. තිදෙනකුට තහනමක් | කෙළිමඬල
2019 ජනවාරි මස 23 වැනි බදාදා
තිදෙනකුට තහනමක්
2018-10-24 13:25:38 | .

 ශ්‍රී ලංකා වූෂූ සම්මේලනයේ සාමාජිකයක් වූ ජගත් කල්දේරා, සුදත් කෝලිත සහ සුජිත් මංජුකුමාර් යන තිදෙනාගේ සාමාජිකත්වය ශ්‍රී ලංකා වූෂූ සම්මේලනයේ විධායක කමිටුව විසින් තාවකාලිකව තහනම් කරනු ලැබ තිබේ. මෙම සාමාජිකයන් තිදෙනා විසින් ශ්‍රී ලංකා වූෂූ සම්මේලනයේ විධායක සභාවට මෙන්ම එහි වගකීම් දරණ නිලධාරීන්ටත් සමස්තයක් වශයෙන් වූෂූ ක්‍රීඩාවටත් අවමන් වන පරිදි කටයුතු කිරීම හේතුවෙන් මෙම තහනම පනවා ඇතැයි ශ්‍රී ලංකා වූෂූ සම්මේලනය කියයි. 

මෙම තිදෙනාගේ මෑත කාලීන ප්‍රකාශ සම්බන්ධයෙන් වූෂූ සම්මේලනයට ලැබී ඇති පැමිණිලි සම්බන්ධයෙන් ව්‍යවස්ථානුකූලව, විධිමත් විනය පරීක්ෂණයක් පැවැත්වීමට කටයුතු කර ඇති බවත් එම විනය පරීක්ෂණ අවසන් වන තුරු මෙම තාවකාලික තහනම බලපැවැත්වෙන බවත් ශ්‍රී ලංකා වූෂූ සම්මේලනය නිවේදනය කරයි. 

ශ්‍රී ලංකා වූෂූ සම්මේලනය ව්‍යවස්ථාවේ “නීති 5 III - ඒ”වගන්තිය දිගින් දිගටම උල්ලංඝණය කරමින් පසුගිය වසර දෙකක කාලයක් තිස්සේ මෙම සාමාජිකයන් තිදෙනා කටයුතු කර ඇති බවත් කියැවේ. ඒ අනුව ඔවුන්ට පනවා ඇති තහනම් කාලය තුළ ශ්‍රී ලංකා වූෂූ සම්මේලනය නියෝජනය කරමින් එහි සාමාජිකයෙකු ලෙස කිසිදු කටයුත්තකට ඔවුන්හට සහභාගීවීමට නොහැකි බවද වූෂූ සම්මේලනය විසින් නිකුත් කරන ලද නිවේදනයේ සඳහන් වේ. 

ඔවුන් තිදෙනාගෙන් අයකු කිසි දිනෙක වූෂූ ක්‍රීඩකයකු ලෙස කටයුතු කර නොමැති හෙයින් එම තැනැත්තා වූෂූ සම්මේලනයේ සාමාජිකත්වය ලබාගත් අයුරු පිළිබඳ පරීක්ෂණයක් පවත්වන ලෙස සාමාජික සංගම් රැසකගෙන් පැමිණිලි ලැබී ඇති බවත් වූෂූ සම්මේලන නිවේදනයේ සටහන් වේ. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා ‘ඒ’ පිලට 1-0 ක තරගාවලි ජයක්...
2019-01-16 12:42:19
සංචාරක අයර්ලන්ත ‘ඒ’ කණ්ඩායම සහ ශ්‍රී ලංකා ‘ඒ’ කණ්ඩායම අතර සූරියවැව මහින්ද රාජපක්‍ෂ ජාත්‍යන්තර ක්‍ර...
අවිශ්ක - මිලින්ද ‘ඒ’ පිල දිනවති...
2019-01-19 10:02:21
සංචාරක අයර්ලන්ත ‘ඒ’ කණ්ඩායම එරෙහිව සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී අද (19 වැනිදා) පැවැත...
ක්‍රිකට් කාපාළුවෝ ක්‍රීඩා ඇමතිටත් අල්ලස් දෙන්න හදත...
2019-01-18 20:45:26
  ශ්‍රී ලංකා ක්‍රිකට් කණ්ඩායමට ක්‍රීඩකයන් ඇතුළත් කිරීම සඳහා තමන්ට අල්ලස් දීමට තැත්කළ අය පිළිබඳව ජාත්‍යන්තර ක්...
පැටර්සන් - ඩෝරන් ඕස්ට්‍රේලියානු පිල ඔසවා තබති ...
2019-01-17 05:20:22
සංචාරක ශ්‍රී ලංකා කණ්ඩායම සහ ඕස්ට්‍රේලියානු  ක්‍රිකට් ආයතන කණ්ඩායම අතර හෝබාට්හි බෙලෙරිව් ඕවල් ක්‍රීඩාංගණයේදී අද (1...