. ශ්‍රී ලංකා ක්‍රීඩකයෝ තරග දෙකම දිනති | කෙළිමඬල
2019 අපේ‍්‍රල් මස 23 වැනි අගහරුවාදා
ශ්‍රී ලංකා ක්‍රීඩකයෝ තරග දෙකම දිනති
2018-10-13 21:37:03 | යොහාන් භාසුර

ආසියානු සත් සාමාජික රග්බි තරගාවලි මාලාවේ තෙවැනි සහ අවසන් අදියර ලෙස කොළඹ පැරණි තුරඟ තරග පිටියේදී අද (13) ආරම්භ වූ ශ්‍රී ලංකා සත් සාමාජික රග්බි තරගාවලියේ පළමු දිනයේ ශ්‍රී ලංකා පිරිමි කණ්ඩායම සහභාගි වූ තරග දෙකම ජය ලැබීමට සමත් විය.

ශ්‍රී ලංකා ක්‍රීඩකයෝ අද දිනයේ අවසන් තරගයේදී ලකුණු 43-0 ක් ලෙස පහසුවෙන් චීන තායිපේ පිල පරාජය කිරීමට සමත් වූහ.

එහිදී චීන තායිපේ ක්‍රීඩකයන්ට ශ්‍රී ලංකා ක්‍රීඩකයන් ගෝල සීමාව ආක්‍රමණය කරන ආකාරය දෙස බලාසිටීමට පමණක් සිදුවිය. එහිදී ශ්‍රී ලංකා පිල උත්සාහක දිනුම් 7 ක් සම්පූර්ණ කළ අතර ඉන් හතරක් ගෝල බවට ප්‍රවර්ථනය කළේය.

එහිදී කෙවින් ඩික්සන් සහ ගයාන් වීරරත්න උත්සාහක දිනුම් දෙක බැගින් ද, කවිඳු පෙරේරා, ධනුෂ්ක රංජන් සහ දනූෂ් දයාන් උත්සාහක දිනුම බැගින් ද, සම්පූර්ණ කිරීමට සමත් වූහ.

කෙවින් ඩික්සන් ගෝල ප්‍රවර්ථන දෙකක් ද, නායක ශ්‍රීනාත් සූරියබණ්ඩාර සහ සුදම් සූරියආරච්චි ගෝල ප්‍රවර්ථනය බැගින් ද, සාර්ථක කළහ.

ශ්‍රී ලංකා පිල සහභාගි වූ පළමු තරගයේදී ලකුණු 19-12 කින් චීනය පරාජය කළේය. එහිදී ශ්‍රී ලංකා පිල ගෝල දෙකක් සහ උත්සාහක දිනුමකින් ලකුණු ලැබීය.

දනූෂ් දයාන්, ධනුෂ්ක රංජන් සහ ශ්‍රීනාත් සූරියබණ්ඩාර එහිදී ශ්‍රී ලංකා පිලට උත්සාහක දිනුම් එකතු කළහ. සුදම් සූරියබණ්ඩාර ගෝල ප්‍රවර්ථන දෙක සාර්ථක කළේය.

ශ්‍රී ලංකා පිරිමි කණ්ඩායම පළමු වටයේ සහභාගි වන අවසන් තරගය හොංකොං පිලට එරෙහිව හෙට (14) පස්වරු 12.12 ට ආරම්භ වීමට නියමිතය.

ශ්‍රී ලංකා කාන්තා පිල අද පස්වරුවේ සහභාගි වූ තරගයේදී ලකුණු 26-10 කින් දකුණු කොරියාව පරාජය කිරීමට සමත් විය.

එහිදී තනූජා වීරක්කොඩි කැපී පෙණෙන දස්කම් දක්වමින් මීටර 50 පමණ දුවමින් උත්සාහක දිනුම් දෙකක් සම්පූර්ණ කිරීම කැපී පෙනුණි. අයේෂා කළුආරච්චි ද උත්සාහක දිනුම් දෙකක් සම්පූර්ණ කරමින් ගෝල ප්‍රවර්ථන තුනක් ද සාර්ථක කළාය.

එහිදී අයේෂා කළුආරච්චි ගෝල ප්‍රවර්ථනය සඳහා විශේෂ හැකියාවක් දැක්වීම කැපී පෙනුණි.
ශ්‍රී ලංකා කාන්තා පිල පෙරවරුවේ පැවැති පළමු තරගයේදී හොංකොං පිල හමුවේ ලකුණු 29-0 ක පරාජයක් ලැබීය.

ශ්‍රී ලංකා කාන්තා පිලේ අනුෂා අත්තනායක සහ සංදිකා හේමකුමාරි යන ක්‍රීඩිකාවන් ඊයේ තරගවලදී ආබාධයන්ට ලක්වීමෙන් තරගාවලියෙන් ඉවත්වීමට සිදුවූහ.  

 

ශ්‍රී ලංකා කාන්තා පිල පළමු වටයේ සහභාගි වන අවසන් තරගය ප්‍රබල ජපන් පිලට එරෙහිව හෙට (14) පෙරවරු 10.44 ට ආරම්භ වීමට නියමිතය.  
පළමු දිනයේ තරග අවසන් වන විට පිරිමි තරගාවලියේ ශ්‍රී ලංකාව, ජපානය, හොංකොං සහ පිලිපීනය අපරාජිතව සිටියේය.
කාන්තා තරගාවලියේ චීනය, කසකස්තානය සහ ජපානය පළමු දිනය අවසන් වන විට අපරාජිතව සිටියේය.      
තරගාවලියේ දෙවැනි සහ අවසන් දිනය වන හෙට (14) තරග පෙරවරු 10.30 ට ආරම්භ වීමට නියමිතය.

පළමු දිනයේ තරග ප්‍රතිඵල
පිරිමි තරගාවලිය
● පිලිපීනය විසින් ලකුණු 34-5 කින් දකුණු කොරියාව පරාජය කරන ලදී
● ජපානය විසින් ලකුණු 61-0 කින් මැලේසියාව පරාජය කරන ලදී
● ශ්‍රී ලංකාව විසින් ලකුණු 19-12 කින් චීනය පරාජය කරන ලදී
● හොංකොං විසින් ලකුණු 71-5 කින් චීන තායිපේ පරාජය කරන ලදී
● පිලිපීනය විසින් ලකුණු 24-19 කින් මැලේසියාව පරාජය කරන ලදී
● ජපානය විසින් ලකුණු 40-0 කින් දකුණු කොරියාව පරාජය කරන ලදී
● හොංකොං විසින් ලකුණු 47-7 කින් චීනය පරාජය කරන ලදී
● ශ්‍රී ලංකාව විසින් ලකුණු 43-0 කින් චීන තායිපේ පරාජය කරන ලදී

 

කාන්තා තරගාවලිය
● චීනය විසින් ලකුණු 35-0 කින් තායිලන්තය පරාජය කරන ලදී
● කසකස්තානය විසින් ලකුණු 41-0 කින් සිංගප්පූරුව පරාජය කරන ලදී
● හොංකොං විසින් ලකුණු 29-0 කින් ශ්‍රී ලංකාව පරාජය කරන ලදී
● ජපානය විසින් ලකුණු 46-0 කින් දකුණු කොරියාව පරාජය කරන ලදී
● තායිලන්තය විසින් ලකුණු 14-0 කින් සිංගප්පූරුව පරාජය කරන ලදී
● කසකස්තානය සහ චීනය අතර තරගය සමව (0-0) අවසන් විය.
● ශ්‍රී ලංකාව විසින් ලකුණු 26-10 කින් දකුණු කොරියාව පරාජය කරන ලදී

● ජපානය විසින් ලකුණු 31-7 කින් හොංකොං පරාජය කරන ලදී

 

 

ශ්‍රී ලංකාව සහ චීන තායිපේ අතර පැවැති පිරිමි රග්බි තරගයෙන් ....

 

 

ශ්‍රී ලංකාව සහ චීනය අතර පැවැති  පිරිමි රග්බි තරගයෙන් ....

 

 

ශ්‍රී ලංකාව සහ කොරියාව අතර පැවැති කාන්තා රග්බි තරගයෙන් ....

 

 

ශ්‍රී ලංකාව සහ හොංකොං අතර පැවැති කාන්තා රග්බි තරගයෙන් ....

 

ඡායාරූප - ළහිරු හර්ෂණ

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...