. පාරමීට කෙන්යාවේ පුහුණුවක් | කෙළිමඬල
2019 පෙබරවාරි මස 21 වැනි බ‍්‍රහස්පතින්දා
පාරමීට කෙන්යාවේ පුහුණුවක්
2018-10-26 16:33:20 | .

ආර්ජන්ටිනාවේ පැවති යොවුන් ඔලිම්පික් ක්‍රීඩා උළෙලේ මීටර 2000 බාධක දිවීමේ ඉසව්වේ තුන්වැනි ස්ථානය හිමි කරගනිමින් ලෝකඩ පදක්කමක් දිනූ කුලියාපිටිය මධ්‍ය මහා විද්‍යාලයේ 11 වසරේ පාරමී වසන්ති මාරිස්ටෙලා ක්‍රීඩිකාව මාස 3 ක පුහුණුවක් සඳහා කෙන්යාවට යැවීමට අධ්‍යාපන අමාත්‍යංශය තීරණය කර තිබේ.
 
අද (26 වැනිදා) පෙරවරුවේදී අධ්‍යාපන අමාත්‍යංශයේ පැවැති විශේෂ ත්‍යාග ප්‍රදානෝත්සවයකදී අධ්‍යාපන අමාත්‍ය අකිල විරාජ් කාරියවසම් මහතා විසින් මේ බව හෙළිදරව් කරන ලදි. ඇයගේ දස්කම් අගයමින් අධ්‍යාපන ඇමතිවරයා විසින් ඇයට ලැප්ටොප් පරිගණකයක්ද ප්‍රදානය කරන ලදි.

1997 වසරේ දී ලෝක ශූරතා මලල ක්‍රීඩා තරගාවලියේදී සුසන්තිකා ජයසිංහ ලබාගත් පදක්කමෙන් පසුව ලෝක මට්ටමේ මලල ක්‍රීඩා තරගාවලියකදී ශ්‍රී ලංකා ක්‍රීඩකයෙකු හෝ ක්‍රීඩිකාවක විසින් දිනාගන්නා ලද පළමු පදක්කම ද මෙයයි. යොවුන් ඔලිම්පික් ක්‍රීඩා උළෙලකදී මලල ක්‍රීඩා අංශයෙන් ශ්‍රී ලාංකිකයෙකු පදක්කමක් ජයග්‍රහණය කළ පළමු අවස්ථාවද මෙය වෙයි.

දුෂ්කරතා මධ්‍යයේ මෙවැනි දක්ෂතා දැක්විය හැකි සිසු දරුවන්  සිටීම මුළු රටටම ආඩම්බරයක් බව පෙන්වා දුන් අමාත්‍යවරයා, ඇයට ලබා දෙන සුභග ශිෂ්‍යත්ව අරමුදලට අමතරව ඇයගේ ක්‍රීඩා පුහුණුකරුට සහ ඇයට ක්‍රීඩා කුසලතා නංවා ගැනීමට වසර 06 ක් යනතුරු මාසිකව රු. 25,000 බැඟින් ලබාදීමට කැබිනට් පත්‍රිකාවක් ඉදිරිපත් කිරීමට පියවර ගන්නා බවද මෙහිදී සඳහන් කළේය. අ.පො.ස (සා. පෙළ) විභාගයෙන් පසුව මලල ක්‍රීඩා පිළිබඳව මාස 03ක පුහුණුවක් සඳහා ඇය කෙන්යාවට යැවෙනු ඇත.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් විශිෂ්ටත්වය විදහා පෙන්වයි...
2019-02-16 15:33:48
  කුසල් පෙරේරාගේ (නොදැවී 155) අති විශිෂ්ට පිතිහරඹය නිසා දකුණු අප්‍රිකාවට එරෙහිව ඩර්බන් නුවරදී පැවැති පළමු ටෙස්ට් තරගයේදී ...
මම ගැහැව්වේ කෝච් වෙනුවෙන් ...
2019-02-17 15:00:45
ඩර්බන් නුවරදී පැවැති පළමු ටෙස්ට් තරගයේදී දකුණු අප්‍රිකානු කණ්ඩායම පරාජය කරමින් කළ පිතිහරඹය කණ්ඩායමේ පුහුණුකරු (චන්දික හතුරුසිංහ ම...
ශ්‍රී ලංකාව අසීරු හඹායෑමක...
2019-02-15 16:16:09
ඩර්බන් නුවර කිංග්ස්මේඞ් ක්‍රීඩාංගණයේදී පැවැත්වෙන පළමු වැනි ටෙස්ට් තරගයේ තුන්වැනි දිනය වන අද (15 වැනිදා) අයහපත් ආලෝක තත්වය හේතුවෙන් තරග...
ක්‍රීඩකයන්ගේ හැසිරීම ගැන විනය පියවර...
2019-02-18 20:06:24
දකුණු අප්‍රිකානු පිලට එරෙහිව ඩර්බන්හිදී පැවැති පළමු ටෙස්ට් තරගයේ ජයග්‍රහණයෙන් පසුව වීඩියෝ පටයකින් ප්‍රදර්ශනය වූ ශ්‍රී ලංකා...