තරගයක්ම පැයක කාලයක් දක්වා පැවැත්වීමටත් එම තරගමාලා ගෘහස්ථ ක්‍රීඩංගණවලදී පමණක් පැවැත්වීමටත් ශ්‍රී ලංකා දැල්පන්දු සම්මේලනය තීරණය කර තිබේ.

 මෙතෙක් එම තරගමාලා පැවැත්වීමේදී අවසන් මහ තරග හැරෙන්නට සෙසු තරග විනාඩි 15කට හෝ 20කට සීමා කරමින් පැවැත්විණි. ඒ පිළිබඳව ශ්‍රී ලංකා දැල්පන්දු සම්මේලනයේ සභාපතිනි ට්‍රික්ෂි නානායක්කාර මහත්මිය “ලංකාදීපය කළ විමසුමකදී පැවසුවේ දේශීය තරග විනාඩි 15ක් තරම් කෙටි කාලයකට සීමාවීම තුළ ජාත්‍යන්තර තරග බිමට පිවිසෙන ශ්‍රී ලාංකික ක්‍රීඩිකාවන්ට දැල්පන්දු ක්‍රීඩාවේ නිවැරදි පුහුණුවක් නොලැබෙන බවයි.

 ඇය එහිදී පැවසුවේ ඉදිරියේදි එම තරගමාලා දෙක හැරෙන්නට තවත් ප්‍රධානතම තරගමාලා කීපයක්ම පැවැත්වීමට දැල්පන්දු සම්මේලනය සැලසුම් කර තිබෙන බවයි.

ලබන වසරේ ජූනි හා ජූලි අතර කාලසීමාවේදී පැවැත්වෙන ලෝක යොවුන් දැල්පන්දු ශූරතා තරගාවලිය හා ලෝක කුසලාන දැල්පන්දු තරගාවලිය ඉලක්ක කරමින් පවත්වා ගෙන යන ජාතික කනිෂ්ඨ හා ජාතික ජ්‍යෙෂ්ඨ යන දැල්පන්දු සංචිත සඳහා එළඹෙන ජාතික කනිෂ්ඨ හා ජාතික ජ්‍යෙෂ්ඨ දැල්පන්දු තරගමාලාවලදී දක්ෂතා දක්වන නවක ක්‍රීඩිකාවන්ට ද එම සංචිතවලට ඇතුළත්වීමේ අවස්ථාව උදාවන බව දැල්පන්දු සම්මේලනයේ සභාපතිනිය පවසයි.

 එංගලන්තයේ “ලිවර්පූල්” හිදී ලබන ජූලි මාසයේදී පැවැත්වෙන ලෝක දැල්පන්දු ශූරතා තරගාවලිය ඉලක්ක කරමින් ජාතික දැල්පන්දු සංචිතයේ නැවත පුහුණුවීම් මෙම 23 වැනිදා ආරම්භ වේ.

ශ්‍රී ලංකාව නොබෝදා ආසියානු දැල්පන්දු ශූරතා කුසලාන දිනා ගැනීමෙන් රට තුළ ගොඩනැගූණු දැල්පන්දු ප්‍රබෝධය එළඹෙන ලෝක දැල්පන්දු ශූරතාවලිය තෙක් ආරක්ෂා කරගැනීම දැල්පන්දු සම්මේලනයේ අපේක්ෂාව බව එහි සභාපතිනිය පෙන්වා දෙයි.

ශ්‍රී ලංකා දැල්පන්දු සම්මේලනය ඉදිරියේදී පැවැත්වීමට නියමිත තරග මාලා

● ඔක්තෝම්බර් 20-21:- ජාතික කනිෂ්ඨ දැල්පන්දු  තරගාවලිය (දෙවැනි අදියර):- පේරාදෙණිය විශ්වවිද්‍යාල පිටියේදී.

● ඔක්තෝබර්:- 25 සිට 31 වැනිදා දක්වා ජාතික දැල්පන්දු තරගාවලියේ මූලිකවටය පළාත් ගෘහස්ථ ක්‍රීඩාංගණවලදී (අවසන් මහ තරගය යොදාගත් දිනකදී කොළඹදී පැවැත් වේ.)
ඒ සඳහා දිස්ත්‍රික් සංගම් වෙතින් අයදුම්පත් බාර ගැනීම මෙම 13 වැනිදා අවසන් කෙරේ. දිස්ත්‍රික් හා අනුබද්ධ සංගමයක ශූරතාව හා අනුශූරතාව හිමිකර ගන්නා කණ්ඩායම් ජාතික ශූරතා තරගාවලියට නිර්දේශ කෙරේ.

● නොවැම්බර් 6, 7, 10, 11:- ශ්‍රේණිගත කිරීමේ තරගාවලිය එළිමහන් ක්‍රීඩාංගණයකදී පැවැත් වේ.

● ජනවාරි 18 සිට 25 දක්වා - සුපිරි ලීග තරගාවලිය ශ්‍රේණිගත කිරීමේ තරගාවලියේ පස්වැනි ස්ථානය දක්වා පැමිණි කණ්ඩායම් පහ - ජාතික කනිෂ්ඨ තරගාවලියේ ශූරතාව හා අනුශූරතාව ලද කණ්ඩායම් දෙක හා වයස 19 න් පහළ කණ්ඩායම් හතරක් මෙම තරගාවලියට එක්කර ගැනේ.

● රාත්‍රී තරගාවලිය:- විදුලි ආලෝක ධාරා මධ්‍යයේ පැවැත්වෙන මෙම තරගාවලියට ශ්‍රේණිගත කිරීමේ තරගාවලියේ අටවැනි ස්ථානය දක්වා පැමිණි කණ්ඩායම් සහභාගි කර ගැනේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ශම්මි සිල්වා...
2019-04-18 18:37:22
“ලෝක පූජිත ක්‍රීඩකයෙක් වුණ පළියට හොඳ නායකයෙක් වෙන්නේ නෑ. හොඳ නායකයෙක් ලෝක පූජිත ක්‍රීඩකයෙක් වෙන්නෙත් නෑ. මාලිංගට තරග 12 ක් ලබා දුන්නා...
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...