. වලංගුභාවය සොයන්න සහතිකය වටේ යවයි | කෙළිමඬල
2018 ඔක්තෝබර් මස 18 වැනි බ‍්‍රහස්පතින්දා
වලංගුභාවය සොයන්න සහතිකය වටේ යවයි
2018-10-10 21:16:22 | ශානුක අරවින්ද

ශ්‍රී ලංකා මේසපන්දු සංගමයේ 2018-2019 නිලවරණයේදී සභාපති ධූරයට තරග වැදීම සඳහා එම සංගමයේ උප සභාපතිවරයකු වන ලලිත් ලියනගේ මහතා ඉදිරිපත් කළ නාමයෝජනාව පිළිගැනීම හෝ නොගැනීම සම්බන්ධයෙන් නිශ්චිත තීරණයක් ප්‍රකාශයට පත්කිරීමට නිලවරණ කමිටුව තවමත් අසමත් වී තිබේ.

තමා ශ්‍රී ලංකාව නියෝජනය කරමින් මේසපන්දු තරගවලියකට සහභාගි වූ බව සනාථ කිරීම සඳහා ලියනගේ මහතා නිලවරණ කමිටුවට ඉදිරිපත් කර තිබූ සහතිකයක් සම්බන්ධයෙන් නාමයෝජනා විවෘත කළ දිනයේදී ගැටලුකාරී තත්වයක් උද්ගත විය. ඒ අනුව එම සහතිකයේ වලංගුභාවය සම්බන්ධයෙන් වැඩිදුර උපදෙස් ලබාගැනීම සඳහා එය ක්‍රීඩා අමාත්‍යංශයේ නීති අංශයට යොමු කිරීමට නිලවරණ කමිටුව පියවර ගත්තේය.

සහතිකය සම්බන්ධයෙන් නීති අංශයෙන් ලැබෙන උපදෙස්වලට අනුව නිලවරණ කමිටුවේ සෙසු සාමාජිකයන් වන චන්දන ලියනගේ මහතා (ජාතික ඔලිම්පික් කමිටුව) සහ සුභානි උඩවත්ත මහත්මිය (ක්‍රීඩා අමාත්‍යංශය) සමග සාකච්ඡා කර ලලිත් ලියනගේ මහතාගේ නාමයෝජනාව සම්බන්ධයෙන් අවසන් තීරණයකට එළබෙන බව එම කමිටුවේ සභාපති ජී.ජී. වීරක්කොඩි මහතා මින් පෙර අවස්ථාවක ‘ලංකාදීප’යට පැවසීය.

එසේ වුවත් මේ වන විට ඒ සම්බන්ධයෙන් තීරණයක් ගැනීමේ වගකීම ශ්‍රී ලංකා මේසපන්දු සංගමයට පැවරීමට නිලවරණ කමිටුව පියවර ගෙන තිබේ. එම කමිටුවේ නිලධාරීන් තිදෙනාගේම අත්සන් සහිත ලියැවිල්ලක් මගින් ඔවුන් එම වගකීම ශ්‍රී ලංකා මේසපන්දු සංගමයට පවරා තිබේ. ලියනගේ මහතාගේ සහතිකය ශ්‍රී ලංකාව නියෝජනය කිරීම වෙනුවෙන් ලැබූ සහතිකයක්ද නැද්ද යන්න පිළිබඳව පැහැදිලි කිරීමක් කරන ලෙසද එම ලියැවිල්ල ඔස්සේ නිලවරණ කමිටුව, ශ්‍රී ලංකා මේසපන්දු සංගමයෙන් ඉල්ලා සිටියි.

තවද අදාල සහතිකය ශ්‍රී ලංකාව නියෝජනය කිරීම වෙනුවෙන් ලැබූ සහතිකයක් නම් ලියනගේ මහතාගේ නාමයෝජනාව පිළිගැනීමටත්, එය ශ්‍රී ලංකාව නියෝජනය කිරීම වෙනුවෙන් ලැබූ සහතිකයක් නොවන්නේ නම් ඔහුගේ නාමයෝජනාව ප්‍රතික්ෂේප කිරීමටත් නිලවරණ කමිටුව ශ්‍රී ලංකා මේසපන්දු සංගමට නිර්දේශ කර තිබේ. ඒ අනුව ලියනගේ මහතාගේ සහතිකය සම්බන්ධයෙන් ශ්‍රී ලංකා මේසපන්දු සංගමය ගන්නා තීරණය මත ඔහුගේ නාමයෝජනාව ප්‍රතික්ෂේප වනවාද නැද්ද යන්න තීරණය කෙරෙනු ඇත.

මේසපන්දු සංගමයේ නිලවරණය සඳහා ඉදිරිපත්ව තිබූ නාමයෝජනා විවෘත කිරීම, විරෝධතා බාරගැනීම සහ විරෝධතා විභාග කිරීම ඉකුත් සෙනසුරාදා (6 වැනිදා) පැරණි ක්‍රීඩා අමාත්‍යංශ ගොඩනැගිල්ලේදී පැවැත්විණ. එහිදී ලියනගේ මහතාගේ නාමයෝජනවට එරෙහිව ශ්‍රී ලංකා ප්‍රවීනයන්ගේ මේසපන්දු සංගමයෙන් විරෝධතාවක් ඉදිරිපත් වූ අතර එහි සඳහන් වූයේ ලියනගේ මහතාගේ නාමයෝජනව ක්‍රීඩා පනතට අනුකූල නොවන බවයි.

තමා ශ්‍රී ලංකාව නියෝජනය කළ බවට ලියනගේ මහතා නිලවරණ කමිටුවට ඉදිරිපත් කර ඇති සහතිකය 2017 වසරේ මෙරටදී පැවැති ප්‍රවීනයන්ගේ ජාත්‍යන්තර මේසපන්දු තරගාවලියකට සහභාගි වීම වෙනුවෙන් ඔහු ලැබූ සහතිකයකි. ලියනගේ මහතා එම තරගාවලියට සහභාගි වී ඇත්තේ තමා සභාපතීත්වය දරන ස්ටැග් මේසපන්දු ක්‍රීඩා සමාජය නියොජ්නය කරමින් බවටත්, ස්ටැග් මේසපන්දු ක්‍රීඩා සමාජය හැරුණුකොට මෙරට තවත් ක්‍රීඩා සමාජ සහ ක්‍රීඩා සංගම් රැසකින් එම තරගාවලිය සඳහා ක්‍රීඩකයන් සහභාගි වී ඇති බවටත් මේ වන විට කරුණු අනාවරණය වී තිබේ.

යම්කිසි ක්‍රීඩකයෙක් තමා ශ්‍රී ලංකාව නියෝජනය කළා යැයි කියන්නේ නම් ඔහු තේරීම් කමිටුවක් මගින් තෝරාගත් ක්‍රීඩකයකු විය යුතු බවත්, එසේ නොවන්නේ නම් ඔහු තේරීම් තරගාවලියට සහභාගි වී ඉන් තේරුණ ක්‍රීඩකයකු විය යුතු බවත් මේසපන්දු ප්‍රවීනයෝ පෙන්වා දෙති.

එසේ වුවත් තමා ශ්‍රී ලංකාව නියෝජනය කළ බවට සාක්ෂි ලෙස ලියනගේ මහතා ඉදිරිපත් කර ඇති සහතිකය ලබාගත් තරගාවලියට ඉහත පරිදි තේරීම් තරගාවලියකින් හෝ තේරීම් කමිටුවක් මගින් තෝරාගත් ක්‍රීඩකයන් පිරිසක් සහභාගි වී නොමැති බව වාර්තා වේ. ඒ සම්බන්ධයෙන් වැඩිදුර සොයා බැලීමේදී දැනගත හැකි වූයේ මෙටර ඕනෑම ප්‍රවීන ක්‍රීඩකයකුට එම තරගාවලියට සහභාගි වීමට අවස්ථාව හිමිවී ඇති බවයි.

ඒ අනුව ලියනගේ මහතා ඉදිරිපත් කළ සහතිකය ශ්‍රී ලංකාව නියෝජනය කළ බවට පිළිගත නොහැකි බව සඳහන් කරමින් උක්ත තරගාවලිය සංවිධානය කළ ශ්‍රී ලංකා ප්‍රවීනයන්ගේ මේසපන්දු සංගමයද එම සංමගේ සභාපති මොහොමඞ් ලෆීර් මහතාගේ අත්සන සහිත ලිපියක් ශ්‍රී ලංකා මේසපන්දු සංගමයේ වැඩ බලන සභාපති චතුර ජයේන්ද්‍ර මහතාට යොමුකර තිබේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
මාලිංග ලෝක කුසලාන තරගාවලිය ඉලක්ක කරයි...
2018-10-14 17:23:45
දැන්ම ක්‍රීඩාවෙන් විශ්‍රාම ගැනීම සම්බන්ධයෙන් තවමත් තමාගේ කිසිදු අදහසක් නොමැති බවත්, අවස්ථාව හිමි වුවහොත් 2019 වසරේදී පැවැත්වෙන එක්...
දඹුල්ලේ තරග අපට ගැටළුවක් නෙමේ - අකිල ධනංජය...
2018-10-12 17:31:05
  සංචාරක එංගලන්ත කණ්ඩායමට එරෙහිව රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී හෙට (13 වැනිදා) පැවැත්වෙන දෙවැනි එක්ද...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....