. ශ්‍රීනාත් අවසන් තරගය ඉලක්ක කරයි | කෙළිමඬල
2019 අපේ‍්‍රල් මස 23 වැනි අගහරුවාදා
ශ්‍රීනාත් අවසන් තරගය ඉලක්ක කරයි
2018-10-12 18:31:26 | යොහාන් භාසුර

ආසියානු සත් සාමාජික රග්බි තරගාවලි මාලාවේ තෙවැනි සහ අවසන් අදියරේ තරගාවලියේදී ශ්‍රී ලංකා කණ්ඩායම අවසන් මහා තරගයට සුදුසුකම් ලබාගැනීමේ බලාපොරොත්තුවෙන් සිටින බව ශ්‍රී ලංකා සත් සාමාජික රග්බි පිලේ ශ්‍රීනාත් සූරියබණ්ඩාර ‘ලංකාදීප’යට පැවසීය.

මෙම තරගාවලිය කොළඹ පැරණි තුරඟ තරග පිටියේදී සති අන්තයේදී (13 සහ 14) දිවා රාත්‍රී තරගාවලියක් ලෙස පැවැත්වේ. පළමු දිනය වන අද  පස්වරු 1.30 ට සිට පස්වරු 7.30 දක්වා තරග පැවැත්වෙන අතර දෙවැනි දිනයේ තරග පෙරවරු 10.30 ට ආරම්භ වීමට නියමිතය.

එහිදී සූරියබණ්ඩාර වැඩි දුරටත් මෙසේ ද පැවසීය.  

“මෙම තරගාවලියට අපි ගොඩක් හොඳ සූදානමින් ඉන්නේ. පළමු දිනයේ අපිට චීනය සහ චීන තායිපේ යන කණ්ඩායම්වලට එරෙහිව තරග දෙකකට සහභාගි වෙන්න තියෙනවා. එම තරග දෙක අපි අනිවාර්යෙන්ම ජය ලැබිය යුතුයි. මොකද දෙවැනි දිනයේ හොං කෙං පිලට එරෙහිව තරගයට මුහුණ දීමට තිබෙනවා”

“පළමු තරගාවලි දෙකේම අපි සිවුවැනි ස්ථානයට පත්වුණා. එහිදී අපිට අවසන් පූර්ව කඩ ඉම පැනගන්න නොහැකි වුණා. වසර කීපයක සිට වෙන්න ඔය දෙයමයි. නමුත් ශ්‍රී ලංකාවේ පැවැත්වෙන මෙම තරගාවලියේ අවසන් මහා තරගයට යන්න තමයි අපේ සූදානම”

“අපිට පෙර තරගාවලිවලදී හොං කොං කණ්ඩායම මුණගැසුණේ අවසන් පූර්ව වටයේදීයි. නමුත් මෙවර පළමු වටයේ අවසන් තරගයේදී හොං කොං පිල හමුවෙනවා”

“හොඳට ක්‍රීඩා කළහොත් අපිට ඉදිරියට යන්න පුළුවන් කියලා මම හිතනවා”
ප්‍රබල ක්‍රීඩකයන් රැසක් ආබාධයන්ට ලක්වීම නිසා පෙර තරගාවලි අහිමිවීම පිළිබඳව සූරියබණ්ඩාර මෙසේ පැවසීය.

“ක්‍රීඩකයන් ආබාධයන්ට ලක්වීම අපිට පාඩුවක් වඅණා තමයි. නමුත් මෙම තරගාවලියේදී අපේ තුවාල ලැබූ සියලුම ක්‍රීඩකයන්ගේ සේවය ලැබී තිබෙනවා. ධනුෂ්ක රංජන්, කවිඳු පෙරේරා සහ ගයාන් වීරරත්න මෙම තරගාවලියට ක්‍රීඩා කරන්න සූදානමින් ඉන්නවා. ඒ නිසා අපි ඉලක්කයට යන්න හැකියාව ලැබෙයි කියලා හිතනවා” නායකයා වැඩි දුරටත් පැවසීය.

ජපානය, දකුණු කොරියාව, පිලිපීනය සහ මැලේසියාව ‘ඒ’ කණ්ඩායේ ද, හොංකොං, චීනය, ශ්‍රී ලංකාව සහ චීන තායිපේ ‘බී’ කාණ්ඩයේ ද, පළමු වටයේ තරග කරයි. මෙහිදී ශ්‍රී ලංකා පිරිමි කණ්ඩායම සහභාගගි වන පළමු තරගය චීනයට එරෙහිව අද පස්වරු 3.42 ට ආරම්භ වීමට නියමිතය.

හොං කොං තරගාවලියේදී ආබාධවලට ලක්වූ ප්‍රබල ක්‍රීඩකයන් වන කවිඳු පෙරේරා, ධනුෂ්ක රංජන් සහ ගයාන් විරරත්න මෙම තරගාවලියේදී ක්‍රීඩා කිරීමට සූදානම්ව සිටිති.   

හොං කොංහිදී  සහ දකුණු කොරියාවේදී පැවැති අදියර දෙකේදී ජපානය පිරිමි සහ කාන්තා ශූරතා දිනාගැනීමට සමත් විය. ශ්‍රී ලංකාව එහිදී සිවුවැනි ස්ථානය හිමිකර ගත්තේය.

පිරිමි තරගාවලියේ කුසලාන ශූරතාව සහ අනු ශූරතාව හිමිකරගන්නා කණ්ඩායම් දෙකට ලබන වසරේ හොං කොං සත් සාමාජික රග්බි තරගාවලියට සුදුසුකම් ලැබීමේ අවස්ථාව හිමිවේ.

හොං කොං, ශ්‍රී ලංකා, ජපානය සහ දකුණු කොරියාව ‘සී’ කාණ්ඩයේ ද, චීනය, තායිලන්තය, කසකස්තානය සහ සිංගප්පූරුව ‘බී’ කාණ්ඩයේ ද, කාන්තා තරගාවලියේ පළමු වටයේ තරග කරයි.  

කාන්තා තරගාවලියේ පෙරමුණ ගන්නා කණ්ඩායම් හතර ලබන වසරේ හොංකොං කාන්තා සත් සාමාජික රග්බි තරගාවලියට සුදුසුකම් ලබයි.


ශ්‍රී ලංකා පිරිමි සත් සාමාජික රග්බි සංචිතය:
ශ්‍රීනාත් සූරියබණ්ඩාර (නායක), දනූෂ් දයාන්, රීෂා රෆයිඩීන්, කෙවින් ඩික්සන්, අධීෂ වීරතුංග, නවීන් හේනකංකාන්ම්ගේ, දිනුක් අමරසිංහ, ගයාන් විරරත්න, ධනුෂ්ක රංජන්, කවිඳු පෙරේරා, සුදම් සූරිආරච්චි සහ ඔමල්ක ගුණරත්න

ශ්‍රී ලංකා කාන්තා සත් සාමාජික රග්බි සංචිතය:
සංජීවනී ද සිල්වා (නායිකා), වාසනා විරක්කොඩි, තීක්‍ෂනා ලියනගේ, නදීකා මුණසිංහ, දසුනි ද සිල්වා, අයේෂා පෙරේරා, දුලානි පල්ලිකොන්දගේ, ජීවන්ති ගුණවර්ධන, අයේෂ් කළුආරච්චි, තනූජා වීරක්කොඩි, දිලිනි කාංචනා සහ කුමාරි නහෙල්මගේ

 

ශ්‍රී ලංකා පිරිමි පිලේ පළමු වටයේ තරග කාලසටහන
● 13 වැනිදා - ශ්‍රී ලංකාව සහ චීනය අතර පස්වරු 3.42
● 13 වැනිදා - ශ්‍රී ලංකාව සහ චීන තායිපේ අතර පස්වරු 7.22
● 14 වැනිදා - ශ්‍රී ලංකාව සහ හොංකොං අතර පස්වරු 12.12


ශ්‍රී ලංකා කාන්තා පිලේ පළමු වටයේ තරග කාලසටහන
● 13 වැනිදා - ශ්‍රී ලංකාව සහ හොංකොං අතර පස්වරු 3.36
● 13 වැනිදා - ශ්‍රී ලංකාව සහ දකුණු කොරියාව අතර පස්වරු 5.20
● 14 වැනිදා - ශ්‍රී ලංකාව සහ ජපානය අතර පෙරවරු 10.44

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...